મહાપ્રતિસરામહાવિદ્યારાજ્ઞી · અધ્યાય 9
[45] અત્ર મન્ત્રપદાઃ સિદ્ધાઃ સમ્યક્સંબુદ્ધભાષિતાઃ ।
નમો બુદ્ધાય । નમો ધર્માય । નમઃ સંઘાય । નમો ભગવતે શાક્યમુનયે મહાકારુણિકાય તથાગતાયાર્હતે સમ્યક્સંબુદ્ધાય । નમસ્ તેભ્યઃ સમ્યક્સંબુદ્ધેભ્યઃ ।
ભાવેનૈતાન્ નમસ્કૃત્ય બુદ્ધશાસનવૃદ્ધયે ।
અહમ્ ઇદાનીં સંપ્રવક્ષ્યામિ સર્વસત્ત્વાનુકમ્પયા
ઇમાં વિદ્યાં મહાતેજાં મહાબલપરાક્રમામ્ ।
યસ્યાં ભાષિતમાત્રાયાં મુનીનાં વજ્રાસને
મારાશ્ ચ મારકાયાશ્ ચ ગ્રહાઃ સર્વવિનાયકાઃ ।
વિઘ્નાશ્ ચ સન્તિ યે કેચિત્ તત્ક્ષણાદ્ વિલયં ગતાઃ
મૂળ પાઠ: Mahāpratisarāmahāvidyārājñī · Edition: Gergely Hidas: Mahāpratisarā-Mahāvidyārājñī, The Great Amulet, Great Queen of Spells. Introduction, Critical Editions and Annotated Translation, New Delhi : International Academy of Indian Culture and Aditya Prakashan 2012 (Śata-Piṭaka Series : Indo-Asian Literatures, 636). · Data entry Gergely Hidas · GRETIL (Göttingen) · CC BY-NC-SA 4.0