મહાભારત · અધ્યાય 3.241

અથ દુર્યોધનો રાજા તત્રતત્ર વને વસન્ ।
જગામ ઘોષાનભિતસ્તત્ર ચક્રે નિવેશનમ્ ॥

રમણીયે સમાજ્ઞાતે સોદકે સમહીરુહે ।
દેશે સર્વગુણોપેતે ચક્રુરાવસથાન્નરાઃ ॥

તથૈવ તત્સમીપસ્થાન્પૃથગાવસથાન્બહૂન્ ।
કર્ણસ્ય શકુનેશ્ચૈવ ભ્રાતૄણાં ચૈવ સર્વશઃ ॥

પશ્યન્તસ્તે તદા ગાવઃ શતશોઽથ સહસ્રશઃ ।
અઙ્કર્લક્ષૈશ્ચ તાઃ સર્વા લક્ષયામાસ પાર્થિવઃ ॥

અઙ્કયામાસ વત્સાંશ્ચ જજ્ઞે ચોપસૃતાંસ્ત્વપિ ।
બાલવત્સાશ્ચ યાં ગાવઃ કાલયામાસ તા અપિ ॥

અથ સ સ્મારણં કૃત્વા લક્ષયિત્વા ત્રિહાયનાન્ ।
વૃતો ગોપાલકૈઃ પ્રીતો વ્યાહરત્કુરુનન્દનઃ ॥

સ ચ પૌરજનઃ સર્વઃ સર્વઃ સૈનિકાશ્ચ સહસ્રશઃ ।
યથોપજોષં ચિક્રીડુર્વને તસ્મિન્યથાઽમરાઃ ॥

તતોઽધ્વગમનાચ્છ્રાન્તં કુશલા નૃત્યવાદિતૈઃ ।
ધાર્તરાષ્ટ્રમુપાતિષ્ઠન્કન્યાશ્ચૈવ સ્વલન્કૃતાઃ ॥

સ સ્ત્રીગણવૃતો રાજા પ્રહૃષ્ટઃ પ્રદદૌ વસુ ।
તેભ્યો યથાર્હમન્નાનિ પાનાનિ વિવિધાનિ ચ ॥

તતસ્તે સહિતાઃ સર્વે તરક્ષૂન્મહિષાન્મૃગાન્ ।
ગવયર્ક્ષવરાહાંશ્ચ સમન્તાત્પર્યવારયન્ ॥

સ તાઞ્છરૈર્વિનિર્ભિદ્ય ગજાંશ્ચ સુબહૂન્વને ।
રમણીયેષુ દેશેષુ ગ્રાહયામાસ વૈ મૃગાન્ ॥

ગોરસાનુપયુઞ્જાન ઉપભોગાંશચ્ ભારત ।
પશ્યન્સ રમણીયાનિ વનાન્યુપવનાનિ ચ ॥

મત્તભ્રમરજુષ્ટાનિ બર્હિણાભિરુતાનિ ચ ।
અગચ્છદાનુપૂર્વ્યેણ પુણ્યં દ્વૈતવનં સરઃ ॥

મત્તભ્રમરસઞ્જુષ્ટં નીલકણ્ઠરવાકુલમ્ ।
સપ્તચ્છદસમાકીર્ણં પુન્નાગવકુલૈર્યુતમ્ ॥

ઋદ્ધ્યા પરમયા યુક્તો મહેન્દ્ર ઇવ વજ્રભૃત્ ।
યદૃચ્છયા ચ તત્રસ્થો ધર્મપુત્રો યુધિષ્ઠિરઃ ॥

ઈજે રાજર્ષિયજ્ઞેન સાદ્યસ્કેન વિશામ્પતે ।
દિવ્યેન વિધિના ચૈવ વન્યેન કુરુસત્તમ ॥

વિદ્વદ્ભિઃ સહિતો ધીમાન્બ્રાહ્મણૈર્વનવાસિભિઃ । કૃત્વા નિવેશમભિતઃ સરસસ્તસ્ય કૌરવ ।
દ્રૌપદ્યા સહિતો ધીમાન્ધર્મપત્ન્યા નરાધિપઃ ॥

તતો દુર્યોધનઃ પ્રેષ્યાનાદિદેશ સહાનુજઃ ।
આક્રીડાવસથાઞ્શીઘ્રં કુરુધ્વં સરસોઽભિતઃ ॥

તે તથેત્યેવ કૌરવ્યમુક્ત્વા વચનકારિણઃ ।
ચિકીર્ષન્તસ્તદાક્રીડાઞ્જગ્મુર્દ્વૈતવનં સરઃ ॥

સેનાગ્ર્યં ધાર્તરાષ્ટ્રસ્ પ્રાપ્તં દ્વૈતવનં સરઃ ॥

પ્રવિશન્તં વનદ્વારિ ગન્ધર્વાઃ સમવારયન્ । તત્ર ગન્ધṟવરાજો વૈ પૂર્વમેવ વિશામ્પતે ।
કુબેરભવનાદ્રાજન્નાજગામ ગણાવૃતઃ ॥

ગણૈરપ્સરસાં ચૈવ ત્રિદશાનાં તથાઽત્મજૈઃ ।
વિહારશીલૈઃ ક્રીડાર્થં તેન તત્સંવૃતં સરઃ ॥

તેન તત્સંવૃતં દૃષ્ટ્વા તે રાજપરિચારકાઃ ।
પ્રતિજગ્મુસ્તતો રાજન્યત્ર દુર્યોધનો નૃપઃ ॥

સ તુ તેષાં વચઃ શ્રુત્વા સૈનિકાન્યુદ્ધદુર્મદાન્ ।
પ્રેષયામાસ કૌરવ્ય ઉત્સારયત તાનિતિ ॥

તસ્ય તદ્વચનં શ્રુત્વા રાજ્ઞઃ સેનાગ્રયાયિનઃ ।
સરો દ્વૈનવનં ગત્વા ગન્ધર્વાનિદમબ્રુવન્ ॥

રાજા દુર્યોધનો નામ ધૃતરાષ્ટ્રસુતો બલી ।
ચિક્રીડિષુરિહાયાતિ તદર્થમપસર્પત ॥

એવમુક્તાસ્તુ ગન્ધર્વાઃ રપ્રહસન્તો વિશામ્મપતે ।
પ્રત્યબ્રુવંસ્તાન્પુરુષાનિદં હિ પરુષં વચઃ ॥

ન ચેતયતિ વો રાજા મન્દબુદ્ધિઃ સુયોધનઃ ।
યોઽસ્માનાજ્ઞાપયત્યેવં વશ્યાનિવ દિવૌકસઃ ॥

યૂયં મુમૂર્ષવશ્ચાપિ મન્દપ્રજ્ઞા ન સંશયઃ ।
યે તસ્ વચનાદેવમસ્માન્બ્રૂથ વિચેતસઃ ॥

ગચ્છધ્વં ત્વરિતાઃ સર્વે યત્ર રાજા સ કૌરવઃ ।
ન ચેદદ્યૈવ ગચ્છધ્વં ધર્મરાજનિવેશનમ્ ॥

એવમુક્તાસ્તુ ગન્ધર્વૈ રાજ્ઞઃ સેનાગ્રયાયિનઃ । સમ્પ્રાદ્રવન્યતો રાજા ધૃતરાષ્ટ્રસુતોઽભવત્ ॥