મહાભારત · અધ્યાય 3.251

રાજન્નદ્યાવગચ્છામિ તવૈવ લઘુસત્વતામ્ ।
અલ્પત્વં ચ તથા બુદ્ધેઃ કાર્યાણામવિવેકિતામ્ ॥

કિમત્ર ચિત્રં ધર્મજ્ઞ મોક્ષિતઃ પાણ્ડવૈરસિ ।
સદ્યો વશં સમાપન્નઃ શત્રૂણાં શત્રુકર્શન ॥

સેનાજીવૈશ્ચ કૌરવ્ય તથા વિષયવાસિભિઃ ।
અજ્ઞાતૈર્યદિ વા જ્ઞાતૈઃ કર્તવ્યં નૃપતેઃ પ્રિયમ્ ॥

પ્રાયઃ પ્રધાનાઃ પુરુષાઃ ક્ષોભયિત્વાઽરિવાહિનીમ્ ।
નિગૃહ્યન્તે ચયુદ્ધેષુ મોક્ષ્યન્તે ચ સ્વસૈનિકૈઃ ॥

સેનાજીવાશ્ચ યે રાજ્ઞાં વિષયે સન્તિ માનવાઃ ।
તૈઃ સન્ગમ્ય નૃપાર્થાય યતિતવ્યં યથાતથમ્ ॥

યદ્યેવં પાણ્ડવૈ રાજન્ભવદ્વિષયવાસિભિઃ ।
યદૃચ્છયા મોક્ષિતોઽસિ કતત્રકા પરિદેવના ॥

ન ચૈતત્સાધુ યદ્રાજન્પાણ્ડવાસ્ત્વાં નૃપોત્તમમ્ ।
સ્વસેનયા સમ્પ્રયાન્તં નાનુયાન્તિ સ્મ પૃષ્ઠતઃ ॥

શૂરાશ્ચ બલવન્તશ્ચ સંયુગેષ્વપલાયિનઃ ।
ભવતસ્તે સભાયાં વૈ પ્રેષ્યતાં પૂર્વમાગતાઃ ॥

પાણ્ડવેયાનિ રત્નાનિ ત્વમદ્યાપ્યુપભુઞ્જસે ।
સત્વસ્થાન્પાણ્ડવાન્પશ્ય ન તે પ્રાયમુપાવિશન્ ॥

તદલં તે મહાબાહો વિષાદં કર્તુમીદૃશમ્ ।
ઉત્તિષ્ઠ રરાજન્ભદ્રં તે ન ચિન્તાં કર્તુમર્હસિ ॥

અવશ્યમેવ નૃપતે રાજ્ઞો વિષયવાસિભિઃ ।
પ્રિયાણ્યાચરિતવ્યાનિ તત્ર કા પરિદેવના ॥

મદ્વાક્યમેતદ્રાજેન્દ્ર યદ્યેવં ન કરિષ્યસિ ।
સ્થાસ્યામીહ ભવત્પાદૌ શુશ્રૂષન્નરિમર્દન ॥

નોત્સહે જીવિતુમહં ત્વદ્વિહીનો નરર્ષભઃ ।
પ્રાયોપવિષ્ટસ્તુ તથા રાજ્ઞાં હાસ્યો ભવિષ્યસિ ॥
વૈશમ્બાયન ઉવાચ ।

એવમુક્તસ્તુ કર્ણેન રાજા દુર્યોધનસ્તદા । નૈવોત્થાતું મનશ્ચક્રે સ્વર્ગાય કૃતનિશ્ચયઃ ॥