મહાભારત · અધ્યાય 13.35

કિં કર્તવ્યં મનુષ્યેણ લોકયાત્રાહિતાર્થિના ।
કથં વૈ લોકયાત્રાં તુ કિંશીલશ્ચ સમાચરેત્ ॥
ભીષ્મ ઉવાચ ।

દેવે નારાયણે ભક્તિઃ શન્કરે સાધુપૂજયા । ધ્યાનેનાથ જપઃ કાર્યઃ સ્વધર્મૈઃ શુચિચેતસા ॥

કાયેન ત્રિવિધં કર્મ વાચા ચાપિ ચતુર્વિધમ્ ।
મનસા ત્રિવિધં ચૈવ દશ કર્મપથાંસ્ત્યજેત્ ॥

પ્રાણાતિપાતઃ સ્તૈન્યં ચ પરદારાભિમર્શનમ્ ।
ત્રીણિ પાપાનિ કાયેન સર્વતઃ પરિવર્જયેત્ ॥

અસત્પ્રલાપં પારુષ્યં પૈશુન્યમનૃતં તથા ।
ચત્વારિ વાચા રાજેન્દ્ર ન જલ્પેન્નાનુચિન્તયેત્ ॥

અનભિધ્યા પરખેષુ સર્વસત્વેષુ સૌહૃદમ્ ।
કર્મણાં ફલમસ્તીતિ ત્રિવિધં મનસા ચરેત્ ॥

તસ્માદ્વાક્વાયમનસા નાચરેદશુભં નરઃ । શુભાન્યેવાચરઁલ્લોકે ભક્તો નારાયણસ્ય હિ ।
તસ્યૈવ તુ પદં સૂક્ષ્મં પ્રસાદાદશ્નુયાત્પરમ્ ॥