લિઙ્ગપુરાણ · અધ્યાય 1.51

દેવકૂટે ગિરૌ મધ્યે મહાકૂટે સુશોભને
હેમવૈડૂર્યમાણિક્ય નીલગોમેદકાન્તિભિઃ ॥

તથાન્યૈર્મણિમુખ્યૈશ્ ચ નિર્મિતે નિર્મલે શુભે
શાખાશતસહસ્રાઢ્યે સર્વદ્રુમવિભૂષિતે ॥

ચમ્પકાશોકપુંનાગ વકુલાસનમણ્ડિતે
પારિજાતકસમ્પૂર્ણે નાનાપક્ષિગણાન્વિતે ॥

નૈકધાતુશતૈશ્ચિત્રે વિચિત્રકુસુમાકુલે
નિતમ્બપુષ્પસાલમ્બેન્ -ઐકસત્ત્વગણાન્વિતે ॥

વિમલસ્વાદુપાનીયેન્ -ઐકપ્રસ્રવણૈર્યુતે
નિર્ઝરૈઃ કુસુમાકીર્ણૈર્ અનેકૈશ્ ચ વિભૂષિતે ॥

પુષ્પોડુપવહાભિશ્ ચ સ્રવન્તીભિર્ અલંકૃતે
સ્નિગ્ધવર્ણં મહામૂલમ્ અનેકસ્કન્ધપાદપમ્ ॥

રમ્યં હ્યવિરલચ્છાયં દશયોજનમણ્ડલમ્
તત્ર ભૂતવનં નામ નાનાભૂતગણાલયમ્ ॥

મહાદેવસ્ય દેવસ્ય શઙ્કરસ્ય મહાત્મનઃ
દીપ્તમાયતનં તત્ર મહામણિવિભૂષિતમ્ ॥

હેમપ્રાકારસંયુક્તં મણિતોરણમણ્ડિતમ્
સ્ફાટિકૈશ્ ચ વિચિત્રૈશ્ ચ ગોપુરૈશ્ ચ સમન્વિતમ્ ॥

સિંહાસનૈર્મણિમયૈઃ શુભાસ્તરણસંયુતૈઃ
ક્ષિતાવિતસ્તતઃ સમ્યક્ શર્વેણાધિષ્ઠિતૈઃ શુભૈઃ ॥

અમ્લાનમાલાનિચિતૈર્ નાનાવર્ણૈર્ ગૃહોત્તમૈઃ
મણ્ડપૈઃ સુવિચિત્રૈસ્ તુ સ્ફાટિકસ્તમ્ભસંયુતૈઃ ॥

સંયુતં સર્વભૂતેન્દ્રૈર્ બ્રહ્મેન્દ્રોપેન્દ્રપૂજિતૈઃ
વરાહગજસિંહર્ક્ષ શાર્દૂલકરભાનનૈઃ ॥

ગૃધ્રોલૂકમુખૈશ્ચાન્યૈર્ મૃગોષ્ટ્રાજમુખૈરપિ
પ્રમથૈર્વિવિધૈઃ સ્થૂલૈર્ ગિરિકૂટોપમૈઃ શુભૈઃ ॥

કરાલૈર્હરિકેશૈશ્ ચ રોમશૈશ્ ચ મહાભુજૈઃ
નાનાવર્ણાકૃતિધરૈર્ નાનાસંસ્થાનસંસ્થિતૈઃ ॥

દીપ્તાસ્યૈર્ દીપ્તચરિતૈર્ નન્દીશ્વરમુખૈઃ શુભૈઃ
બ્રહ્મેન્દ્રવિષ્ણુસંકાશૈર્ અણિમાદિગુણાન્વિતૈઃ ॥

અશૂન્યમમરૈર્નિત્યં મહાપરિષદૈસ્ તથા
તત્ર ભૂતપતેર્દેવાઃ પૂજાં નિત્યં પ્રયુઞ્જતે ॥

ઝર્ઝરૈઃ શઙ્ખપટહૈર્ ભેરીડિણ્ડિમગોમુખૈઃ
લલિતાવસિતોદ્ગીતૈર્ વૃત્તવલ્ગિતગર્જિતૈઃ ॥

પૂજિતો વૈ મહાદેવઃ પ્રમથૈઃ પ્રમથેશ્વરઃ
સિદ્ધર્ષિદેવગન્ધર્વૈર્ બ્રહ્મણા ચ મહાત્મના ॥

ઉપેન્દ્રપ્રમુખૈશ્ચાન્યૈઃ પૂજિતસ્તત્ર શંકરઃ
વિભક્તચારુશિખરં યત્ર તચ્છઙ્ખવર્ચસમ્ ॥

કૈલાસો યક્ષરાજસ્ય કુબેરસ્ય મહાત્મનઃ
નિવાસઃ કોટિયક્ષાણાં તથાન્યેષાં મહાત્મનામ્ ॥

તત્રાપિ દેવદેવસ્ય ભવસ્યાયતનં મહત્
તસ્મિન્નાયતને સોમઃ સદાસ્તે સગણો હરઃ ॥

યત્ર મન્દાકિની નામ નલિની વિપુલોદકા
સુવર્ણમણિસોપાના કુબેરશિખરે શુભે ॥

જાંબૂનદમયૈઃ પદ્મૈર્ ગન્ધસ્પર્શગુણાન્વિતૈઃ
નીલવૈડૂર્યપત્રૈશ્ ચ ગન્ધોપેતૈર્મહોત્પલૈઃ ॥

તથા કુમુદષણ્ડૈશ્ ચ મહાપદ્મૈર્ અલંકૃતા
યક્ષગન્ધર્વનારીભિર્ અપ્સરોભિશ્ ચ સેવિતા ॥

દેવદાનવગન્ધર્વૈર્ યક્ષરાક્ષસકિન્નરૈઃ
ઉપસ્પૃષ્ટજલા પુણ્યા નદી મન્દાકિની શુભા ॥

તસ્યાશ્ચોત્તરપાર્શ્વે તુ ભવસ્યાયતનં શુભમ્
વૈડૂર્યમણિસમ્પન્નં તત્રાસ્તે શઙ્કરો ઽવ્યયઃ ॥

દ્વિજાઃ કનકનન્દાયાસ્ તીરે વૈ પ્રાચિ દક્ષિણે
વનં દ્વિજસહસ્રાઢ્યં મૃગપક્ષિસમાકુલમ્ ॥

તત્રાપિ સગણઃ સામ્બઃ ક્રીડતે ઽદ્રિસમે ગૃહે
નન્દાયાઃ પશ્ચિમે તીરે કિંચિદ્ વૈ દક્ષિણાશ્રિતે ॥

પુરં રુદ્રપુરી નામ નાનાપ્રાસાદસંકુલમ્
તત્રાપિ શતધા કૃત્વા હ્ય્ આત્માનં ચામ્બયા સહ ॥

ક્રીડતે સગણઃ સામ્બસ્ તચ્છિવાલયમ્ ઉચ્યતે
એવં શતસહસ્રાણિ શર્વસ્યાયતનાનિ તુ ॥

પ્રતિદ્વીપે મુનિશ્રેષ્ઠાઃ પર્વતેષુ વનેષુ ચ
નદીનદતટાકાનાં તીરેષ્વર્ણવસંધિષુ ॥