મહાસુભાષિતસંગ્રહ · શ્લોક 1301-1320

અનાગતં ભયં દૃષ્ટ્વા નીતિશાસ્ત્રવિશારદઃ ।
અવસન્મૂષકસ્તત્ર કૃત્વા શતમુખં બિલમ્ ॥

અનાગતં યઃ કુરુતે સ શોભતે સ શોચતે યો ન કરોત્યનાગતમ્ ।
વને વસન્નેવ જરામુપાગતો બિલસ્ય વાચા ન કદાપિ હિ શ્રુતા ॥

અનાગતં હિ બુધ્યેત યચ્ચ કાર્યં પુરઃ સ્થિતમ્ ।
ન તુ બુદ્ધિક્ષયાત્ કિંચિદ્ અતિક્રામેત્ પ્રયોજનમ્ ॥

અનાગતવર્તીં ચિન્તાં કૃત્વા યસ્તુ પ્રહૃષ્યતિ ।
સ તિરસ્કારમાપ્નોતિ ભગ્નભાણ્ડો દ્વિજો યથા ॥

અનાગતવતીં ચિન્તાં યો નરઃ કર્તુમિચ્છતિ ।
સ ભૂમૌ પાણ્ડુરઃ શેતે સોમશર્મપિતા યથા ॥

અનાગતવિધાતા ચ પ્રત્યુત્પન્નમતિશ્ચ યઃ ।
દ્વવેવ સુખમેધેતે દીર્ઘસૂત્રી વિનશ્યતિ ॥

અનાગતવિધાતારમ્ અપ્રમત્તમકોપનમ્ ।
સ્થિરારમ્ભમદીનં ચ નરં શ્રીરુપતિષ્ઠતિ ॥

અનાગતવિધાનં ચ કર્તવ્યં વિષયે નૃપૈઃ ॥
આગમશ્ચાપિ કર્તવ્યસ્ તથા દોષો ન જાયતે ॥

અનાગતવિધાનં તુ કર્તવ્યં શુભમિચ્છતા ।
આપદં શઙ્કમાનેન પુરુષેણ વિપશ્ચિતા ॥

અનાગતોપધં હિંસ્રં દુર્બુદ્ધિમબહુશ્રુતમ્ ।
ત્યક્ત્તોપાત્તં મદ્યપાનદ્યૂતસ્ત્રીમૃગયાપ્રિયમ્ ॥
કાર્યે મહતિ યુઞ્જાનો હીયતેઽર્થપતિઃ શ્રિયા ॥

અનાઘ્રાતં પુષ્પં કિસલયમલૂનં કરરુહૈર્ અનાવિદ્ધં રત્નં મધુ નવમનાસ્વાદિતરસમ્ ।
અખણ્ડં પુણ્યાનાં ફલમિવ ચ તદ્રૂપમનઘં ન જાને ભોક્ત્તારં કમિહ સમુપસ્થાસ્યતિ વિધિઃ ॥

અનાતપત્રોઽપ્યયમત્ર લક્ષ્યતે સિતાતપત્રૈરિવ સર્વતો વૃતઃ ।
અચામરોઽપ્યેષ સદૈવ વીજ્યતે વિલાસબાલવ્યજનેન કોઽપ્યયમ્ ॥

અનાતુરોત્કણ્ઠિતયોઃ પ્રસિધ્યતા સમાગમેનાપિ રતિર્ન માં પ્રતિ ।
પરસ્પરપ્રાપ્તિનિરાશયોર્વરં શરીરનાશોઽપિ સમાનુરાગયોઃ ॥

અનાત્મવાન્ નયદ્વેષી વર્ધયન્નરિસંપદઃ ।
પ્રાપ્યાપિ મહદૈશ્વર્યં સહ તેન વિનશ્યતિ ॥

અનાથાનાં દરિદ્રાણાં બાલવૃદ્ધતપસ્વિનામ્ ।
અન્યાયપરિભૂતાનાં સર્વેષાં પાર્થિવો ગતિઃ ॥

અનાથાનાં નાથો ગતિરગતિકાનાં વ્યસનિનાં વિનેતા ભીતાનામભયમધૃતીનાં ભરવશઃ ।
સુહૃદ્બન્ધુઃ સ્વામી શરણમુપકારી વરગુરુઃ પિતા માતા ભ્રાતા જગતિ પુરુષો યઃ સ નૃપતિઃ ॥

અનાથાન્ રોગિણો યશ્ચ પુત્રવત્ પરિપાલયેત્ ।
ગુરુણા સમનુજ્ઞાતઃ સ ભિષક્ચ્છબ્દમશ્નુતે ॥

અનાદરપરો વિદ્વાન્ ઈહમાનઃ સ્થિરાં શ્રિયમ્ ।
અગ્નેઃ શેષમૃણાચ્છેષં શત્રોઃ શેષં ન શેષયેત્ ॥

અનાદરહતાં સેવાં દામ્પત્યં પ્રેમવર્જિતમ્ ।
મૈત્રીં ચ હેતુસાપેક્ષાં ચે તના નાધિકુર્વતે ॥

અનાદરાલોકવિવૃદ્ધશોકઃ પિતુઃ પ્રિયાવાક્યવશંગતસ્ય ।
ઔત્તાનપાદિર્જગતાં શરણ્યમ્ આરાધ્ય વિષ્ણું પદમગ્ર્યમાયાત્ ॥