મહાસુભાષિતસંગ્રહ · શ્લોક 0861-0880

અદ્ય ભોમિદિનં સત્યં સત્યમપ્રસ્તુતં તવ ।
તથાપિ દૂતિ ગન્તવ્યં નાર્તઃ કાલમપેક્ષતે ॥

અદ્ય મે સફલમાયતનેત્રે જીવિતં મદનસંશ્રયભાવમ્ ।
આગતાસિ ભવનં મમ યસ્માત્ સ્વાગતં તવ વરોરુ નિષીદ ॥

અદ્ય યાવદપિ યેન નિબદ્ધૌ ન પ્રભૂ વિચલિતું બલિવિન્ધ્યૌ ।
આસ્થિતાવિતથતાગુણપાશસ્ ત્વાદૃશા સ વિદુષા દુરપાસઃ ॥

અદ્ય શીતં વરિવર્તિ સરીસર્તિ સમીરણઃ ।
અપત્નીકો મરીમર્તિ નરીનર્તિ કુચોષ્ણવાન્ ॥

અદ્ય સ પ્રવસતીતિ સુભ્રુવઃ શ્રોત્રસીમનિ વિજૃમ્ભિતે ધ્વનૌ ।
સદ્ય એવ નિજપાણિગુમ્ફિતે પુષ્પદામનિ મહોરગભ્રમઃ ॥

અદ્ય સુન્દરિ કલિન્દનન્દિની- તીરકુઞ્જભુવિ કેલિલમ્પટઃ ।
વાદયન્ મુરલિકાં મુહુર્મુહુર્ માધવો હરતિ મામકં મનઃ ॥

અદ્ય સ્વર્ગવધૂગણે ગુણમય ત્વત્કીર્તિમિન્દૂજ્જવલામ્ ઉચ્ચૈર્ગાયતિ નિષ્કલઙ્કિમદશામાદાસ્યતે ચન્દ્રમાઃ ।
ગીતાકર્ણનમોદમુક્તયવસગ્રાસાભિલાષો વદ સ્વામિન્નઙ્કમૃગઃ કિયન્તિ હિ દિનાન્યેતસ્ય વર્તિષ્યતે ॥

અદ્ય સ્વાં જનનીમકારણરુષા પ્રાતઃ સુદૂરં ગતાં પ્રત્યાનેતુમિતો ગતો ગૃહપતિઃ ક્ષુત્વૈવ મધ્યંદિને ।
પઙ્ગુત્વેન શરીરજર્જરતયા પ્રાયઃ સ લક્ષ્યાકૃતિર્ દૃષ્ટોઽસૌ ભવતા ન કિં પથિક હે સ્થિત્વા ક્ષણં કથ્યતામ્ ॥

અદ્યાપિ કોકનદચારુસરેખહસ્તાં તાં શાતકુમ્ભકલશસ્તનચારુગાત્રીમ્ ।
બિમ્બાધરીં વિષમબાણનિપીડિતાઙ્ગીં સંચિન્તયે દ્વ્યણુકમધ્યતનુપ્રકાશામ્ ॥

અદ્યાપિ કોપવિમુખીકૃતગન્તુકામા નોક્તં વચઃ પ્રતિદદાતિ યદૈવ વક્ત્રમ્ ।
ચુમ્બામિ રોદતિ ભૃશં પતિતોઽસ્મિ પાદે દાસસ્તવ પ્રિયતમે ભજ માં સ્મરામિ ॥

અદ્યાપિ ચાટુશતદુર્લલિતોચિતાર્થં તસ્યાઃ સ્મરામિ સુરતક્લમવિહ્વલાયાઃ ।
અવ્યક્તનિઃસ્વનિતકાતરક્થ્યમાન- સંકીર્ણવર્ણરુચિતં વચનં પ્રિયાયાઃ ॥

અદ્યાપિ તત્કનકકુણ્ડલઘૃષ્ટગણ્ડમ્ આસ્યં સ્મરામિ વિપરીતરતાભિયોગે ।
આન્દોલનશ્રમજલસ્ફુટસાન્દ્રબિન્દુ- મુક્તાફલપ્રકરવિચ્છુરિતં પ્રિયાયાઃ ॥

અદ્યાપિ તત્કનકગૌરકૃતાઙ્ગરાગં પ્રસ્વેદબિન્દુવિતતં વદ્નં પ્રિયાયાઃ ।
અન્તે સ્મરામિ રતિખેદવિલોલનેત્રં રાહૂપરાગપરિમુક્તમિવેન્દુબિમ્બમ્ ॥

અદ્યાપિ તત્કનકરેણુઘનોરુદેશે ન્યસ્તં સ્મરામિ નખરક્ષતલક્ષ્મ તસ્યાઃ ।
આકૃષ્ટહેમરુચિરામ્બર્મુત્થિતાયા લજ્જાવશાત્ કરધૃતં ચ તતો વ્રજન્ત્યાઃ ॥

અદ્યાપિ તત્કમલરેણુસુગન્ધગન્ધિ તત્પ્રેમવારિ મકરધ્વજપાતકારિ ।
પ્રાપ્નોમ્યહં યદિ પુનઃ સુરતૈકતીર્થં પ્રાણાંસ્ત્યજામિ નિયતં તદવાપ્તિહેતોઃ ॥

અદ્યાપિ તત્કૃતકચગ્રહમાગ્રહેણ દન્તૈર્મયા દશનવાસસિ ખણ્ડ્યમાને ।
તસ્યા મનાઙ્મુકુલિતાક્ષમલક્ષ્યમાણ- સીત્કારગર્ભમસકૃદ્વદનં સ્મરામિ ॥

અદ્યાપિ તત્તરલતારકિતાક્ષમાસ્યમ્ આલિપ્રચન્દનરસાહિતશોભમસ્યાઃ ।
કસ્તૂરિકાતિલકતારકિતાભિરામ- ગણ્ડસ્થલદ્યુતિ મુહુર્મનસા સ્મરામિ ॥

અદ્યાપિ તત્પ્રણયભઙ્ગુરદૃષ્ટિપાતં તસ્યાઃ સ્મરામિ રતિવિભ્રમગાત્રભઙ્ગમ્ ।
વસ્ત્રાઞ્ચલસ્ખલનચારુપયોધરાન્તં દન્તચ્છદં દશનખણ્ડનમણ્ડનં ચ ॥

અદ્યાપિ તત્સપરિવેષશશિપ્રકાશમ્ આસ્યં સ્મરામિ જડ્ગાત્રવિવર્તનેષુ ।
તદ્વેલદુજ્જ્વલકરાઙ્ગુલિજાલગુમ્ફ- દોઃ કન્દલીયુગલકં દયિતં પ્રિયાયાઃ ॥

અદ્યાપિ તત્સુરતકેલિનિરસ્ત્રયુદ્ધં બન્ધોપબન્ધપતનોત્થિતશૂન્યહસ્તમ્ ।