મહાસુભાષિતસંગ્રહ · શ્લોક 0401-0420

અજાવિગર્દભોષ્ટ્રાણાં માર્જારમૂષિકસ્ય ચ ।
રજાંસ્યેતાનિ પાપાનિ સર્વતઃ પરિવર્જયેત્ ॥

અજાશ્વયોર્મુખં મેધ્યં ગાવો મેધ્યાસ્તુ પૃષ્ઠતઃ ।
બ્રાહ્મણાઃ પાદતો મેધ્યાઃ સ્ત્રિયો મેધ્યાશ્ચ સર્વતઃ ॥

અજા સિંહપ્રસાદેન વને ચરતિ નિર્ભયમ્ ।
રામમાસાદ્ય લઙ્કાયાં લેભે રાજ્યં વિભીષણઃ ॥

અજિતેન્દ્રિયવર્ગસ્ય નાચારેણ ભવેત્ ફલમ્ ।
કેવલં દેહખેદાય દુર્ભગસ્ય વિભૂષણમ્ ॥

અજિત્વા સાર્ણવામુર્વીમ્ અનિષ્ટ્વા વિવિધૈર્મખૈઃ ।
અદત્ત્વા ચાર્થમર્થિભ્યો ભવેયં પાર્થિવઃ કથમ્ ॥

અજીયતાવર્તશુભંયુનાભ્યાં દોર્ભ્યાં મૃણાલં કિમુ કોમલાભ્યામ્ ।
નિઃ સૂત્રમાસ્તે ઘનપઙ્કમૃત્સુ મૂર્તાસુ નાકીર્તિષુ તન્નિમગ્નમ્ ॥

અજીર્ણં તપસઃ ક્રોધો જ્ઞાનાજીર્ણમહંકૃતિઃ ।
પરિનિન્દા ક્રિયાંજીર્ણમ્ અન્નાજીર્ણં વિષૂચિકા ॥

અજીર્ણે ભેષજં વારિ જીર્ણે વારિ બલપ્રદમ્ ।
ભોજને ચામૃતં વારિ ભોજનાન્તે વિષાપહમ્ ॥

અજેયઃ સુભગઃ સૌમ્યઃ ત્યાગી ભોગી યશોનિધિઃ ।
ભવત્યભયદાનેન ચિરંજીવી નિરામયઃ ॥

અજૈડકાસૂકરવિડ્વિડઙ્ગ- કિણ્વોપચારેણ ચ બીજપૂરઃ ।
ભૂયોશ્વમૂત્રાવિલવારિસિક્તઃ ફલાનિ ધત્તે સુબહૂનિ શશ્વત્ ॥

અર્જિતં સ્વેન વીર્યેણ નાન્યપાશ્રિત્ય કંચન ।
ફલશાકમપિ શ્રેયો ભોક્તું હ્યકૃપણં ગૃહે ॥

અજ્ઞં કર્માણિ લિમ્પન્તિ તજ્જ્ઞં કર્મ ન લિમ્પતિ ।
લિપ્યતે રસનૈવૈકા સર્પિષા કરવદ્ યથા ॥

અજ્ઞઃ સુખમારાધ્યઃ સુખતરમારાધ્યતે વિશેષજ્ઞઃ ।
જ્ઞાનલવદુર્વિદગ્ધં બ્રહ્માપિ નરં ન રઞ્જયતિ ॥

અજ્ઞતયા પ્રેમ્ણા વા ચૂડામણિમાકલય્ય કાચમણિમ્ ।
નૃપતિર્વહેત શિરસા તેનાસૌ નહ્યનર્ઘ્યમણિઃ ॥

અજ્ઞશ્ચાશ્રદ્દધાનશ્ચ સંશયાત્મા વિનશ્યતિ ।
નાયં લોકોઽસ્તિ ન પરો ન સુખં સંશયાત્મનઃ ॥

અજ્ઞસ્તાવદહં ન મન્દધિષણઃ કર્તું મનોહારિણીશ્ ચાટૂક્તીઃ પ્રભવામિયામિભવતો યાભિઃ કૃપાપાત્રતામ્ ।
આર્તેનાશરણેન કિં તુ કૃપણેનાક્રન્દિતં કર્ણયોઃ કૃત્વા સત્વરમે હિ દેહિ ચરણં મૂર્ધન્યધન્યસ્ય મે ॥

અજ્ઞાતકાલોચિતકર્મયોગા રોગા ઇવાહર્નિશિ પશ્યમાનાઃ જગત્ત્રયે દેવમનુષ્યનાગાઃ ।
પ્રજ્ઞાદરિદ્રાઃ ખલુ સર્વ એવ ॥

અજ્ઞાતકુલશીલસ્ય વાસો દેયો ન કસ્યચિત્ ।
માર્જારસ્ય હિ દોષેણ હતો ગૃધ્રો જરદ્ગવઃ ॥

અજ્ઞાતકુલશીલેઽપિ પ્રીતિં કુર્વન્તિ વાનરાઃ ।
આત્માર્થે ચ ન રોદન્તિ રોદન્તિ ત્વિતરે જનાઃ ॥

અજ્ઞાતદેશકાલાશ્ ચપલમુખા પઙ્ગવોઽપિસ પ્લુતયઃ ।
નવવિહગા ઇવ મુગ્ધા ભક્ષ્યન્તે ધૂર્તમાર્જારૈઃ ॥