મહાસુભાષિતસંગ્રહ · શ્લોક 0361-0380

. . . . . .
અચ્છલં મિત્રભાવેન સતાં દારાવલોકનમ્

અચ્છાચ્છચન્દનરસાર્દ્રકરા મૃગાક્ષ્યો ધારાગૃહાણિ કુસુમાનિ ચ કૌમુદી ચ ।
મન્દો મરુત્ સુમનસઃ શુચિ હર્મ્યપૃષ્ઠં ગ્રીષ્મે મદં ચ મદનં ચ વિવર્ધયન્તિ ॥

અચ્છાસુ હંસ ઇવ બાલમૃણાલિકાસુ ભૃઙ્ગો નવાસ્વિવ મધુદ્રુમમઞ્જરીષુ ।
કોઽવન્તિભર્તુરપરો રસનિર્ભરાસુ પૃથ્વીપતિઃ સુકવિસૂક્તિષુ બદ્ધભાવઃ ॥

અચ્છિદ્રમસ્તુ હૃદયં પરિપૂર્ણમસ્તુ મૌખર્યમસ્તમિતમસ્તુ ગુરુત્વમસ્તુ ।
કૃષ્ણપ્રિયે સખિ દિશામિ સદાશિષસ્તે યદ્વાસરે મુરલિ મે કરુણાં કરોષિ ॥

અચ્છિન્નં નયનામ્બુ બન્ધુષુ કૃતં ચિન્તા ગુરુષ્વર્પિતા દત્તં દૈન્યમશેષતઃ પરિજને તાપઃ સખીષ્વાહિતઃ ।
અદ્ય શ્વઃ પરનિર્વૃતિં ભજતિ સા શ્વાસૈઃ પરં ખિદ્યતે વિશ્રબ્ધો ભવ વિપ્રયોગજનિતં દુઃખં વિભક્તં તયા ॥

અચ્છિન્નમેખલમલબ્ધદૃઢોપગૂઢમ્ અપ્રાપ્તચુમ્બનમવીક્ષિતવક્ત્રકાન્તિ ।
કાન્તાવિમિશ્રવપુષઃ કૃતવિપ્રલમ્ભ- સમ્ભોગસખ્યમિવ પાતુ વપુઃ સ્મરારેઃ ॥

અચ્છિન્નામૃતબિન્દુવૃષ્ટિસદૃશીં પ્રીતિં દદત્યા દૃશાં યાતાયા વિગલત્પયોધરભરાદ્દ્રષ્ટવ્યતાં કામપિ ।
અસ્યાશ્ચન્દ્રમસસ્તનોરિવ કરસ્પર્શાસ્પદત્વં ગતા નૈતે યન્મુકુલીભવન્તિ સહસા પદ્માસ્તદેવાદ્ભુતમ્ ॥

અચ્છેદ્યોઽયમદાહ્યોઽયમ્ અક્લેદ્યોઽશોષ્ય એવ ચ ।
નિત્યઃ સર્વગતઃ સ્થાણુર્ અચલોઽયં સનાતનઃ ॥

અચ્યુતચરણતરઙ્ગિણિ શશિશેખરમૌલિમાલતીમાલે ।
ત્વયિ તનુવિતરણસમયે હરતા દેયા ન મે હરિતા ॥

અચ્યુતભક્તિવશાદિહ સમભાવસ્તત્પ્રસઙ્ગેન ।
સા રમતેરભ્યુદયતિ રતિરિતિ નૈવાદ્ભુતં કિંચિત્ ॥

અચ્યુતાનન્તગોવિન્દનામોચ્ચારણભેષજાત્ ।
નશ્યન્તિ સકલા રોગાઃ સત્યં સત્યં વદામ્યહમ્ ॥

અજનિ પ્રતિદિનમેષા કર્દમશેષા મદઙ્ગસઙ્ગેન ।
પ્રતિનિશમપૂરિ પમ્પા દક્ષિણસંપાતિભિઃ સલિલૈઃ ॥

અજનિ ભગવાનસ્માદ્વેધાઃ શિરઃસુ સુધાભુજાં કૃતપદમિદં ચૈતદ્દેવ્યાઃ શ્રિયો ધૃતિમન્દિરમ્ ।
તદિહ ભુવનાભોગશ્લાઘ્યે સરોરુહિ યચ્ચિરં શશધર તવ દ્વેષારમ્ભઃ સ એષ જડગ્રહઃ ॥

અજનિ રજનિરન્યા ચન્દ્રમઃ કાન્તિવન્યા- વિપુલચપલવીચિવ્યાચિતા કાચિદેવ ।
સતરુગિરિસરિદ્ભિઃ કિં હરિદ્ભિઃ સમેતં ધવલિમનિ ધરિત્રીમણ્ડલં મગ્નમેતત્ ॥

અજનિ શિશિરશીલં શૈવલં સાગરે યચ્ ચિકુરમકૃત કામસ્તન્વિ તે કિં ન તેન ।
વહતિ કુટિલમેનં હેતુના કેન મૂર્ધ્ના વદનવિધુરયં ચેત્ સોદરો નાદસીયઃ ॥

અજન્મા પુરુષસ્તાવદ્ ગતાસુસ્તૃણમેવ વા ।
યાવન્નેષુભિરાદત્તે વિલુપ્તમરિભિર્યશઃ ॥

અજન્યકમ્પાઃ શૂરા યે નિત્યમપ્યપરાઙ્મુખાઃ ।
દર્શયન્ત્યપરાગેણ પરેભ્યશ્ચિત્રરૂપવત્ ॥

અજરામરવત્ પ્રાજ્ઞો વિદ્યામર્થં ચ ચિન્તયેત્ ।
ગૃહીત ઇવ કેશેષુ મૃત્યુના ધર્મમાચરેત્ ॥

અજવચ્ચર્વણં કુર્યાદ્ ગજવત્ સ્નાનમાચરેત્ ।
રાજવત્ પ્રવિશેદ્ગ્રામં ચોરવદ્ગમનં ચરેત્ ॥

અજસ્ય ગૃહ્ણતો જન્મ નિરીહસ્ય હતદ્વિષઃ ।
સ્વપતો જાગરૂકસ્ય યાથાત્મ્યં વેદ કસ્તવ ॥