મહાભારત · અધ્યાય 3.308

સા તુ કન્યા બહુવિધં બ્રુવન્તી મધુરં વચઃ ।
અનુનેતું સહસ્રાંશું ન શશાક મનસ્વિની ॥

ન શશાક યદા બાલા પ્રત્યાખ્યાતું તમોનુદમ્ ।
ભીતા શાપાત્તતો રાજન્દધ્યૌ દીર્ઘમથાન્તરમ્ ॥

અનાગસઃ પિતુઃ શાપો બ્રાહ્મણસ્ય તથૈવ ચ ।
મન્નિમિત્તઃ કથં ન સ્યાત્ક્રુદ્ધાદસ્માદ્વિભાવસોઃ ॥

બાલેનાપિ સતા મોહાદ્ભૃશં સાપહ્નવાન્યપિ ।
નાઽભ્યાસાદયિતવ્યાનિ તેજાંસિ ચ તપાંસિ ચ ॥

સાહમદ્ય ભૃશં ભીતા ગૃહીત્વા ચ કરે ભૃશમ્ ।
કથં ત્વકાર્યં કુર્યાં વૈ પ્રદાનં હ્યાત્મનઃ સ્વયમ્ ॥

સા વૈ શાપપરિત્રસ્તા બહુ ચિન્તયતી હૃદા ।
મોહેનાભિપરીતાઙ્ગી સ્મયમાના પુનઃપુનઃ ॥

તં દેવમબ્રવીદ્ભીતા બન્ધૂનાં રાજસત્તમ ।
વ્રીડાવિહ્વલયા વાચા શાપત્રસ્તા વિશામ્પતે ॥

પિતા મે ધ્રિયતે દેવ માતા ચાન્યે ચ બાન્ધવાઃ ।
ન તેષુ ધ્રિયમાણએષુ વિદિલોપો ભવેદયમ્ ॥

ત્વયા તુ સન્ગમો દેવ યદિ સ્યાદ્વિધિવર્જિતઃ ।
મન્નિમિત્તં કુલસ્યાસ્ય લોકેઽકીર્તિર્ન સંશયઃ ॥

અથવા ધર્મમેતં ત્વં મન્યસે તપતાંવર ।
ઋતે પ્રદાનાદ્બન્ધુભ્યસ્તવ કામં કરોમ્યહમ્ ॥

આત્મપ્રદાનં દુર્ધર્ષ તવ કૃત્વાસતી ત્વહમ્ ।
ત્વયિ ધર્મો યશશ્ચૈવ કીર્તિરાયુશ્ચ દેહિનામ્ ॥
સૂર્ય ઉવાચ ।

ન તે પિતા ન તે માતા ગુરવો વા શુચિસ્મિતે ।
પ્રભવન્તિ પ્રદાને તે ભદ્રં તે શૃણુ મે વચઃ ॥

સર્વાન્કામયતે યસ્માત્કનેર્ધાતોશ્ચ ભામિનિ ।
તસ્માત્કન્યેહ સુશ્રોણી સ્વતન્ત્રા વરવર્ણિનિ ॥

નાધર્મશ્ચરિતઃ કશ્ચિત્ત્વયા ભવતિ ભામિનિ ।
અધર્મન્કુત એવાહં વરેયં લોકકામ્યયા ॥

અનાવૃતાઃ સ્ત્રિયઃ સર્વા નરાશ્ચ વરવર્ણિનિ ।
સ્વભાવ એષ લોકાનાં વિકારોઽન્ય ઇતિ સ્મૃતઃ ॥

સા મયા સહસન્ગમ્ય પુનઃ કન્યા ભવિષ્યસિ ।
પુત્રશ્ચ તે મહાવાદ્દુર્ભવિષ્યતિ ન સંશયઃ ॥
કુન્ત્યુવાચ ।

યદિ પુત્રો મમ ભવેત્ત્વત્તઃ સર્વતમોનુદ । કુણ્ડલી કવચી શૂરો મહાબાહુર્મહાબલઃ ।
અસ્તુ મે સઙ્ગમો દેવ અનેન સમયેન તે ॥
સૂર્ય ઉવાચ ।

ભવિષ્યતિ મહાબાહુઃ કુણ્ડલી દિવ્યવર્મભૃત્ ।
ઉભયં ચામૃતમયં તસ્ ભદ્રે ભવિષ્યતિ ॥
કુન્ત્યુવાચ ।

યદ્યતદમૃતાદસ્તિ કુણ્ડલે વર્મ ચોત્તમમ્ ।
મમ પુત્રસ્ય યં વૈ ત્વં મત્ત ઉત્પાદયિષ્યસિ ॥

અસ્તુ મે સઙ્ગમો દેવ યથોક્તં ભગવંસ્ત્વયા ।
ત્વદ્વીર્યરૂપસત્વૌજા ધṟમયુક્તો ભવેત્સ ચ ॥
સૂર્ય ઉવાચ ।

અદિત્યા કુણ્ડલે રાજ્ઞિ દત્તે મે મત્તકાશિનિ ।
તસ્મૈ દાસ્યામિ વામોરુ વર્મ ચૈવેદમુત્તમમ્ ॥
વૈશમ્પાયન ઉવાચ ।

પરમં ભગવન્નેવં સઙ્ગમિષ્યે ત્વયા સહ ।
યદિ પુત્રો ભવેદેવં યથા વદસિ ગોપતે ॥
વૈશમ્પાયન ઉવાચ ।

તથેત્યુક્ત્વા તુ તાં કુન્તીમાવિવેશ વિહન્ગમઃ ।
સ્વર્ભાનુશત્રુર્યોગાત્મા નાભ્યાં પસ્પર્શ ચૈવ તામ્ ॥

તત સા વિહ્વલેવાસીત્કન્યા સૂરય્સ્ તેજસા ।
પપાત ચાથ સા દેવી શયને મૂઢચેતના ॥
સૂર્ય ઉવાચ ।

સાધયિષ્યામિ સુશ્રોણિ પુત્રં વૈ જનયિષ્યસિ ।
સર્વશસ્ત્રભૃતાંશ્રેષ્ઠં કન્યા ચૈવ ભવિષ્યસિ ॥
વૈશમ્પાયન ઉવાચ ।

તતઃ સા વ્રીડિતા બાલા તદા સૂર્યમથાબ્રવીત્ ।
એવમસ્ત્વિતિ રાજેન્દ્રપ્રસ્થિતં ભૂરિવર્ચસમ્ ॥

ઇતિસ્મોક્તા કુન્તિરાજાત્મજા સા વિવસ્વન્તં યાચમાના સલજ્જા ।
તસ્મિન્પુણ્યે શયનીયે પપાત મોહાવિષ્ટા વેપમાના લતેવ ॥

તિગ્માંશુસ્તાં તેજસા મોહયિત્વા યોગેનાવિશ્યાત્મસંસ્થાં ચકાર ।
ન ચૈવૈનાં દૂષયામાસ ભાનુઃ સઞ્જ્ઞાં લેભે ભૂય એવાત બાલા ॥