મધ્યમકશાસ્ત્ર · અધ્યાય 19

19 કાલપરીક્ષા એકોનવિંશતિતમં પ્રકરણમ્ ।
પ્રત્યુત્પન્નો ઽનાગતશ્ચ યદ્યતીતમપેક્ષ્ય હિ ।
પ્રત્યુત્પન્નો ઽનાગતશ્ચ કાલે ઽતીતે ભવિષ્યતઃ

પ્રત્યુત્પન્નો ઽનાગતશ્ચ ન સ્તસ્તત્ર પુનર્યદિ ।
પ્રત્યુત્પન્નો ઽનાગતશ્ચ સ્યાતાં કથમપેક્ષ્ય તમ્

અનપેક્ષ્ય પુનઃ સિદ્ધિર્નાતીતં વિદ્યતે તયોઃ ।
પ્રત્યુત્પન્નો ઽનાગતશ્ચ તસ્માત્કાલો ન વિદ્યતે

એતેનૈવાવશિષ્ટૌ દ્વૌ ક્રમેણ પરિવર્તકૌ ।
ઉત્તમાધમમધ્યાદીનેકત્વાદીંશ્ચ લક્ષયેત્

નાસ્થિતો ગૃહ્યતે કાલઃ સ્થિતઃ કાલો ન વિદ્યતે ।
યો ગૃહ્યેતાગૃહીતશ્ચ કાલઃ પ્રજ્ઞપ્યતે કથમ્

ભાવં પ્રતીત્ય કાલશ્ચેત્કાલો ભાવાદૃતે કુતઃ ।
ન ચ કશ્ચન ભાવો ઽસ્તિ કુતઃ કાલો ભવિષ્યતિ