મહાભારત · અધ્યાય 13.18

સર્વે વેદાઃ સર્વવેદ્યાઃ સશાસ્ત્રાઃ સર્વે યજ્ઞાઃ સર્વ ઇત્યશ્ચ કૃષ્ણઃ ।
વિદુઃ કૃષ્ણં બ્રાહ્મણાસ્તત્વતો યે તેષાં રાજન્સર્વયજ્ઞઃ સમાપ્તઃ ॥

જ્ઞેયો યોગી બ્રાહ્મણૈર્વેદતત્વૈ- રારણ્યકૈઃ સૈષ કૃષ્ણઃ પ્રભુત્વાત્ ।
સર્વાન્યજ્ઞાન્બ્રાહ્મણાન્બ્રહ્મ ચૈવ વ્યાપ્યાતિષ્ઠદ્દેવદેવસ્ત્રિલોકે ॥

સ એષ દેવઃ શક્રમીશં યજાનં પ્રીત્યા પ્રાહ ક્રતુયષ્ટારમગ્ર્યમ્
ન મા શક્રો વેદવેદાર્થતત્વા- દ્ભક્તો ભક્ત્યા શુદ્ધભાવપ્રધાનઃ ॥

મા જાનન્તે બ્રહ્મશીર્ષં વરિષ્ઠં વિશ્વે વિશ્વં બ્રહ્મયોનિં હ્યયોનિમ્ ।
સર્વત્રાહં શાશ્વતઃ શાશ્વતેશઃ કૃત્સ્નો વેદોઽગ્નિર્નિર્ગુણોઽનન્તતેજાઃ ॥

સર્વે દેવા વાસુદેવં યજન્તે તતો બુદ્ધ્યા માર્ગમાણાસ્તનૂનામ્ ।
સર્વાન્કામાન્પ્રાપ્નુવન્તે વિશાલાં- સ્ત્રૈલોક્યેઽસ્મિન્કૃષ્ણનામાભિધાનાત્ ॥

કૃષ્ણો યજ્ઞૈરિજ્યતે યાયજૂકૈઃ કૃષ્ણો વીર્યૈરિજ્યતે વિક્રમદ્ભિઃ ।
કૃષ્ણો વાક્યૈરિજ્યતે સમ્મૃશાનૈઃ કૃષ્ણો મુક્તૈરિજ્યતે વીતમોહૈઃ ॥

વિદ્યાવન્તઃ સોમપા યે વિપાપા ઇષ્ટ્વા યજ્ઞેર્ગોચરં પ્રાર્થયન્તે ।
ભવગાનુવાચ ।
સર્વં ક્રાન્તં દેવલોકં વિશાલ- મન્તે ગત્વા મુક્તિલોકં ભજન્તિ ॥

એવં સર્વે ત્વાશ્રમાઃ સુવ્રતા યે માં જાનન્તો યાન્તિ લોકાનદીનાન્ ।
યે ધ્યાનદીક્ષામુદ્વહન્તો વિપાપા
જ્યોતિર્ભૂત્વા દેવલોકં ભજન્તિ ॥

પૂજ્યન્તે માં પૂજયન્તઃ પ્રહૃષ્ટા માં જાનન્તઃ શ્રદ્ધયા વાસુદેવમ્ ।
ભક્ત્યા તુષ્ટોઽહં તસ્ય સત્ત્વં પ્રયચ્છે સત્વસ્પૃષ્ટો વીતમોહોઽયમેતિ ॥
દ્વૈપાયન ઉવાચ ।

જ્યોતીંષિ શુક્તાનિ ચ યાનિ લોકે ત્રયો લોકા લોકપાલાસ્ત્રયશ્ચ ।
ત્રયોઽગ્નયશ્ચાહુતયશ્ચ પઞ્ચ સર્વે દેવા દેવકીપુત્ર એવ ॥
ભીષ્મ ઉવાચ ।

વ્યાસસ્યૈતદ્વચઃ શ્રુત્વા મદ્રરાજઃ સહર્ષિભિઃ ।
વ્યાસં કૃષ્ણં ચ વિધિવત્પ્રીતાત્મા પ્રત્યપૂજયત્ ॥
વૈશમ્પાયન ઉવાચ ।

કવિઃ પ્રયાતસ્તુ મહર્ષિપુત્રો દ્વૈપાયનસ્તદ્વચનં નિશમ્ય ।
જગામ પૃથ્વીં શિરસા મહાત્મા નમશ્ચ કૃષ્ણાય ચકાર ભીષ્મઃ ॥