મહાભારત · અધ્યાય 13.19

ગરુડઃ પક્ષિણાં શ્રેષ્ઠ ઇતિ પૂર્વં પિતામહ ।
ઉક્તસ્ત્વયા મહાબાહો શ્વેતવાહં પ્રશંસતા ॥

અત્ર કૌતૂહલ ઇતિ શ્રવણે જાયતે મતિઃ ।
કથં ગરુત્માન્પક્ષીણાં શ્રૈષ્ઠ્યં પ્રાપ પરન્તપ ॥

સુપર્ણો વૈનતેયશ્ચ કેન શત્રુશ્ચ ભોગિનામ્ ।
કિંવીર્યઃ કિમ્બલશ્ચાસૌ વક્તુમર્હસિ ભારત ॥
ભીષ્મ ઉવાચ ।

વાસુદેવ મહાબાહો દેવકી સુપ્રજાસ્ત્વયા ।
શ્રુતં તે ધર્મરાજસ્ય મમ હર્ષવિવર્ધન ॥

સુપર્ણં શંસ ઇત્યેવ મામાહ કુરુનન્દનઃ ।
અસ્ય પ્રવક્તુમિચ્છામિ ત્વયાઽજ્ઞપ્તો મહાદ્યુતે ॥

ત્વં હિ શૌરે મહાબાહો સુપર્ણઃ પ્રોચ્યસે પુરા ।
અનાદિનિધને કાલે ગરુડશ્ચાસિ કેશવ ॥

તસ્માત્પૂર્વં પ્રસાદ્ય ત્વાં ધર્મપુત્રાય ધીમતે ।
ગરુડં પતતાંશ્રેષ્ઠં વક્તુમિચ્છામિ માધવ ॥
વાસુદેવ ઉવાચ ।

યથૈવ માં ભવાન્વેદ તથા વેદ યુધિષ્ઠિરઃ ।
યથા ચ ગરુડો જાતસ્તથાઽસ્મૈ બ્રૂહિ તત્વતઃ ॥