મહાભારત · અધ્યાય 3.258

પ્રવિશન્તં મહારાજ સૂતાસ્તુષ્ટુવુરચ્યુતમ્ ।
જનાશ્ચાપિ મહેષ્વાસં તુષ્ટુવૂ રાજસત્તમમ્ ॥

લાજૈશ્ચન્દનચૂર્ણૈશ્ચ વિકીર્ય ચ જનાસ્તતઃ ।
ઊટુર્દિષ્ટ્યા નૃપાવિઘ્નઃ સમાપ્તોયં ક્રતુસ્તવ ॥

અપરે ત્વબ્રુવંસ્તત્રવાદિકાસ્તં મહીપતિમ્ ।
યૌધિષ્ઠિરસ્ય યજ્ઞસ્ય ન સમો હ્યેષ તે ક્રતુઃ ॥

નૈવ તસ્ય ક્રતોરેષ કલામર્હતિ ષોડશીમ્ ।
એવં તત્રાબ્રુવન્કેચિદ્વાતિકાસ્તં જનેશ્વરમ્ ॥

સુહૃદસ્ત્વબ્રુવંસ્તત્ર અતિ સર્વાનયં ક્રતુઃ ।
પ્રવર્તિતો હ્યયં રાજ્ઞા ધાર્તરાષ્ટ્રેણ ધીમતા ॥

યયાતિર્નહુષશ્ચાપિ માન્ધાતા ભરતસ્તથા ।
ક્રતુમેનં સમાહૃત્ય પૂતાઃ સર્વે દિવં ગતાઃ ॥

એતા વાચઃ શુભાઃ શૃણ્વન્સુહૃદાં ભરતર્ષભ ।
પ્રવિવેશ પુરં હૃષ્ટઃ સ્વવેશ્મ ચ નરાધિપઃ ॥

અભિવાદ્ય તતઃ પાદાન્મતાપિત્રોર્વિશામ્પતે ।
ભીષ્મદ્રોણકૃપાદીનાં વિદુરસ્ય ચ ધીમતઃ ॥

અભિવાદિતઃ કનીયોભિર્ભ્રાતૃભિર્ભ્રાતૃનન્દનઃ ।
નિષસાદાસને મુખ્યે ભ્રાતૃભિઃ પરિવારિતઃ ॥

તમુત્થાય મહારાજં સૂતપુત્રોઽબ્રવીદ્વચઃ ।
દિષ્ટ્યા તે ભરતશ્રેષ્ઠ સમાપ્તોઽયં મહાક્રતુઃ ॥

હતેષુ યુધિ પાર્થેષુ રાજસૂયે તથા ત્વયા ।
આહૃતેઽહં નરશ્રેષ્ઠ ત્વાં સભાજયિતા પુનઃ ॥

તમબ્રવીન્મહારાજો ધાર્તરાષ્ટ્રો મહાયશાઃ ।

સત્યમેતત્ત્વયોક્તં હિ પાણ્ડવેષુ દુરાત્મસુ । નિહતેષુ નરશ્રેષ્ઠ પ્રાપ્તે ચાપિ મહાક્રતૌ ।
રાજસૂયે પુનર્વીર ત્વમેવં વર્ધયિષ્યસિ ॥

એવમુક્ત્વા મહારાજ કર્ણમાશ્લિષ્ય ભારત ।
રાજસૂયં ક્રતુશ્રેષ્ઠં ચિન્તયામાસ કૌરવઃ ॥

સોઽબ્રવીત્કૌરવાંશ્ચાપિ પાર્શ્વસ્થાન્નૃપસત્તમઃ ।
રાધેયસૌબલાદીન્વૈ ધાર્તરાષ્ટ્રો મહીપતિઃ ॥

કદા તુ તં ક્રતુવરં રાજસૂયં મહાધનમ્ ।
નિહત્ય પાણ્ડવાન્સર્વાનાહરિષ્યામિ કૌરવાઃ ॥

તમબ્રવીત્તદા કર્ણઃ શૃણુ મે રાજકુઞ્જર ।
પાદૌ ન ધાવયે તાવદ્યાવન્ન નિહતોઽર્જુનઃ ॥

કીલાલજં ન ખાદેયં કરિષ્યે ચાસુરવ્રતમ્ ।
નાસ્તીતિ નૈવ વક્ષ્યામિ યાચિતો યેન કેચનિત્ ॥

અથોત્ક્રુષ્ટં મહેષ્વાસૈર્ધાર્તરાષ્ટ્રૈર્મહારથૈઃ ।
પ્રતિજ્ઞાતે ફલ્ગુનસ્ય વધે કર્ણેન સંયુગે ॥

વિજિતાંશ્ચાપ્યમન્યન્ત પાણ્ડવાન્ધૃતરાષ્ટ્રજાઃ ।
તદા પ્રતિજ્ઞામારુહ્ય સૂતપુત્રેણ ભાષિતે ॥

દૂર્યોધનોઽપિ રાજેન્દ્ર વિસૃજ્યનરપુઙ્ગવાન્ ।
પ્રવિવેશ ગૃહંશ્રીમાન્યથા ચૈત્રરથં પ્રભુઃ ॥

તેઽપિસર્વે મહેષ્વાસા જગ્મુર્વેશ્માનિ ભારત ।
સ્વાનિસ્વનિ મહારાજ ભીષ્મદ્રોણાદયો નૃપા ॥

પાણ્ડવાશ્ચ મહેષ્વાસા દૂતવાક્યપ્રચોદિતાઃ ।
ચિન્તયન્તસ્તમેવાર્થં નાલભન્ત સુખં ક્વચિત્ ॥

ભૂયશ્ચ ચારૈ રાજેન્દ્ર પ્રવૃત્તિરુપપાદિતા ।
પ્રતિજ્ઞા સૂતપુતર્સ્ય વિજયસ્ય વધં પ્રતિ ॥

એતચ્છ્રુત્વા ધર્મસુતઃ સમુદ્વિગ્નો નરાધિપ ।
અધોમુખશ્ચિરં તસ્થૌ કિં કાર્યમિતિ ચિન્તયન્ ॥

અભેદ્યકવચં મત્વા કર્ણમદ્ભુતવિક્રમમ્ ।
અનુસ્મરંશ્ સન્ક્લેશાન્ન શાન્તિમુપજગ્મિવાન્ ॥

તસ્ય ચિન્તાપરીતસ્ય બુદ્ધિર્જજ્ઞે મહાત્મનઃ ।
બહુવ્યાલમૃગાકીર્ણં ત્યક્તું દ્વૈતવનં વનમ્ ॥

ધાર્તરાષ્ટ્રોઽપિ નૃપતિઃ પ્રશશાસ વસુન્ધરામ્ ।
ભ્રાતૃભિઃ સહિતો વીરૈર્ભીષ્મદ્રોણકૃપૈસ્તથા ॥

સન્ગમ્ય સૂતપુત્રેણ કર્ણેનાહવશોભિના ।
સતતં પ્રીયમાણો વૈ દેવિના સૌબલેન ચ ॥

દુર્યોધનઃ પ્રિયે નિત્યં વર્તમાનો મહીભૃતામ્ ।
પૂજયામાસ વિપ્રેન્દ્રાન્ક્રતુભિર્ભૂરિદક્ષિણૈઃ ॥

ભ્રાતૄણાં ચ પ્રિયં રાજન્સ ચકાર પરન્તપઃ । નિશ્ચિત્ય મનસા વીરો દત્તભુક્તફલં ધનમ્ ॥