મહાસુભાષિતસંગ્રહ · શ્લોક 1361-1380

અનાહિતાગ્નિઃ શતગુર્ અયજ્વા ચ સહ્સ્રગુઃ ।
સુરાપો વૃષલીભર્તા બ્રઃમહા ગુરુતલ્પગઃ ॥

અસત્પ્રતિગ્રહે યુક્ત્તઃ સ્તેનઃ કુત્સિતયાજકઃ ।
અદોષસ્ત્યક્તુમન્યોન્યં કર્મસંકરનિશ્ચયાત્ ॥

અનાહૂતઃ પ્રવિશતિ અપૃષ્ટો બહુ ભાષતે ।
વિશ્વસિત્યપ્રમત્તેષુ મૂઢચેતા નરાધમઃ ॥
અનાહૂતઃ સમાયાતઃ અનાપૃષ્ટસ્તુ ભાષતે ।
પરનિન્દાત્મનઃ સ્તુતિશ્ ચત્વારિ લઘુલક્ષણમ્ ॥

અનાહૂતપ્રવિષ્ટસ્ય દૃષ્ટસ્ય ક્રુદ્ધચક્ષુષા ।
સ્વયમેવોપવિષ્ટસ્ય વરં મૃત્યુર્ન ભોજનમ્ ॥

અનહૂતાઃ સ્વયં યાન્તિ રસાસ્વાદવિલોલુપાઃ ।
નિવારિતા ન ગચ્છન્તિ મક્ષિકા ઇવ ભિક્ષુકાઃ ॥

અનાહૂતો વિશેદ્યસ્તુ અપૃષ્ટો બહુ ભાષતે ।
આત્માનં મન્યતે પ્રીતં ભૂપાલસ્ય સ દુર્મતિઃ ॥

અનાહ્વાને પ્રવેશશ્ચ અપૃષ્ટે પરિભાષણમ્ ।
આત્મસ્તુતિઃ પરે નિન્દા ચત્વારિ લઘુલક્ષણમ્ ॥

અનિચ્છતોઽપિ દુઃખાનિ યથેહાયાન્તિ દેહિનઃ ।
સુખાન્યપિ તથા મન્યે ચિન્તાદૈન્યેન કો ગુણઃ ॥

અનિઃસરન્તીમપિ ગેહગર્ભાત્ કીર્તિં પરેષામસતીં વદન્તિ ।
સ્વૈરં ભ્રમન્તીમપિ ચ ત્રિલોક્યાં ત્વત્કીર્તિમાહુઃ કવયઃ સતીં તુ ॥

અનિચ્છન્તોઽપિ વિનયં વિદ્યાભ્યાસેન બાલકાઃ ।
ભેષજેનેવ નૈરુજ્યં પ્રાપણીયાઃ પ્રયત્નતઃ ॥

અનિચ્છન્નપિ ચિત્તેન વિદેશસ્થોઽપિ માનવઃ ।
સ્વકર્મોત્પાતવાતેન નીયતે યત્ર તત્ફલમ્ ॥

અનિજ્યયા વિવાહૈશ્ચ વેદસ્યોત્સાદનેન ચ ।
કુલાન્યકુલતાં યાન્તિ ધર્મસ્યાતિક્રમેણ ચ ॥

અનિત્યં નિસ્રાણં જનનમરણવ્યાધિકલિતં જગન્મિથ્યાત્વાર્થૈરહમહમિકાલિઙ્ગિતમિદમ્ ।
વિચિન્ત્યૈવં સન્તો વિમલમનસો ધર્મમતયસ્ તપઃ કર્તું વૃત્તાસ્તદપસૃતયે જૈનમનઘમ્ ॥

અનિત્યં યૌવનં રૂપં જીવિતં દ્રવ્યસંચયઃ ।
ઐશ્વર્યં પ્રિયસંવાસો ગૃધ્યેદેષુ ન પણ્ડિતઃ ॥

અનિત્યતાસમાખ્યાનં વિષયાદિવિડમ્બનમ્ ।
પશ્ચાત્તાપસ્ય કથનં કાલસ્ય ચરિતં તથા ॥

અનિત્યતે જગન્નિન્દ્યે વન્દનીયાસિ સંપ્રતિ ।
યા કરોષિ પ્રસઙ્ગેન દુઃખાનામપ્યનિત્યતામ્ ॥

અનિત્યત્વે કૃતમતિર્ મ્લાનમાલ્યેન શોચતિ ।
નિત્યત્વે કૃતબુદ્ધિસ્તુ ભિન્નભાણ્ડેઽનુશોચતિ ॥

અનિત્યમિતિ જાનન્તો ન ભવન્તિ ભવન્તિ ચ ।
અથ યેનૈવ કુર્વન્તિ નૈવ જાતુ ભવન્તિ તે ॥

અનિત્યસ્ય શરીરસ્ય સર્વદોષમયસ્ય ચ ।
દુર્ગન્ધસ્ય ચ રક્ષાર્થં નાહં પાપં કરોમિ વૈ ॥

અનિત્યાનિ શરીરાણિ વિભવો નૈવ શાશ્વતઃ ।
નિત્યં સંનિહિતો મૃત્યુઃ કર્તવ્યો ધર્મસંગ્રહઃ ॥