મહાપ્રતિસરામહાવિદ્યારાજ્ઞી · અધ્યાય 8

મહાવિદ્યારાજસ્યાયં મહાપ્રતિસરસ્ય કલ્પઃ સમાપ્તઃ ।
[44] અથાતો વિદ્યાધરસ્ય રક્ષાવિધાનકલ્પં વ્યાખ્યાસ્યામિ સર્વસત્ત્વાનુકમ્પયા ।
યેન રક્ષાવિધાનેન મહાસિદ્ધિર્ ભવિષ્યતિ ।
યત્ર તત્ર કૃતા રક્ષા ભવત્ય્ અવધ્યો ન સંશયઃ

નિર્ભયં નિર્જ્વરં ચૈવ સર્વગ્રહનિવારણમ્ ।
નક્ષત્રાનુકૂલં ચ કર્મસંકલછેદનમ્

દુર્ભુક્તં દુર્લઙ્ઘિતં ચૈવ સર્વશત્રુગણૈઃ કૃતમ્ ।
દુઃપ્રેક્ષિતં દુર્લિખિતં કાખોર્દા યે ચ દારુણાઃ

ચૂર્ણમન્ત્રકૃતં ચૈવ વિષભુક્તં તથા ગરમ્ ।
સર્વે તસ્ય પ્રશામ્યન્તિ રક્ષાં ધારયતે ઽત્ર યઃ

પ્રત્યઙ્ગિરા વિપચ્યન્તે યો વિદ્યાં સમતિક્રમેત્ ।
પરચક્રા દારુણા યે ઽપિ પ્રત્યમિત્રા મહાભયાઃ

સર્વે તે પ્રલયં યાન્તિ પ્રતિસરાશાપતર્જિતાઃ ।
બુદ્ધા રક્ષન્તિ સર્વજ્ઞા બોધિસત્ત્વાશ્ ચ સૂરતાઃ

રક્ષન્તિ પ્રત્યેકબુદ્ધાઃ શ્રાવકાશ્ ચ મહાતપાઃ ।
અન્યે ચ બહુવિધા ભૂયો દેવા નાગા મહર્દ્ધિકાઃ

રક્ષાં કુર્વન્તિ તસ્યેમે અસ્મિન્ યુક્તસ્ય નિત્યશઃ ।
અસ્યાઃ શ્રવણમાત્રેણ વિદ્યારક્ષા અનુત્તરા

નિર્ભયં ભવતિ સર્વત્ર ઇત્ય્ એવં મુનિર્ અબ્રવીત્ ।
દુઃસ્વપ્ના દુષ્કૃતા યે ચ ઉપસર્ગા યે ચ દારુણાઃ

વ્યાધિસ્પૃષ્ટા મહારોગૈર્ યે ગ્રસ્તા રાજયક્ષ્મણા ।
અન્યે ચ બહુવિધા રોગા ગણ્ડલૂતા વિચર્ચિકાઃ

ઈતયો દારુણા યે ચ ગ્રસન્તે માનુષીં પ્રજામ્ ।
મનુષ્યાણાં વિનાશાર્થં હિંસકાઃ પરમદારુણાઃ

સર્વે તે વિનશ્યન્તિ રક્ષા યત્ર મહાબલા ।
અનેન કૃતરક્ષસ્ તુ વધ્યપ્રાપ્તો ઽપિ મુચ્યતે

યદિ ગ્રસ્તઃ કાલપાશેન નીતશ્ ચાપિ યમાલયમ્ ।
તસ્ય આયુર્ વિવર્ધેત પ્રતિસરાલિખનાદ્ અપિ

પરિક્ષીણાયુષો યસ્ તુ સપ્તાહમૃત એવ ચ ।
યાવલ્ લિખિતમાત્રેણ રક્ષા એષા અનુત્તરા

અથવા શ્રવણમાત્રેણ કૃતરક્ષાવિધાનતઃ ।
સર્વસ્વસ્તિં અવાપ્નોતિ સુખં જીવતિ ઈપ્સયા

અષ્ટષષ્ટિસહસ્રાણિ કોટીનિયુતશતાનિ ચ ।
ત્રાયસ્ત્રિંશાશ્ ચ યે દેવાઃ સર્વે શક્રપુરોગમાઃ

રક્ષાર્થં તસ્ય સત્ત્વસ્ય પૃષ્ઠતઃ સમુપસ્થિતાઃ ।
ચત્વારો લોકપાલાશ્ ચ વજ્રપાણિર્ મહાબલઃ

વિદ્યાકુલશતૈઃ સાર્ધં રક્ષાં કુર્વન્તિ નિત્યશઃ ।
સોમઃ સુમનાઃ સૂર્યબ્રહ્મવિષ્ણુમહેશ્વરાઃ

યમશ્ ચ માણિભદ્રશ્ ચ બલદેવો મહાબલઃ ।
પૂર્ણભદ્રો મહાવીરો હારીતી ચ સપુત્રિકા

પઞ્ચાલઃ પાઞ્ચિકશ્ ચૈવ કાર્ત્તિકેયો ગણેશ્વરઃ ।
શ્રીર્ અપિ ચ મહાદેવી વૈશ્રવણશ્ ચ સરસ્વતી

શઙ્ખિની પુષ્પદન્તી ચ તથૈવૈકજટાપિ ચ ।
ધન્યા એતા મહાયક્ષા રક્ષાં કુર્વન્તિ નિત્યશઃ

ષણ્ડાનાં પુત્રજનનં ગર્ભસ્થાનવિવર્ધનમ્ ।
રક્ષેયં મહતી તસ્ય યાવજ્ જીવં ભવિષ્યતિ

પુરુષાણાં જયદા નિત્યં યુદ્ધે સંગ્રામભૈરવે ।
અનેન વરદા ભોન્તિ દેવતા ધર્મનિશ્ચિતાઃ

અથવા પાપવિનાશે તુ લિખનાદ્ એવ મુચ્યતે ।
તથાગતા વિલોકયન્તિ બોધિસત્ત્વાસ્ તથૈવ ચ

યશશ્ ચ વર્ધતે તસ્ય પુણ્યમ્ આયુશ્ ચ વર્ધતે ।
ધનધાન્યસમૃદ્ધિશ્ ચ ભવિષ્યતિ ન સંશયઃ

સુખં સ્વપિતિ મેધાવી સુખં ચ પ્રતિવિબુધ્યતે ।
અધૃષ્યઃ સર્વશ્ત્રૂણાં સર્વભૂતગણૈર્ અપિ

સંગ્રામે વર્તમાનસ્ય જયો ભવતિ નિત્યશઃ ।
વિદ્યાયાં સાધ્યમાનાયામ્ ઇયં રક્ષા અનુત્તરા

સુખં ચ સાધયેદ્ વિદ્યાં વિઘ્નો ઽસ્ય ન ભવિષ્યતિ ।
સિધ્યન્તિ સર્વકલ્પાશ્ ચ પ્રવિષ્ટઃ સર્વમણ્ડલે

ક્ષિપ્રં ચ સમયજ્ઞો ઽસૌ ભવેત્ સર્વત્ર જાતિષુ ।
વૈશ્વાસિકો ભવેત્ તત્ર જિનાનાં ગુહ્યધારણે

સર્વમઙ્ગલસંપૂર્ણઃ સર્વસિદ્ધિમનોરથઃ ।
અનયા લિખિતમાત્રેણ સર્વસૌખ્યં સમૃધ્યતિ

સુખં કાલક્રિયાં કૃત્વા ભવેત્ સ્વર્ગપરાયણઃ ।
વિવાદે કલહે ચૈવ વિગ્રહે પરમદારુણે

સર્વભયવિનિર્મુક્તો જિનોક્તં વચનં યથા ।
સ નિત્યં જાતિસ્મરો ભોતિ જાતૌ જાતૌ ન સંશયઃ

રાજાનો વશગાસ્ તસ્ય સાન્તઃપુરમહાજનાઃ ।
સ માન્યશ્ ચ ભવેન્ નિત્યં સાધુભિર્ લોકસંમતૈઃ

સર્વેષાં ચ પ્રિયો ભવતિ યે દેવા યે ચ માનુષાઃ ।
રક્ષાં તસ્ય કરિષ્યન્તિ દિવારાત્રૌ ન સંશયઃ