મહાસુભાષિતસંગ્રહ · શ્લોક 0821-0840

અદાક્ષિણ્યાદતીવોગ્રાઃ પવના ઇવ દુર્જનાઃ ।
ગુરૂનપિ પ્રતિક્ષેપ્તું પ્રયતન્તે ક્ષમાભૃતઃ ॥

અદાતા પુરુષસ્ત્યાગી દાતા ત્યાગી ચ નિત્યશઃ ।
ઇતિ જ્ઞાત્વા સ્વયં બુદ્ધયા ધનં દદ્યાત્ પુનઃ પુનઃ ॥

અદાતા પુરુષસ્ ધનં સંત્યજ્ય ગચ્છતિ ।
દાતારં કૃપણં મન્યે મૃતોઽપ્યર્થં ન મુઞ્ચતિ ॥

અદાતારં દાતૃપ્રવરમનયં વિશ્વવિનયં વિરૂપં રૂપાઢ્યં વિગતજયિનં વિશ્વજયિનમ્ ।
અકુલ્યં કુલ્યં ત્વામહમવદમાશાપરવશાત્ મૃષાવાદેત્યુક્તિસ્ત્વયિ ખલુ મૃષાવાદિનિ મયિ ॥

અદાતા વંશદોષેણ કર્મદોષાદ્ દરિદ્રતા ।
ઉત્માદો માતૃદોષેણ પિતૃદોષેણ મૂર્ખતા ॥

અદાતૃમાનસં ક્વાપિ ન સ્પૃશન્તિ કવેર્ગિરઃ ।
દુઃખાયૈવાતિવૃદ્ધસ્ય વિલાસાસ્તરુણીકૃતાઃ ॥

અદાનમીષદ્ દાનં ચ કિંચિત્ કોપાય દર્ધિયામ્ ।
સંપૂર્ણદાનં પ્રકૃતિર્ વિરામો વૈરકારણમ્ ॥

અદાન્તસ્યાવિનીતસ્ય વૃથાપણ્ડિતમાનિનઃ ।
ન ગુણાય ભવન્તિ સ્મ નટસ્યેવાજિતાત્મનઃ ॥

અદાહિ યસ્તેન દશાર્ધબાણઃ પુરા પુરારેર્નયનાલયેન ।
ન નિર્દહંસ્તં ભવદક્ષિવાસી ન વૈરશુદ્ધેરધુનાધર્મણઃ ॥

અદીપ્તેઽગ્નૌ હતો હોમો હતા ભુક્તિરસાક્ષિકા ।
ઉપજીવ્યા હતા કન્યા સ્વાર્થે પાકક્રિયા હતા ॥

અદીર્ઘં કાલમાપન્નઃ પ્રશ્રયં યુવતેઃ સ્મરઃ ।
પ્રગલ્ભ્યતે મનસ્યેવ મુઘં વપુષિ જાયતે ॥

બિભેત્યઙ્ગાર્પણે વાચ્છત્યાલિખ્યાતાં રતિં પ્રિયે ।
ઉક્તપ્રત્યુક્તસંમૂઢા સંમુખં ન નિરીક્ષતે ॥

રતચૂતફલોત્પાકરસૈઃ કાન્તં ન ધિન્વતી ।
બાલા નિદાઘલક્ષ્મીવ તાપયત્યેવ કેવલમ્ ॥

અદીર્ઘદર્શિભિઃ ક્રૂરૈર્ મૂઢૈરિન્દ્રિયસાયકૈઃ ।
હમદ્ભિઃ ક્રિયતે કર્મ રુદદ્ભિરનુભૂયતે ॥

અદીર્ઘસૂત્રઃ સ્મૃતિમાન્ કુતજ્ઞો નીતિશાસ્ત્રવિત્ ।
ધીમાનાયતિદર્શી ચ મન્ત્રી રાજ્ઞઃ સુસંનિધિઃ ॥

અદુર્ગવિષયઃ કસ્ય નારેઃ પરિભવાસ્પદમ્ ।
અદુર્ગોઽનાશ્રયો રાજા પોતચ્યુતમનુષ્યવત્ ॥

અદૃષ્ટાપતિતાં ભાર્યાં મૂઢો યસ્તુ પરિત્યજેત્ ।
સપ્તજન્મનિ સ સ્ત્રીત્વં લભતે નાત્ર સંશયઃ ॥

અદુષ્ટાપતિતાં ભાર્યાં યૌવને યઃ પરિત્યજેત્ ।
સ જીવનાન્તે સ્ત્રીત્વં ચ વન્ધ્યત્વં ચ સમાપ્નુયાત્ ॥

અદૂરગમનં તીર્થમ્ અદેહદમનં તપઃ ।
અનમ્ભઃસંભવં સ્નાનં માતુશ્ચરણપઙ્કજમ્ ॥

અદૃષ્યન્તિ પુરસ્તેન ખેલાઃ ખઞ્જનપઙ્ક્તયઃ ।
અસ્મય્રન્ત વિનિઃશ્વસ્ય પ્રિયાનયનવિભ્રમાઃ ॥