મહાભારત · અધ્યાય 3.304

કિં તદ્ગુહ્યં ન ચાખ્યાતં કર્ણાયેહોષ્ણરશ્મિના ।
કીદૃશેકુણ્ડલે તે ચ કવચં રચૈવ કીદૃશમ્ ॥

કુતશ્ચ કવચં તસ્યં કુણ્ડલેચૈવ સત્તમ ।
એતદિચ્છામ્યહં શ્રોતું તન્મે બ્રૂહિ તપોધન ॥
વૈશમ્પાયન ઉવાચ ।

અહં રાજન્બ્રવીમ્યેતત્તસ્ય ગુહ્યં વિભાવસોઃ ।
યાદૃશે કુણ્ડલે તે ચ કવચં વૈવ યાદૃશમ્ ॥

કુન્તિભોજં પુરા રાજન્બ્રાહ્મણઃ પર્યુપસ્થિતઃ ।
તિગ્મતેજા મહાન્પ્રાંશુઃ શ્મશ્રુદણ્ડજટાધરઃ ॥

દર્સનીયોઽનવદ્યાઙ્ગસ્તેજસા પ્રજ્વલન્નિવ ।
મધુપિઙ્ગો મધુરવાક્તપઃસ્વાધ્યાયભૂષણઃ ॥

સ રાજાનં કુન્તિભોજમબ્રવીત્સુમહાતપાઃ ।
ભિક્ષામિચ્છામિ વૈ ભોક્તું તવ ગેહે વિમત્સર ॥

ન મે વ્યલીકં કર્તવ્યં ત્વયા વા તવ ચાનુગૈઃ ।
એવં વત્સ્યામિ તે ગેહે યદિ તે રોચતેઽનઘ ॥

યથાકામં ચ ગચ્છેયમાગચ્છેયં તથૈવ ચ ।
શય્યાસને ચ મે રાજન્નાપરાધ્યેત કશ્ચન ॥

તમબ્રવીત્કુન્તિભોજઃ પ્રીતિયુક્તમિદં વચઃ ।
એવમસ્તુ પરઞ્ચેતિ પુનશ્ચૈવમથાબ્રવીત્ ॥

મમ કન્યા મહાપ્રાજ્ઞ પૃથા નામ યશસ્વિની ।
શીલવૃત્તાન્વિતા સાધ્વી નિયતાઽનવમાનિની ॥

ઉપસ્થાસ્યતિ સા ત્વાં વૈ પૂજયાઽનવમત્ય ચ ।
તસ્યાશ્ચ શીલવૃત્તેન તુષ્ટિં સમુપયાસ્યસિ ॥

એવમુક્ત્વા તુ તં વિપ્રમભિપૂજ્ય યથાવિધિ ।
ઉવાચ કન્યામભ્યેત્ય પૃથાં પૃથુલલોચનામ્ ॥

અયં વત્સે મહાભાગો બ્રાહ્મણો વસ્તુમિચ્છતિ ।
મમ ગેહે મયા ચાસ્ય તથેત્યેવં પ્રતિશ્રુતમ્ ॥

ત્વયિ વત્સે પરાયત્તં બ્રાહ્મણસ્યાભિરાધનમ્ ।
તન્મે વાક્યમમિથ્યા ત્વં કર્તુમર્હસિ કર્હિચિત્ ॥

અયં તપસ્વી ભગવાન્સ્વાધ્યાયનિયતો દ્વિજઃ ।
યદ્યદ્બ્રૂયાન્મહાતેજાસ્તત્તદ્દેયમાત્સરાત્ ॥

બ્રાહ્મણા હિ પરં તેજો બ્રાહ્મણા હિ પરં તપઃ ।
બ્રાહ્મણાનાં નમસ્કારૈઃ સૂર્યો દિવિ વિરાજતે ॥

અમાનયન્હિ દાણ્ડક્યો વાતાપિશ્ચ મહાસુરઃ । નિહતો બ્રહ્મદણ્ડેન તાલજઙ્ઘસ્તથૈવ ચ ।
વૈન્ધ્યાદ્રિશ્ચ સમુદ્રશ્ચ નદ્દુષશ્ચ વિહિંસિતઃ ॥

સોયં વત્સે મહાભાર આહિતસ્ત્વયિ સામ્પ્રતમ્ ।
ત્વં સદા નિયતા કુર્યા બ્રાહ્મણસ્યાભિરાધનમ્ ॥

જાનામિ પ્રણિધાનં તે બાલ્યાત્પ્રભૃતિ નન્દિનિ ।
બ્રાહ્મણેષ્વિહ સર્વેષુ ગુરુબન્ધુષુ ચૈવ હ ॥

તથા પ્રેષ્યેષુ સર્વેષુ મિત્રસમ્બન્ધિમાતૃષુ ।
મયિ ચૈવ યથાવત્ત્વંસર્વમાવૃત્ય વર્તસે ॥

ન હ્યતુષ્ટો જનોઽસ્તીહ પુરે ચાન્તઃપુરે ચ તે ।
સમ્યગ્વૃત્ત્યાઽનવદ્યાઙ્ગિ તવ ભૃત્યજનેષ્વપિ ॥

સન્દેષ્ટવ્યાં તુ મન્યે ત્વાં દ્વિજાતિં કોપનં પ્રતિ ।
પૃથે બાલેતિ કૃત્વા વૈ સુતા ચાસિમમેતિ ચ ॥

વૃષ્ણીનાં ચ કુલે જાતા શૂરસ્ દયિતા સુતા ।
દત્તા પ્રીતિમતા મહ્યં પિત્રા બાલા પુરાસ્વયમ્ ॥

વસુદેવસ્ ભગિની સુતાનાં પ્રવરા મમ ।
અગ્ર્યમગ્રે પ્રતિજ્ઞાય તેનાસિ દુહિતા મમ ॥

તાદૃશે હિ કુલે જાતા કુલે મમ વિવર્ધિતા ।
સુખાત્સુખમનુપ્રાપ્તા હ્રદાદ્ધ્રદમિવાપગા ॥

દૌષ્કુલેયા વિશેષેણ કથઞ્ચિત્પ્રગ્રહં ગતાઃ ।
બાલભાવાદ્વિકુર્વન્તિ પ્રાયશઃ પ્રમદાઃ શુભે ॥

પૃથે રાજકુલે જન્મ રૂપં ચાપિ તવાદ્ભુતમ્ ।
તેન તેનાસિ સમ્પન્ના સમુપેતા ચ ભામિનિ ॥

સા ત્વં દર્પં પરિત્યજ્ય દમ્ભં માનં ચ ભામિનિ ।
આરાધ્યવરદં વિપ્રં શ્રેયસા યોક્ષ્યસે પૃથે ॥

એવં પ્રાપ્સ્યસિ કલ્યાણિ કલ્યાણમનઘે ધ્રુવમ્ । કોપિતે ચ દ્વિજશ્રેષ્ઠે કુત્સ્નં દહ્યેત મે કુલમ્ ॥