મહાભારત · અધ્યાય 3.240

ધૃતરાષ્ટ્રં તતઃ સર્વેદદૃશુર્જનમેજય ।
દૃષ્ટ્વા સુખમથો રાજ્ઞઃ પૃષ્ટા રાજ્ઞા ચ ભારત ॥

તતસ્તૈર્વિહિતઃ પૂર્વં સન્ગવો નામ વલ્લવઃ ।
સમીપસ્થાસ્તદા ગાવો ધૃતરાષ્ટ્રે ન્યવેદયત્ ॥

અનન્તરં ચ રાધેયઃ શકુનિશ્ચ વિશામ્પતે ।
આહતુઃ પાર્થિવશ્રેષ્ઠં ધૃતરાષ્ટ્રં જનાધિપમ્ ॥

રમણીયેષુ દેશેષુ ઘોષાઃ સમ્પ્રતિ કૌરવ ।
સ્મારણે સમયઃ પ્રાપ્તો વત્સાનામપિ ચાઙ્કનમ્ ॥

મૃગયા ચોચિતા રાજન્નસ્મિન્કાલે સુતસ્યતે ।
દુર્યોધનસ્ય ગમનં ત્વમનુજ્ઞાતુમર્હસિ ॥
ધૃતરાષ્ટ્ર ઉવાચ ।

મૃગયા શોભના તાત ગવાં હિ સમવેક્ષણમ્ ।
વિસ્રમ્ભસ્તુ ન ગન્તવ્યો વલ્લવાનામિતિ સ્મરે ॥

તે તુ તત્રનરવ્યાઘ્રાઃ સમીપ ઇતિ નઃ શ્રુતમ્ ।
અતો નાભ્યનુજાનામિ ગમનં તત્ર વઃ સ્વયમ્ ॥

છદ્મના નિર્જિતાસ્તે તુ કર્શિતાશ્ચ મહાવને ।
તપોનિત્યાશ્ચ રાધેય સમર્થાશ્ચ મહારથાઃ ॥

ધર્મરાજો ન સન્ક્રુદ્ધ્યેદ્ભીમસેનસ્ત્વમર્ષણઃ ।
યજ્ઞસેનસ્ દુહિતા તેજ એવતુ કેવલમ્ ॥

યૂયઞ્ચાપ્યપરાધ્યેયુર્દર્પમોહસમન્વિતાઃ ।
તતો વિનિર્દહેયુસ્તે તપસા હિ સમન્વિતાઃ ॥

અથવા સાયુધાવીરા મન્યુનાઽભિપરિપ્લુતાઃ ।
સહિતા બદ્ધનિસ્ત્રિશા દહેયુઃ શસ્ત્રતેજસા ॥

અથ યૂયં બહુત્વાત્તાન્નારભધ્વં કથઞ્ચન ।
અનાર્યં પરમં તત્સ્યાદશક્યં તચ્ચ વૈ મતમ્ ॥

ઉષિતો હિ મહાબાહુરિન્દ્રલોકે ધનઞ્જયઃ ।
દિવ્યાન્યસ્ત્રાણ્યવાપ્યાથ તતઃ પ્રત્યાગતો વનં ॥

અકૃતાસ્ત્રેણ પૃથિવી જિતા બીભત્સુના પુરા ।
કિં પુનઃ સકૃતાસ્ત્રોઽદ્ય ન હન્યાદ્વો મહારથઃ ॥

અથવા મદ્વચઃ શ્રુત્વા તત્ર યત્તા ભવિષ્યથ ।
ઉદ્વિગ્રવાસા વિસ્રબ્ધા દુઃખં તત્રગમિષ્યથ ॥

અથવા સૈનિકાઃ કેચિદપકુર્યુર્યુધિષ્ઠિરે ।
તદબુદ્ધિકૃતન્કર્મ દોષમુત્પાદયેચ્ચ વઃ ॥

તસ્માદન્યે નરા યાન્તુ સ્મારણાયાપ્તકારિણઃ ।
ન સ્વયં તત્રગમનં રોચયે તવ ભારત ॥
શકુનિરુવાચ ।

ધર્મજ્ઞઃ પાણ્ડવો જ્યેષ્ઠઃ પ્રતિજ્ઞાતં ચ સંસદિ ।
તેન દ્વાદશવર્ષાણિ વસ્તવ્યાનીતિ ભારત ॥

અનુવૃત્તાશ્ચ રતં સર્વે પાણ્ડવા ધર્મચારિણઃ ।
યુધિષ્ઠિરસ્તુ કૌન્તેયો ન નઃ કોપં કરિષ્યતિ ॥

મૃગયાં ચૈવ નો ગન્તુમિચ્છા સંવર્ધતે ભૃશમ્ ।
સ્મારણં તુ ચિકીર્ષામો ન તુ પાણ્ડવદર્સનમ્ ॥

ન ચાનાર્યસમાચારઃ કશ્ચિત્તત્ર ભવિષ્યતિ ।
ન ચ તત્ર ગમિષ્યામો યત્ર તેષાં પ્રતિશ્રયઃ ॥
વૈશમ્પાયન ઉવાચ ।

એવમુક્તઃ શકુનિના ધૃતરાષ્ટ્રો જનેશ્વરઃ ।
દુર્યોધનં સહામાત્યમનુજજ્ઞે ન કામતઃ ॥

અનુજ્ઞાતસ્તુ ગાન્ધારિઃ કર્ણેન સહિતસ્તદા ।
નિર્યયૌ ભરતશ્રેષ્ઠો બલેન મહતા વૃતઃ ॥

દુઃશાસનેન ચ તથા સૌબલેન ચ ધીમતા ।
સંવૃતો ભ્રાતૃભિશ્ચાન્યૈઃ સ્ત્રીભિશ્ચાપિ સહસ્રશઃ ॥

તં નિર્યાન્તં મહાબાહું દ્રષ્ટું દ્વૈતવનં સરઃ ।
પૌરાશ્ચાનુયયુઃ સર્વેસહદારા વનં ચ તત્ ॥

અષ્ટૌ રથસહસ્રાણિ ત્રીણિ નાગાયુતાનિ ચ ।
પત્તયો બહુસાહસ્રા હયાશ્ચ નવતિઃ શતાઃ ॥

શકટાપણવેશાશ્ચ વણિજો વન્દિનસ્તથા ।
નરાશ્ચ મૃગયાશીલાઃ શતશોઽથ સહસ્રશઃ ॥

તતઃ પ્રયાણે નૃપતેઃ સુમહાનભવત્સ્વનઃ ।
પ્રાવૃષીવ મહાવાયોરુત્થિતસ્ય વિશામ્પતે ॥

ગવ્યૂતિમાત્રેન્યવસદ્રાજા દુર્યોધનસ્તદા । પ્રયાતો વાહનૈઃ સર્વૈસ્તતો દ્વૈતવનં સરઃ ॥