મહાભારત · અધ્યાય 3.146

તતઃ પ્રયાતમાત્રેષુ પાણ્ડવેષુ મહાત્મસુ ।
પદ્ભ્યામનુચિતા ગન્તું દ્રૌપદી સમુપાવિશત્ ॥

શ્રાન્તા દુઃખપરીતા ચ વાતવર્ષેણ તેન ચ ।
સૌકુમાર્યાચ્ચ પાઞ્ચાલી સમ્મુમોહ તપસ્વિની ॥

સા કમ્પમાના મોહેન બાહુભ્યામસિતેક્ષણા ।
રવૃત્તાભ્યામનુરૂપાભ્યામૂરૂ સમવલમ્બત ॥

આલમ્બમાના સહિતાવૂરૂ ગજકરોપમૌ ।
રપપાત સહસા ભૂમૌ વેપન્તી કદલી યથા ॥

તાં પતન્તીં વરારોહાં ભજ્યમાનાં લતામિવ ।
નકુલઃ સમભિદ્રુત્ય પરિજગ્રાહ વીર્યવાન્ ॥
નકુલ ઉવાચ ।

રાજન્પાઞ્ચાલરાજસ્ય સુતેયમસિતક્ષણા ।
શ્રાન્તા નિપતિતા ભૂમૌ તામવેક્ષસ્વ ભારત ॥

અદુઃખાર્હા પરં દુઃખં પ્રાપ્તેયં મૃદુગામિની ।
આશ્વાસય મહારાજ તામિમાં શ્રમકર્શિતામ્ ॥
વૈશમ્પાયન ઉવાચ ।

રાજા તુ વચનાત્તસ્ય ભૃશં દુઃખસમન્વિતઃ ।
ભીમશ્ચ સહદેવશ્ચ સહસા સમુપાદ્રવન્ ॥

તામવેક્ષ્યતુ કૌન્તેયો વિવર્ણવદનાં કૃશામ્ ।
અઙ્કમાનીય ધર્માત્મા પર્યદેવયદાતુરઃ ॥
યુધિષ્ઠિર ઉવાચ ।

કથં વેશ્મસુ ગુપ્તેષુ સ્વાસ્તીર્ણશયનોચિતા ।
ભૂમૌ નિષતિતા શેતે સુખાર્હા વરવર્ણિની ॥

સુકુમારૌ કથં પાદૌ મુખં ચ કમલપ્રભમ્ ।
મત્કૃતેઽદ્ય વરાર્હાયાઃ શ્યામતાં સમુપાગતમ્ ॥

કિમિદં દ્યૂતકામેન મયા કૃતમબુદ્ધિના ।
આદાય કૃષ્ણાં ચરતા વને મૃગગણાકુલે ॥

સુખં પ્રાપ્સ્યસિ કલ્યાણિ પાણ્ડવાન્પ્રાપ્ય વૈ પતીન્ ।
ઇતિદ્રુવદરાજેન પિત્રા દત્તાઽયતેક્ષણા ॥

તત્સર્વમાનવાપ્યેયં શ્રમશોકાદ્વિકર્શિતા ।
શેતે નિપતિતા ભૂમૌ પાપસ્ય મમ કર્મભિઃ ॥
વૈશમ્પાયન ઉવાચ ।

તથા લાલપ્યમાને તુ ધર્મરાજે યુધિષ્ઠિરે ।
ધૌમ્યપ્રભૃતયઃ સર્વે તત્રાજગ્મુર્દ્વિજોત્તમાઃ ॥

તે સમાશ્વાસયામાસુરાશીર્ભિશ્ચાપ્યપૂજયન્ ।
રાક્ષોઘ્નાંશ્ચ તથા મન્ત્રાઞ્જેપુશ્ચક્રુશ્ચ તે ક્રિયાઃ ॥

પઠ્યમાનેષુ મન્ત્રેષુ શાન્ત્યર્થં પરમર્ષિભિઃ ।
સ્પૃશ્યમાના કરૈઃ શીતૈઃ પાણ્ડવૈશ્ચ મુહુર્મુહુઃ ॥

સેવ્યમાના ચ શીતેન જલમિશ્રેણ વાયુના ।
પાઞ્ચાલી સુખમાસાદ્ય લેભે ચેતઃ શનૈઃ શનૈઃ ॥

પરિગૃહ્યચ તાં દીનાં કૃષ્ણામજિનસંસ્તરે ।
પાર્થા વિશ્રામયામાસુર્લબ્ધસઞ્જ્ઞાં તપસ્વિનમ્ ॥

તસ્યા યમૌ રક્તતલૌ પાદૌ પૂજિતલક્ષણૌ ।
કરાભ્યાં કિણજાતાભ્યાં શનકૈઃ સંવવાહતુઃ ॥

પર્યાશ્વાસયદપ્યેનાં ધર્મરાજો યુધિષ્ઠિરઃ ।
ઉવાચ ચ કુરુશ્રેષ્ઠો ભીમસેનમિદં વચઃ ॥

બહવઃ પર્વતા મીમ વિષમા હિમદુર્ગમાઃ ।
તેષુ કૃષ્ણા મહાબાહો કથં નુ વિચરિષ્યતિ ॥
ભીમસેન ઉવાચ ।

ત્વાં રાજન્રાજપુત્રીં ચ યમૌ ચ પુરુષર્ષભ ।
સ્વયં નેષ્યામિ રાજેનદ્ર મા વિષાદે મનુઃ કૃથાઃ ॥

અથવા યો મયા જાતો વિહગો મદ્બલોપમઃ । વહેદનઘ સર્વાન્નો વચનાત્તે ઘટોત્કચઃ ॥