મહાભારત · અધ્યાય 12.70

ક્તેન વૃત્તેન વૃત્તક્ષ વર્તમાનો મહીપતિઃ ।
સુખેનાર્યાન્તુસુખોદર્કાનિહ ચ પ્રેત્ય ચાશ્નુતે ॥
ભીષ્મ ઉવાચ ।

ઇત્થં ગુણાનાં ષટ્્ત્રિંશી ષટ્્ત્રિંશદ્ગુણસંયુતા ।
યાન્ગુણાંસ્તુ ગુણોપેતઃ કુર્વન્ગુણમવાપ્નુયાત્ ॥

ચરેદ્ધર્માનકટુકો મુઞ્ચેત્સ્નેહં ન ચાસ્તિકઃ ।
અનૃશંસશ્ચરેદર્થં ચરેત્કામમનુદ્ધતઃ ॥

પ્રિયં બ્રૂયાદકૃપણઃ શૂરઃ સ્યાદવિકત્થનઃ ।
દાતા નાપાત્રવર્ષી સ્યાત્પ્રગલ્ભઃ સ્યાદનિષ્ઠુરઃ ॥

સન્દધીત ન ચાનાર્યૈર્વિગૃહ્ણીયાચ્ચ શત્રુભિઃ ।
નાનાપ્તૈશ્ચારયેચ્ચારં કુર્યાત્કાર્યમપીડયા ॥

અર્થં બ્રૂયાન્ન ચાસત્સુ ગુણાન્બ્રૂયાન્ન ચાત્મનઃ ।
આદદ્યાન્ન ચ સાધુભ્યો નાસત્પુરુષમાશ્રયેત્ ॥

નાપરીક્ષ્ય નયેદ્દણ્ડં ન ચ મન્ત્રં પ્રકાશયેત્ ।
વિસૃજેન્ન ચ લુબ્ધેભ્યો વિશ્વસેન્નાપકારિષુ ॥

અનીર્ષુર્ગુપ્તદારઃ સ્યાચ્ચોક્ષઃ સ્યાદઘૃણી નૃપઃ ।
સ્ત્રિયઃ સેવેત નાત્યર્થં મૃષ્ટં ભુઞ્જીત નાહિતમ્ ॥

અસ્તબ્ધઃ પૂજયન્માન્યાન્ગુરૂન્સેવેદમાયયા ।
અર્ચેદ્દેવાનદમ્ભેન શ્રિયમિચ્છેદકૃત્સિતામ્ ॥

સેવેત પ્રણયં હિત્વા દક્ષઃ સ્યાન્ન ત્વકાલવિત્ ।
સાન્ત્વયેન્ન ચ મોક્ષાય અનુગૃહ્ણન્ન ચાક્ષિપેત્ ॥

પ્રહરેન્ન ત્વવિજ્ઞાય હત્વા શત્રૂન્ન શોચયેત્ ।
ક્રોધં કુર્યાન્ન ચાકસ્માન્મૃદુઃ સ્યાન્નાપકારિષુ ॥

એવં ચરસ્વ રાજ્યસ્થો યદિ શ્રેય ઇહેચ્છસિ ।
અતોઽન્યથા નરપતિર્ભયમૃચ્છત્યનુત્તમમ્ ॥

ઇતિ સર્વાન્ગુણાનેતાન્યથોક્તાન્યોઽનુવર્તતે ।
અનુભૂયેહ ભદ્રાણિ પ્રેત્ય સ્વર્ગે મહીયતે ॥
વૈશમ્પાયન ઉવાચ ।

ઇદં વચઃ શાન્તનવસ્ય શુશ્રુવા ન્યુધિષ્ઠિરઃ પાર્થિવમુખ્યસંવૃતઃ ।
તદા વવન્દે ચ પિતામહં નૃપો યથોક્તમેતચ્ચ ચકાર બુદ્ધિમાન્ ॥