મહાસુભાષિતસંગ્રહ · શ્લોક 0940-0959

અદ્યાપિ તાં સુરતતાણ્ડવસૂત્રધારીં પૂર્ણેન્દુસુન્દરમુખીં મદવિહ્વલાઙ્ગીમ્ ।
તન્વીં વિશાલજઘનસ્તનભારનમ્રાં વ્યાલોલકુન્તલકલાપવતીં સ્મરામિ ॥

અદ્યાપિ તાં સુરતલબ્ધયશઃપતાકાં લમ્બાલકાં વિરહપાણ્ડુરગણ્ડભિત્તિમ્ ।
સ્વપ્નેઽપિ લોલનયનાં ક્ષણદૃષ્ટનષ્ટાં વિદ્યાં પ્રમાદગુણિતામિવ સંસ્મરામિ ॥

અદ્યાપિ તાં સુરભિનિર્ભરદન્તભાજં ધાવન્તમાસ્યકમલં ચલચઞ્ચરીકમ્ ।
કિંચિચ્ચલલ્લલિતકુઞ્ચિતવામનેત્રાં પશ્યામિ કેલિકમલેન નિવારયન્તીમ્ ॥

અદ્યાપિ તાં સુવદનાં વલભૌ નિષણ્ણાં તદ્ગેહસંનિધિપદે મયિ દૃષ્ટમાત્રે ।
વીતોત્તરાં પ્રિયસખીષુ કુતસ્મરાસુ લજ્જાવિલાસહસિતાં હૃદિ ચિન્તયામિ ॥

અદ્યાપિ તાં સુવદનાં સ્તનભારનભ્રાં શ્યામાં ચ વામનયનાં રમણીયગાત્રીમ્ ।
નિદ્રાલસામલકનિર્જિતષટ્પદાલિં સંચિન્તયામિ સતતં સ્મરવૈજયન્તીમ્ ॥

અદ્યાપિ તાં સુશયિતાં ક્ષણવિપ્રબુદ્ધાં નિદ્રાલસાં હૃદિ વહામિ કૃતાઙ્ગભઙ્ગામ્ ।
જૃમ્ભાવતીર્ણમુખમારુતગન્ધલબ્ધ- મુઘભ્રમદ્ભ્રમરવિભ્રમલોલનેત્રામ્ ॥

અદ્યાપિ તાં સ્તિમિતવસ્ત્રમિવાઙ્ગલગ્નાં પ્રૌઢપ્રતાપમદનાનલતપ્તદેહામ્ ।
બાલામનાથશરણામનુકમ્પનીયાં પ્રાણાધિકાં ક્ષણમહં ન હિ વિસ્મરામિ ॥

અદ્યાપિ તાનિ સ્મિતમુખીં પુરુષાયિતેષુ લમ્બાલકાકુલકપોલલતાં સ્મરામિ ।
આન્દોલનશ્રમજલાકુલવિહ્વલાઙ્ગીં શ્વાસોત્તરં ચ નિભૃતં ચ મુહુર્વદન્તીમ્ ॥

અદ્યાપિ તાનિ પરિવર્તિતકંધરાણિ કિંચિત્ક્ષુતત્રુટિતકઞ્ચુકજાલકાનિ ।
તસ્યા ભુજાગ્રલુલદુદ્વલકુન્તલાનિ ચિત્તે સ્ફુરન્તિ મમ વક્રવિલોચનાનિ ॥

અદ્યાપિ તાનિ મમ ચેતસિ સંસ્ફુરન્તિ કર્ણાન્તસંગતકટાક્ષનિરીક્ષિતાનિ ।
તસ્યાઃ સ્મરજ્વરકરાણિ મદાલસાનિ લીલાવિલાસબહુલાનિ વિલોચનાનિ ॥

અદ્યાપિ તાનિ મમ ચેતસિ સંસ્ફુરન્તિ બિમ્બોષ્ઠદેશપરિકીર્ણશુચિસ્મતાનિ ।

અદ્યાપિ તાનિ મૃદુવાક્યસુભાષિતાનિ તિર્થગ્વિવર્ત્તિનયનાન્તનિરીક્ષણાનિ લીલાલસાઞ્ચિતગતાનિ શુચિસ્મિતાનિ તસ્યાઃ સ્મરામિ મદવિભ્રમચેષ્ટિતાનિ ॥

અદ્યાપિ તામનિભૃતક્રમમાગતં ચ માં દ્વારિ વીક્ષ્ય શયને નિમિષેણ સુપ્તામ્ ।
મન્દં મયિ સ્પૃશતિ કણ્ડકિતાઙ્ગયષ્ટિમ્ ઉત્ફુલ્લગણ્ડફલકાં બહુશઃ સ્મરામિ ॥

અદ્યાપિ તામનુનયત્યપિ ચાટુપૂર્વં કોપાત્ પ્રાકૃતમુખીં મયિ સાપરાધે ।
આલિઙ્ગતિ પ્રસભમુત્પુલકાઙ્ગયષ્ટિં મામેતે દુઃસહમિવોક્તવતીં સ્મરામિ ॥

અદ્યાપિ તામનુનયત્યપિ મય્યસક્તાં વ્યાવૃત્ત્ય કેલિશયને શયિતાં પરાચીમ્ ।
નિદ્રાકુલામિવ મમાભિમુખીભવન્તીં પ્રાતર્મદઙ્ગનિહિતૈકભુજાં સ્મરામિ ॥

અદ્યાપિ તામભિવિશાલનિતમ્બબિમ્બાં ગમ્ભીરનાભિકુહરાં તનુમધ્યભાગામ્ ।
અમ્લાનકોમલમૃણાલસમાનબાહું લીલાલસાઞ્ચિતગતિં મનસા સ્મરામિ ॥

અદ્યાપિ તામરુણયત્યરુણેન્તરિક્ષમ્ આપૃચ્છમાનમપિ નામ વિધારયન્તીમ્ ।
ઉત્થાપ્ય નિશ્ચલદૃશૌ મમ નિઃશ્વસન્તીં ચિન્તાકુલાં કિમપિ નમ્રમુખીં સ્મરામિ ॥

અદ્યાપિ તામલમસીલિતચારુનેત્રાં લોલદ્ભુજાવલયઝંકૃતિમાવહન્તીમ્ ।
વેલ્લત્કરોરુકુચમુન્નમિતસ્વકર્ણે કણ્ડૂયનં વિદધતીં હૃદિ ચિન્તયામિ ॥

અદ્યાપિ તામવહિતાં મનસાચલેન સંચિન્તયામિ યુવતીં મમ જીવિતાશામ્ ।
નાન્યોપભુક્તનવયૌવનભારસારાં જન્માન્તરેઽપિ મમ સૈવ ગતિર્યથા સ્યાત્ ॥

અદ્યાપિ તામવિગણય્ય કૃતાપરાધમ્ આપાદમૂલપતિતં સહસા ચલન્તીમ્ ।
વસ્ત્રાઞ્ચલં મમ કરાન્નિજમાક્ષિપન્તીં મા મેતિ રોષપરુષં વદતીં સ્મરામિ ॥