મહાભારત · અધ્યાય 3.118

મમાપરાધાત્તૈઃ ક્ષુદ્રૈર્હતસ્ત્વં તાત બાલિશૈઃ ।
કાર્તવીર્યસ્ય દાયાદૈર્વને મૃગ ઇવેષુભિઃ ॥

ધર્મજ્ઞસ્ય કથં તાત વર્તમાનસ્ય સત્પથે ।
મૃત્યુરેવંવિધો યુક્તઃ સર્વભૂતેષ્વનાગસઃ ॥

કિન્નુ તૈર્ન કૃતમ્પાપં યૈર્બવાંસ્તપસિ સ્તિતઃ ।
અયુધ્યમાનો વૃદ્ધઃ સન્હતઃ શરશતૈઃ શિતૈઃ ॥

કિન્નુ તે તત્ર વક્ષ્યન્તિ સચિવેષુ સુહૃત્સુ ચ ।
અયુધ્યમાનં ધર્મજ્ઞમેકં હત્વાઽનપત્રપાઃ ॥
અકૃતવ્રણ ઉવાચ ।

લાલપ્યૈવં સકુસ્ન્ણં બહુ નાનાવિધં નૃપ ।
પ્રેતકાર્યાણિ સર્વાણિ પિતુશ્ચક્રે મહાતપાઃ ॥

દદાહ પિતરં ચાગ્નૌ રામઃ પરપુરઞ્જયઃ ।
પ્રતિજજ્ઞે વધં ચાપિ સર્વક્ષત્રસ્ય ભારત ॥

સન્ક્રુદ્ધોઽતિબલઃ સઙ્ખ્યે શસ્ત્રમાદાય વીર્યવાન્ ।
જઘ્નિવાન્કાર્તવીર્યસ્ય સુતાનેકોઽન્તકોપમઃ ॥

તેષાં ચાનુગતા યે ચ ક્ષત્રિયાઃ ક્ષત્રિયર્ષભ ।
તાંશ્ચ સર્વાનવામૃદ્ગાદ્રામઃ પ્રહરતાંવરઃ ॥

ત્રિઃસપ્તકૃત્વઃ પૃથિવીં કૃત્વા નિઃક્ષિત્રિયાં પ્રભુઃ ।
સમન્તપઞ્ચકે પઞ્ચ ચકાર રુધિરહ્રદાન્ ॥

સ તેષુ તર્પયામાસ પિતૄન્ભૃગુકુલોદ્વહઃ ।
સાક્ષાદ્દદર્શ ચર્ચીકં સ ચ રામં ન્યવારયત્ ॥

તતો યજ્ઞેન મહતા જામદગ્ન્યઃ પ્રતાપવાન્ ।
તર્પયામાસ દેવેન્દ્રમૃત્વિગ્ભ્યઃ પ્રદદૌ મહીમ્ ॥

વેદીં ચાપ્યદદદ્ધૈમીં કશ્યપાય મહાત્મને ।
દશવ્યામાયતાં કૃત્વા નવોત્સેધાં વિશામ્પતે ॥

તાં કશ્યપસ્યાનુમતે બ્રાહ્મણાઃ ખણ્ડશસ્તદા ।
વ્યભજંસ્તે તદા રાજન્પ્રખ્યાતાઃ ખાણ્ડવાયનાઃ ॥

સ પ્રદાય મહીં તસ્મૈ કશ્યપાય મહાત્મને । તપઃ સુમહદાસ્થાય મહાબલપરાક્રમઃ ।
અસ્મિન્મહેન્દ્રે શૈલેન્દ્રે વસત્યમિતવિક્રમઃ ॥

એવં વૈરમભૂત્તસ્ય ક્ષત્રિયૈર્લોકવાસિભિઃ ।
પૃથિવી ચાપિ વિજિતા રામેણામિતતેજસા ॥
વૈશમ્પાયન ઉવાચ ।

તતશ્ચતુર્દશીં રામઃ સમયેન મહામનાઃ ।
દર્શયામાસ તાન્વિપ્રાન્ધર્મરાજં જ સાનુજમ્ ॥

સ તમાનર્ચ રાજેન્દ્ર ભ્રાતૃભિઃ સહિતઃ પ્રભુઃ ।
દ્વિજાનાં ચ પરાં પૂજાં ચક્રે નૃપતિસત્તમઃ ॥

અર્જિત્વા જામદગ્ન્યં સ પૂજિતસ્તેન ચોદિતઃ । મહેન્દ્ર ઉષ્ય તાં રાત્રિં પ્રયયૌ દક્ષિણામુખઃ ॥