મહાપ્રતિસરામહાવિદ્યારાજ્ઞી · અધ્યાય 11

સિધ્યન્ત્ય્ અયત્નતસ્ તાનિ વિદ્યાતો નાત્ર સંશયઃ ।
[49] ઇદાનીં સમ્પ્રવક્ષ્યામિ આતુરાણાં ચિકિત્સનમ્ ।
ચતુરશ્રં મણ્ડલં કુર્યાન્ મૃદ્ગોમયસમન્વિતમ્

પઞ્ચરઙ્ગિકચૂર્ણેન ચિત્રયેન્ મણ્ડલં શુભમ્ ।
ચતુરઃ પૂર્ણકુમ્ભાંશ્ ચ સ્થાપયેદ્ વિધિના બુધઃ

પુષ્પાણ્ય્ અવકિરેત્ તત્ર ધૂપયેદ્ ધૂપમ્ ઉત્તમમ્ ।
બલિકર્મ ચ કુર્વીત મહાસાહસ્રપ્રમર્દનમ્

પૂર્વવદ્ ગન્ધપુષ્પાંશ્ ચ દદ્યાચ્ ચાત્ર વિધાનવિત્ ।
ચતસ્રસ્ તીરિકાઃ સ્થાપ્યાઃ સર્વાશ્ ચ પટ્ટબદ્ધિકાઃ

સ્નાપયિત્વાતુરં પશ્ચાચ્ છુચિવસ્ત્રસમાવૃતમ્ ।
શુભગન્ધાનુલિપ્તાઙ્ગં પ્રવેશયેન્ મધ્યમણ્ડલમ્

પૂર્વામુખં નિષાદ્યૈનં વિદ્યામ્ એતામ્ ઉદાહરેત્ ।
સપ્તશો જપ્તયા ચાસ્ય રક્ષાં કુર્યાદ્ વિચક્ષણઃ

આતુરસ્ય તતો ઽર્થાય વારાંશ્ ચાપ્ય્ એકવિંશતિ ।
ઉદાહરેદ્ ઇમાં વિદ્યાં સર્વરોગોપશાન્તયે

ભૂયશ્ ચ સપ્ત વારાન્ વૈ બલિકુમ્ભસુમન્ત્રિતમ્ ।
પશ્ચાન્ નિવેદયેન્ મન્ત્રી બલિપુષ્પાન્ યથાવિધિ

ઇત્ય્ એવં દક્ષિણે પાર્શ્વે ક્ષિપેત સપ્ત એવ તુ ।
પશ્ચિમાયાં ચ સપ્તૈવ ઉત્તરાયાં તથા દિશિ

અધ ઊર્ધ્વં તુ સપ્તૈવ કૃતા રક્ષા ભવિષ્યતિ ।
એવં કૃતે દ્વિજશ્રેષ્ઠ સર્વદુઃખાત્ પ્રમુચ્યતે

એષા રક્ષા સમાખ્યાતા શાક્યસિંહેન તાયિના ।
નાસ્ત્ય્ અસ્યાઃ પરા કાચિદ્ રક્ષાવિદ્યા ત્રિધાતુકે