મહાપ્રતિસરામહાવિદ્યારાજ્ઞી · અધ્યાય 10

[46] તદ્યથા ।
ઓં ગિરિ 2 । ગિરિણિ । ગિરિવતિ । ગુણવતિ । આકાશવતિ । આકાશશુદ્ધે । પાપવિગતે । આકાશે । ગગનતલે । આકાશવિચારિણિ । જ્વલિતશિખરે । મણિમૌક્તિકખચિતમૌલિધરે । સુકેશે । સુવક્ત્રે । સુનેત્રે । સુવર્ણે । સુવર્ણગૌરે । અતીતે । અનુત્પન્ને । અનાગતે । પ્રત્યુત્પન્ને । નમઃ સર્વેષાં બુદ્ધાનાં જ્વલિતતેજસામ્ । બુદ્ધે । સુબુદ્ધે । ભગવતિ । સુરક્ષણિ । સુક્ષમે । સુપ્રભે । સુદમે । સુદાન્તે । વરે । ભગવતિ । ભદ્રવતિ । ભદ્રે । સુભદ્રે । વિમલે । જયભદ્રે । પ્રચણ્ડે । ચણ્ડે । વજ્રચણ્ડે । મહાચણ્ડે । ઘોરિ । ગન્ધારિ । ગૌરિ । ચણ્ડાલિ । માતઙ્ગિ । વર્ચસિ । સુમતિ । પુક્કસિ । શવરિ । શાવરિ । શઙ્કરિ । દ્રમિડિ । દ્રામિડિ । રૌદ્રિણિ । સર્વાર્થસાધનિ । હન 2 સર્વશત્રૂણામ્ । દહ 2 સર્વદુષ્ટાનાં પ્રેતપિશાચડાકિનીનાં મનુષ્યામનુષ્યાણામ્ । પચ 2 હૃદયં વિધ્વંસય જીવિતં સર્વદુષ્ટગ્રહાણામ્ । નાશય 2 સર્વપાપાનિ મે ભગવતિ । રક્ષ 2 માં સર્વસત્ત્વાનાં ચ સર્વત્ર સર્વભયોપદ્રવેભ્યઃ । સર્વદુષ્ટાનાં બન્ધનં કુરુ । સર્વકિલ્બિષનાશનિ । માર્તણ્ડે । મૃત્યુદણ્ડનિવારણિ । માનદણ્ડે । માનિનિ । મહામાનિનિ । ચલે । ચિટિ 2 । વિટિ 2 । નિટિ 2 । નિટિનિ । તુટે । ઘોરિણિ । વીરિણિ । પ્રવરસમરે । ચણ્ડાલિ । માતઙ્ગિ । રુન્ધસિ । સરસિ । વર્ચસિ । સુમતિ । પુક્કસિ । શવરિ । શાવરિ । શઙ્કરિ । દ્રમિડિ । દ્રામિડિ । દહનિ । પચનિ । મર્દનિ । સરલે 2 । સરલમ્ભે । હીનમધ્યોત્કૃષ્ટવિદારિણિ । વિધારિણિ । મહિલે 2 । મહામહિલે । નિગડે । નિગડભઞ્જે । મત્તે । મત્તિનિ । દાન્તે । ચક્રે । ચક્રવાકિનિ । જ્વલે 2 । જ્વાલે 2 । જ્વલિનિ । શવરિ । શાવરિ । સર્વવ્યાધિહરણિ । ચૂડિ 2 । ચૂડિનિ 2 । નિમિ 2 । નિમિન્ધરિ । ત્રિલોકજનનિ । ત્રિલોકાલોકકરિ । ત્રૈધાતુકવ્યવલોકનિ । વજ્રપરશુપાશમુદ્ગરખડ્ગશઙ્ખચક્રત્રિશૂલચિન્તામણિમહાવિદ્યાધારિણિ । રક્ષ 2 માં સર્વસત્ત્વાનાં ચ સર્વત્ર સર્વસ્થાનગતં સર્વદુષ્ટભયેભ્યઃ સર્વમનુષ્યામનુષ્યભયેભ્યઃ સર્વવ્યાધિભ્યઃ । વજ્રે । વજ્રવતિ । વજ્રપાણિધરે । હિલિ 2 । મિલિ 2 । કિલિ 2 । ચિલિ 2 । સિલિ 2 । વર 2 । વરદે । સર્વત્ર જયલબ્ધે સ્વાહા । પાપવિદારિણિ સ્વાહા । સર્વવ્યાધિહરણિ સ્વાહા । સર્વત્ર ભયહરણિ સ્વાહા । સ્વસ્તિર્ ભવતુ મમ સર્વસત્ત્વાનાં ચ સ્વાહા । શાન્તિ સ્વાહા । પુષ્ટિ સ્વાહા । જયતુ જયે । જયવતિ । જય । વિમલે । વિપુલે સ્વાહા । સર્વતથાગતમૂર્તે સ્વાહા । ઓં ભૂરિ 2 । વજ્રવતિ । તથાગતહૃદયપૂરણિ । સંધારણિ । બલ 2 । જયવિદ્યે હૂં 2 ફટ્ 2 સ્વાહા ।
[47] યસ્ય કસ્યચિન્ મહાબ્રાહ્મણ અનયા તથાગતમૂર્ત્યા વિદ્યામન્ત્રપદધારણ્યા રક્ષા કૃતા પરિત્રાણં પરિગ્રહઃ પરિપાલનં શાન્તિઃ સ્વસ્ત્યયનં કૃતં ભવેત્ તસ્ય પરિક્ષીણમ્ આયુઃ પુનર્ એવ વિવર્ધતે । સુચિરં સુખં ચ જીવતિ । સ્મૃતિસંપન્નશ્ ચ ભવતિ । ઉચ્ચારણમાત્રેણ વા વજ્રાવમાર્જનેન વાકાલમરણાન્ મહાવ્યાધિભ્યશ્ ચ પરિમુચ્યતે । સર્વરોગાશ્ ચાસ્ય પ્રશામ્યન્તિ । દૈર્ઘ્યગ્લાન્યમ્ અવમાર્જનમાત્રેણ પ્રશમં ગચ્છતિ । દિને દિને સ્વાધ્યાયં કુર્યાન્ મહાપ્રાજ્ઞો ભવતિ । તેજોબલવીર્યપ્રતિભાનસંપન્નો ભવતિ । સર્વપાપકર્માવરણાનિ ચાસ્ય નિયતવેદનીયાનિ નિરવશેષં પરિક્ષયં યાસ્યન્તિ । સર્વબુદ્ધબોધિસત્ત્વદેવનાગયક્ષાદીનિ ચાસ્ય ઓજોબલવીર્યં કાયે પ્રક્ષેપ્સ્યન્તિ । મહાપ્રીતિબહુલો ભવિષ્યતિ । અન્તશો મહાબ્રાહ્મણ ઇયં મહાવિદ્યામન્ત્રપદરક્ષા તિર્યગ્યોનિગતાનામ્ અપિ મૃગપક્ષિણાં કર્ણપુટે નિપતિષ્યતિ તે સર્વે ઽવૈવર્તિકા ભવિષ્યન્ત્ય્ અનુત્તરાયાં સમ્યક્સંબોધૌ । કઃ પુનર્ વાદો ય ઇમાં મહાપ્રતિસરાં ધારણીં શ્રાદ્ધઃ કુલપુત્રો વા કુલદુહિતા વા ભિક્ષુર્ વા ભિક્ષુણી વા ઉપાસકો વા ઉપાસિકા વા રાજા વા રાજપુત્રો વા બ્રાહ્મણો વા ક્ષત્રિયો વા તદન્યો વા યઃ કશ્ચિત્ સકૃચ્ છ્રોષ્યતિ શ્રુત્વા ચ મહત્યા શ્રદ્ધયા ગૌરવેણાધ્યાશયેન લિખિષ્યતિ લિખાપયિષ્યતિ ધારયિષ્યતિ વાચયિષ્યતિ તીવ્રેણ મનસા ભાવયિષ્યતિ પરેભ્યશ્ ચ વિસ્તરેણ સંપ્રકાશયિષ્યતિ તસ્ય મહાબ્રાહ્મણ અષ્ટાવ્ અકાલમરણાનિ સર્વથા ન પ્રતિકાઙ્ક્ષિતવ્યાનિ । ન ચાસ્ય કાયે મહાવ્યાધયો ભવિષ્યન્તિ । ન ચાસ્ય શરીરે ઽગ્નિર્ ન વિષં ન શસ્ત્રં ન ગરં ન કાખોર્દકિરણં ન મન્ત્રકર્મ ન ચૂર્ણયોગો ન ચાઙ્ગશૂલં ન જ્વરો ન શિરો ઽર્તિર્ વા । એકાહિકદ્વૈતીયકત્રૈતીયકચાતુર્થકસપ્તાહિકા વા જ્વરાઃ કાયે ન ક્રમિષ્યન્તિ । સ સ્મૃત એવ સુખં સ્વપિતિ । સ્મૃત એવ વિબુધ્યતે । મહાપરિનિર્વાણલાભી ભવિષ્યતિ । સકૃત્ સહધર્મેણ મહતિ મહૈશ્વર્યં ચાધિગચ્છતિ । યત્ર યત્રોપપદ્યતે તત્ર તત્ર જાતૌ જાતૌ જાતિસ્મરો ભવિષ્યતિ । સર્વસત્ત્વાનાં ચ પ્રિયો ભવિષ્યતિ । વન્દનીયશ્ ચ ભવિષ્યતિ । સર્વનરકતિર્યગ્યોનિગતિગહનપ્રેતોપપત્તિભ્યશ્ ચ પરિમુક્તો ભવિષ્યતિ । યથા ચાર્કમણ્ડલં સર્વસત્ત્વાનાં તથા રશ્મ્યેવ ભાસકરો ભવિષ્યતિ । યથા ચન્દ્રમણ્ડલમ્ અમૃતેન પ્રભવતાં સર્વસત્ત્વાનાં કાયં પ્રહ્લાદયતિ તથા ધર્મામૃતેન સર્વસત્ત્વાનાં ચિત્તસંતાનાનિ પ્રહ્લાદયિષ્યતિ । સર્વદુષ્ટયક્ષરાક્ષસભૂતપ્રેતપિશાચાપસ્મારડાકિનીગ્રહવિઘ્નવિનાયકાદયઃ સર્વે ઽસ્ય મહાપ્રતિસરવિદ્યારાજપ્રભાવેન ન શક્તા વિહેઠનાં કર્તુમ્ । ઉપસંક્રમતાં ચ તેષામ્ અયં મહાવિદ્યારાજા સ્મર્તવ્યા । તતસ્ તે સર્વદુષ્ટચિત્તા વિદ્યાધરસ્ય વશ્યા આજ્ઞાશ્રવણવિધેયા ભવન્તિ । અસ્યા એવાનુભાવેન યદ્ ઉત મહાપ્રતિસરાવિદ્યારાજ્ઞ્યા ન ચાસ્ય શત્રુભયં ભવિષ્યતિ । અનતિક્રમણીયશ્ ચ ભવિષ્યતિ સર્વશત્રુગણૈ રાજરાજમહામાત્યૈર્ બ્રાહ્મણગૃહપતિભિશ્ ચ । અન્તશો ઽપિ ચ વધ્યાર્હો વધકપુરુષૈર્ ઉચ્છ્રિતાન્ય્ અપિ શસ્ત્રાણિ ખણ્ડખણ્ડં ગચ્છન્તિ પાંસુમયાનીવ વિશીર્યન્તે । તસ્મિંશ્ ચ સમયે સર્વધર્મા અસ્યામુખીભવિષ્યન્તિ । મહચ્ ચાસ્ય સ્મૃતિબલં ભવિષ્યતિ ।
[48] રક્ષોઘ્નં પરમં હ્ય્ એતત્ પવિત્રં પાપનાશનમ્ ।
શ્રીકરં ધીકરં ચાપિ સર્વગુણવિવર્ધનમ્

સર્વમઙ્ગલકરી હ્ય્ એષા સર્વામઙ્ગલનાશની ।
સુસ્વપ્નદર્શની ચાપિ દુઃસ્વપ્નસ્ય વિનાશની

સ્ત્રીપુંસયોઃ પરા રક્ષા વિદ્યેયં હિ મહાબલા ।
અટવીકાન્તારદુર્ગેષુ નિત્યં મુઞ્ચતિ તત્ક્ષણાત્

સર્વકામાંશ્ ચ લભતે સંબુદ્ધવચનં યથા ।
પથ ઉત્પથમ્ આપન્ન એતાં વિદ્યામ્ અનુસ્મરેત્

પન્થાનં લભતે શીઘ્રં ભોજનં પાનમ્ ઉત્તમમ્ ।
કાયેન મનસા વાચા યત્ કૃતં પૂર્વજન્મસુ

અશુભં બહુવિધં કિંચિત્ તત્ સર્વં ક્ષપયિષ્યતિ ।
સ્મરણાદ્ ધારણાચ્ ચૈવ ઉદ્ગ્રહાલ્ લેખનાદ્ અપિ

પઠનાદ્ વાચનાચ્ ચૈવ જપનાત્ પરદેશનાત્ ।
ભવિષ્યત્ય્ અચિરેણાસૌ સર્વધર્મગતિંગતઃ

એવં હિ ધર્મરસે પ્રાપ્તે પાપા ગચ્છન્તિ સંક્ષયમ્ ।
સિધ્યન્તે સર્વકાર્યાણિ મનસા યદ્ યદ્ ઈપ્સિતમ્

સર્વમૃત્યુભયેષ્વ્ એષા ત્રાણં તસ્ય ભવિષ્યતિ ।
રાજાગ્નિર્ ઉદકં ચૈવ વિદ્યુદ્ વા તસ્કરો ઽપિ વા

યુદ્ધસંગ્રામકલહા દંષ્ટ્રિણો યે ચ દારુણાઃ ।
તે સર્વે પ્રલયં યાન્તિ વિદ્યાયા લક્ષજાપતઃ

વિદ્યેમાં પરમાં સિદ્ધાં સર્વબુદ્ધેહિ દેશિતામ્ ।
કીર્તમાના ન સીદન્તિ બોધિસંભારપૂરયે

સર્વેષુ ચૈવ સ્થાનેષુ ઇમાં વિદ્યાં પ્રયોજયેત્ ।
યાનિ ચેચ્છન્તિ કાર્યાણિ સ્વપરાર્થપ્રસિદ્ધયે