મહાસુભાષિતસંગ્રહ · શ્લોક 0841-0860

અદૃષ્ટગુણદોષાણામ્ અધૃતાનાં ચ કર્મણામ્ ।
નાન્તરેણ ક્રિયાં તેષાં ફલ્મિષ્ટં પ્રવર્તતે ॥

અદૃષ્ટપૂર્વઃ કણ્ઠોઽયં કાન્તાયા ભુવન્ત્રયે ।
યસ્માદ્વિણાનિનાદસ્ય સમુદ્ભૂતિર્વિભાવ્યતે ॥

અદૃષ્ટપૂર્વમસ્માભિર્ યદેતદ્દૃશ્યતેઽધુના ।
વિષં વિષધરૈઃ પીતં મૂર્છિતાઃ પથિકાઙ્ગનાઃ ॥

અદૃષ્ટપૂર્વાનાદાય ભાવાનપરિશઙ્કિતાન્ ।
ઇષ્ટાનિષ્ટાન્ મનુષ્યાણામ્ અસ્તં ગચ્છન્તિ રાત્રયઃ ॥

અદૃષ્ટપૂર્વા બહવઃ સહાયાઃ સર્વે પદસ્થસ્ય ભવન્તિ વશ્યાઃ ।
અર્થાદ્વિહીનસ્ય પદચ્યુતસ્ય ભવન્તિ કાલે સ્વજનોઽપિ શત્રુઃ ॥

અદૃષ્ટમુખભઙ્ગસ્ય યુક્તમન્ધસ્ય યાચિતુમ્ ।
અહો બત મહત્ કષ્ટં ચક્ષુષ્માનપિ યાચતે ॥

અદૃષ્ટવ્યાપારં ગતવતિ દિનાનામધિપતૌ યશઃ શેષીભૂતે શશિનિ ગતધામ્નિ ગ્રહગણે ।
તથાન્ધં સંજાતં જગદુપનતે મેઘસમયે યથામી ગણ્યન્તે તમસિ પટવઃ કીટમણયઃ ॥

અદૃષ્ટે દર્શનોત્કણ્ઠા દૃષ્ટે વિચ્છેદભીરુતા ।
તદૃષ્ટેન ન દૃષ્ટેન ભત્રતા લભ્યતે મુખમ્ ॥

અદેશકાલાર્થમનાયતિક્ષમં યદપ્રિયં લાઘવકારિ ચાત્મનઃ ।
વિચિન્ત્ય બુદ્ધ્યા મુહુરપ્યવૈમ્યહં ન તદ્વચો હાલહલં હિ તદ્વિષમ્ ॥

અદેશકાલે યદ્ દાનમ્ અપાત્રેભ્યશ્ચ દીયતે ।
અસત્કૃતમવજ્ઞાતં તત્તામસમુદાહૃદમ્ ॥

અદેશસ્થો હિ રિપુણા સ્વલ્પકેનાપિ હન્યતે ।
ગ્રાહોઽલ્પીયાનપિ જલે જલેન્દ્રમપાઇ કર્ષતિ ॥

અદૈવં દૈવતં કુર્યુર્ દૈવતં ચાપ્યદૈવતમ્ ।
લોકપાલાન્ સૃજેયુશ્ચ લોકાનન્યાંસ્તથા દ્વિજઃ ॥

અદોષાદ્દોષાદ્વા ત્યજ્તિ વિપિને તાં યદિ ભવાન્ અભ્રદ્રં ભદ્રં વા ત્રિભુવનપતે ત્વાં વદતુ કઃ ।
ઇદં ક્રૂરં મે સ્મરતિ હૃદયં યત્ કિલ તયા ત્વદર્થ કાન્તારે કુલતિલક નાત્માપિ ગણિતઃ ॥

અદ્ભિઃ શુધ્યન્તિ વસ્ત્રાણિ મનઃ સત્યેન શુધ્યતિ ।
અહિંસયા ચ ભૂતાત્મા બુદ્ધિર્જ્ઞાનેન શુધ્યતિ ॥

અદ્ભિર્ગાત્રાણિ શુધ્યન્તિ મનઃ સત્યેન શુધ્યતિ ।
વિદ્યાતપોભ્યાં ભૂતાત્મા બુદ્ધિર્જ્ઞાનેન શુધ્યતિ ॥

અદ્ભુતસ્તક્ર્પાથોધિર્ અગાધી યસ્ય વર્ધકઃ ।
અક્ષપાદોઽતમઃસ્પૃષ્ટસ્ ત્વકલઙ્કઃ કલાનિધિઃ ॥

અદ્ભ્યો ઽગ્નિર્બ્રહ્મતઃક્ષત્રમ્ અશ્મનો લોહમુત્થિતમ્ ।
તેષાં સર્વત્રગં તેજઃ સ્વાસુ યોનિષુ સામ્યતિ ॥

અદ્યતનો યોદ્ધવ્યે શકુનો વિહયાય યાક્રિકવિરુદ્વઃ ।
દિવસાન્તરિતે યુદ્ધે ક્ષેમઃ પ્રાસ્થાનિકઃ શકુનઃ ॥

અદ્ય ધારા સદાધારા સદાલમ્બા સરસ્વતી ।
પણ્ડિતા મણ્ડિતાઃ સર્વે ભોજરાજે ભુવં ગતે ॥

અદ્ય પ્રભૃત્યવનતાઙ્ગિ તવાસ્મિ દાસઃ ક્રીતસ્તપોભિરિતિ વાદિનિ ચન્દ્રમૌલૌ ।
અહ્નાય સા નિયમજં ક્લમમુત્સસર્જ ક્લેશઃ ફલેન હિ પુનર્નવતાં વિધત્તે ॥