મહાભારત · અધ્યાય 12.363

આસીત્કિલ નરશ્રેષ્ઠ મહાપદ્મે પુરોત્તમે ।
ગઙ્ગાયા દક્ષિણે તીરે કશ્ચિદ્વિપ્રઃ સમાહિતઃ ॥

સૌમ્યઃ સોમાન્વયે જાતો જિતાત્મા ગોત્રતો ભૃગુઃ ।
ધર્મનિત્યો જિતક્રોધો નિત્યતપ્તો જિતેન્દ્રિયઃ ॥

તપઃસ્વાધ્યાયનિરતઃ સત્યઃ સજ્જનસમ્મતઃ ।
ન્યાયપ્રાપ્તેન વિત્તેન સ્વેન શીલેન ચાન્વિતઃ ॥

જ્ઞાતિ સમ્બન્ધિવિપુલે પુત્રપૌત્રપ્રતિષ્ઠિતે ।
કુલે મહતિ વિખ્યાતે વિશિષ્ટાં વૃત્તિમાસ્થિતઃ ॥

સ પુત્રાન્બહુલાઁલ્લબ્ધ્વા વિપુલે કર્મણિ સ્થિતઃ ।
કુલધર્માશ્રિતો રાજન્ધરર્મચર્યાસ્થિતોઽભવત્ ॥

તતઃ સ ધર્મં વેદોક્તં તથા શાસ્ત્રાક્તમેવ ચ ।
શિષ્ટાચીર્ણં ચ ધર્મં ચ ત્રિવિધં ચિન્ત્ય ચેતસા ॥

કિન્નુ મે સ્યાચ્છુભં કૃત્વા કિં કૃતં કિં પરાયણમ્ ।
ઇત્યેવં ચિન્તયન્નિત્યં ન ચ યાતિ વિનિશ્ચયમ્ ॥

તસ્યૈવં ચિન્ત્યમાનસ્ય ધર્મં પરમમાસ્થિતઃ ।
કદાચિદતિથિઃ પ્રાપ્તો બ્રાહ્મણઃ સુસમાહિતઃ ॥

સ તસ્મૈ સત્ક્રિયાં ચક્રે ક્રિયાયુક્તેન હેતુના ।
વિશ્રાન્તં સુસમાસીનમિદં વચનમબ્રવીત્ ॥