મહાભારત · અધ્યાય 3.92

ન વૈ નિર્ગુણમાત્માનં મન્યે દેવર્ષિસત્તમ ।
તથાઽસ્મિ દુઃખસન્તપ્તો યથા નાન્યો મહીપતિઃ ॥

પરાંશ્ચ નિર્ગુણાન્મન્યે ન ચ ધ્રમગતાનપિ ।
તે ચ લોમશ લોકેઽસ્મિન્નૃધ્યન્તે કે ન હેતુના ॥
લોમશ ઉવાચ ।

નાત્ર દુઃખં ત્વયા રાજન્કાર્યં પાર્થ કથઞ્ચન ।
યદધર્મેણ વર્ધેયુરધર્મરુચયો જનાઃ ॥

વર્ધત્યધર્મેણ નરસ્તતો ભદ્રાણિ પશ્યતિ ।
તતઃ સપત્નાઞ્જયતિ સમૂલસ્તુ વિનશ્યતિ ॥

યત્ર ધર્મેણ વર્ધન્તે રાજાનો રાજસત્તમ ।
સર્વાન્સપત્નાન્વાધન્તે રાજ્યં ચૈષાં વિવર્ધતે ॥

મયા હિ દૃષ્ટા દૈતેયા દાનવાશ્ચ મહીપતે ।
વર્ધમાના હ્યધર્મેણ ક્ષયં ચોપગતાઃ પુનઃ ॥

પુરા દેવયુગે ચૈવ દૃષ્ટં સર્વં મયા વિભો ।
અરોચયન્સુરા ધર્મં ધર્મં તત્યજિરેઽસુરાઃ ॥

તીર્તાનિ દેવા વિવિશુર્નાવિશન્ભારતાસુરાઃ ।
તાનધર્મકૃતો દર્પઃ પૂર્વમેવ સમાવિશત્ ॥

દર્પાન્માનઃ સમભવન્માનાત્ક્રોધો વ્યજાયત ।
ક્રોધાદહીસ્તતોઽલઞ્જા વૃત્તં તેષાં તતોઽનશત્ ॥

તાનલજ્જાન્ગતશ્રીકાન્હીનવૃત્તાન્વૃથાવ્રતાન્ ।
ક્ષમા લક્ષ્મીઃ સ્વધર્મશ્ચ નચિરાત્પ્રજહુસ્તતઃ ॥

લક્ષ્મીસ્તુ દેવાનગમદલક્ષ્મીરસુરાન્નૃપ ॥

તાનલક્ષ્મીસમાવિષ્ટાન્દર્પોપહતચેતસઃ ।
દૈતેયાન્દાનવાંશ્ચૈવ કલિરપ્યાવિશત્તતઃ ॥

તાનલક્ષ્મીસમાવિષ્ટાન્દાનવાન્કલિનાહતાન્ ।
દર્પાભિભૂતાન્કૌન્તેય ક્રિયાહીનાનચેતસઃ ॥
માનાભિભૂતાનચિરાદ્વિનાશઃ સમપદ્યત ॥

નિર્યશસ્કાસ્તથા દૈત્યાઃ કૃત્સ્નશો વિલયં ગતાઃ ।
અધર્મરુચયોરાજન્નલક્ષ્મ્યા સમધિષ્ઠિતાઃ ॥

દેવાસ્તુ સાગરાંશ્ચૈવ સરિતશ્ચ સરાંસિ ચ ।
અભ્યગચ્છન્ધર્મશીલાઃ પુણ્યાન્યાવતનાનિ ચ ॥

તપોભિઃ ક્રતુભિર્દાનૈરાશીર્વાદૈશ્ચ પાણ્ડવ ।
પ્રજહુઃ સર્વપાપાનિ શ્રેયશ્ચ પ્રતિપેદિરે ॥

એવમાદાનવન્તશ્ નિરાદાનાશ્ચ સર્વશઃ ।
તીર્થાન્યગચ્છન્વિબુધાસ્તેનાપુર્ભૂતિમુત્તમામ્ ॥

તથા ત્વમપિ રાજેન્દ્ર સ્નાત્વા તીર્થેષુ સાનુજઃ ।
પુનર્વેત્સ્વસિ તાં લક્ષ્મીમેષ પન્થાઃ સનાતનઃ ॥

યથૈવ હિ નૃગો રાજા શિવિરૌશીનરો યથા ।
ભગીરયો વસુમના ગયઃ પૂરુઃ પુરૂરવાઃ ॥

ચરમાણાસ્તપો નિત્યંસ્પર્શનાદમ્ભસશ્ચ તે ।
તીર્થામિગમનાત્પૂતા દર્શનાચ્ચ મહાત્મનામ્ ॥

અલભન્ત યશઃ પુણ્યં ધનાનિ ચ વિશામ્પતે ।
તથા ત્વમપિ રાજેન્દ્ર લબ્ધ્વા સુવિપુલાં શ્રિયમ્ ॥

યથા ચેક્ષ્વાકુરભવત્સપુત્રજનબાન્ધવઃ ।
મુચુકુન્દોઽથ માન્ધાતા મરુત્તશ્ચ મહીપતિઃ ॥

કીર્તિં પુણ્યામવિન્દન્ત યથા દેવાસ્તપોબલાત્ ।
દેવર્ષયશ્ચ કાર્ત્સ્ન્યેન તથા ત્વમપિ વેત્સ્યસિ ॥

ધાર્તરાષ્ટ્રાસ્ત્વધર્મેણ મોહિન ચ વશીકૃતાઃ । નચિરાદ્વૈ વિનઙ્ક્ષ્યન્તિ દૈત્યા ઇવ ન સંશયઃ ॥