મહાભારત · અધ્યાય 12.373

નૈષ દેવોઽનિલસખો નાસુરો ન ચ યન્નગઃ ।
ઉઞ્છવૃત્તિવ્રતે સિદ્ધો મુનિરેષ દિવં ગતઃ ॥

એષ મૂલફલાહારઃ શીર્ણપર્ણાશનસ્તથા ।
અબ્ભક્ષો વાયુભક્ષશ્ચ આસીદ્વિપ્રઃ સમાહિતઃ ॥

ભવશ્ચાનેન વિપ્રેણ સંહિતાભિરભિષ્ટુતઃ ।
સ્વર્ગદ્વારે કૃતોદ્યોગો યેનાસૌ ત્રિવિદં ગતઃ ॥

અસન્ગતિરનાકાઙ્ક્ષી નિત્યમુઞ્છશિલાશનઃ ।
સર્વભૂતહિતે યુક્ત એષ વિપ્રો ભુજન્ગમાઃ ॥

ન હિ દેવા ન ગન્ધર્વા નાસુરા ન ચ પન્નગાઃ ।
પ્રભવન્તીહ ભૂતાનાં પ્રાપ્તાનામુત્તમાં ગતિમ્ ॥

એતદેવંવિધં દૃષ્ટમાશ્ચર્યં તત્ર મે દ્વિજ । સંસિદ્ધો માનુષઃ કામં યોસૌ સિદ્ધગતિં ગતઃ ।
સૂર્યેણ સહિતો બ્રહ્મન્પૃથિવીં પરિવર્તતે ॥