મહાભારત · અધ્યાય 1.179

તે તથા પુરુષવ્યાઘ્રા નિહત્ય બકરાક્ષસમ્ ।
અત ઊર્ધ્વં તતો બ્રહ્મન્કિમકુર્વત પાણ્ડવાઃ ॥
વૈશમ્પાયન ઉવાચ ।

તત્રૈવ ન્યવસન્રાજન્નિહત્ય બકરાક્ષસમ્ ।
અધીયાનાઃ પરં બ્રહ્મ બ્રાહ્મણસ્ય નિવેશને ॥

તતઃ કતિપયાહસ્ય બ્રાહ્મણઃ સંશિતવ્રતઃ ।
પ્રતિશ્રયાર્થી તદ્વેશ્મ બ્રાહ્મણસ્યાજગામ હ ॥

સ મ્યક્ પૂજયિત્વા તં વિપ્રં વિપ્રર્ષભસ્તદા ।
દદૌ પ્રતિશ્રયં તસ્મૈ સદા સર્વાતિથિવ્રતઃ ॥

તતસ્તે પાણ્ડવાઃ સર્વે સહ કુન્ત્યા નરર્ષભાઃ ।
ઉપાસાઞ્ચક્રિરે વિપ્રં કથયન્તં કથાઃ શુભાઃ ॥

કથયામાસ દેશાંશ્ચ તીર્થાનિ સરિતસ્તથા ।
રાજ્ઞશ્ચ વિવિધાશ્ચર્યાન્દેશાંશ્ચૈવ પુરાણિ ચ ॥

સ તત્રાકથયદ્વિપ્રઃ કથાન્તે જનમેજય ।
પઞ્ચાલેષ્વદ્ભુતાકારં યાજ્ઞસેન્યાઃ સ્વયંવરમ્ ॥

ધૃષ્ટદ્યુમ્નસ્ય ચોત્પત્તિમુત્પત્તિં ચ શિખણ્ડિનઃ ।
અયોનિજત્વં કૃષ્ણાયા દ્રુપદસ્ય મહામખે ॥

તદદ્ભુતતમં શ્રુત્વા લોકે તસ્ય મહાત્મનઃ ।
વિસ્તરેણૈવ પપ્રચ્છુઃ કથાં તે પુરુષર્ષભાઃ ॥
પાણ્ડવા ઊચુઃ ।

કથં દ્રુપદપુત્રસ્ય ધૃષ્ટદ્યુમ્નસ્ય પાવકાત્ ।
વેદીમધ્યાચ્ચ કૃષ્ણાયાઃ સમ્ભવઃ કથમદ્ભુતઃ ॥

કથં દ્રોણાન્મહેષ્વાસાત્સર્વાણ્યસ્ત્રાણ્યશિક્ષત । ધૃષ્ટદ્યુમ્નો મહેષ્વાસઃ કથં દ્રોણસ્ય મૃત્યુદઃ ।
કથં વિપ્ર સખાયૌ તૌ ભિન્નૌ કસ્ય કૃતેન વા ॥
વૈશમ્પાયન ઉવાચ ।

એવં તૈશ્ચોદિતો રાજન્સ વિપ્રઃ પુરુષર્ષભૈઃ ।
કથયામાસ તત્સર્વં દ્રૌપદીસમ્ભવં તદા ॥