Kubjikamatatantra · અધ્યાય 22

શ્રુતા દેવ મહાવ્યાપ્તિઃ સમસ્તવ્યસ્તવિસ્તરાત્
ઇદાનીં શ્રોતુમ્ ઇચ્છામિ ત્વત્સકાશાન્ મનોદ્ભવામ્ ॥

અપરાં દેહજૈર્ ભિન્નાં શબ્દરાશિં સભૈરવમ્ ॥

સાધુ ભદ્રે પુનઃ સાધુ મહાવસ્તુપ્રબોધકે
તદ્ અહં સમ્પ્રવક્ષ્યામિ સિદ્ધકૌલં મહાતપે ॥

સૂર્યકોટિકરાભાસં વિદ્યુચ્છટલતાકુલમ્
કાલાગ્નિશિખરાટોપં શૂલજ્વાલોર્મિસઙ્કુલમ્ ॥

વિસ્ફુલિઙ્ગજ્વલન્તૌઘૈર્ મહાજ્વાલાર્ચિવર્તુલમ્
જ્વાલામાલાકુલોજ્જ્વાલૈઃ કરાલૈર્ ભીમભીષણૈઃ ॥

સ્વર્ગપાતાલભૂર્લોકૈર્ અન્તરીક્ષૈર્ દિશો દશ
મચ્છરીરે સમુત્પન્ના મહાક્રોધસમુદ્ભવા ॥

અકારાદિક્ષકારાન્તા એકૈકાક્ષરભેદિતા
ભૈરવાવલિની દેવી વિલોમેન સમુદ્ધરેત્ ॥

તદ્ અહં સમ્પ્રવક્ષ્યામિ શૃણુ કુબ્જિ મહાધિપે
ક્ષ હ સ આદિતઃ કૃત્વા અકારાન્તેન સમ્પુટમ્ ॥

એષ ક્રોધો મહાદેવિ મમ હૃદયનિઃસૃતઃ
પઞ્ચાશભૈરવોપેતા માલિન્યા સહ સંયુતા ॥

અનેન ન્યાસમાત્રેણ સકલીકૃતવિગ્રહઃ
ચિન્તયેદ્ દેહમ્ આત્માનમ્ ઉક્તલક્ષણસંયુતમ્ ॥

સંહરન્તં જગત્ સર્વમ્ છિન્દન્તં પાશપઞ્જરમ્
નિર્દહન્તં જગત્ સર્વમ્ ભસ્મકૂટં વિચિન્તયેત્ ॥

અકારાદિક્ષકારાન્તં પશુદેહે વિચિન્તયેત્
અધોમુખોર્ધ્વપાદાન્તં સંહારાનલમધ્યગમ્ ॥

સંવર્તાનલદહ્યન્તં ચતુર્દશવિયોજિતમ્
તદ્બીજં સમ્પ્રવક્ષ્યામિ મહાક્રોધસ્ય ભૈરવિ ॥

મન્ત્રસારં વરારોહે શૃણુ ત્વં ભાવિતાત્મના ॥

ક્રોધહૃદયાનુજા દેવી મહાભૈરવમ્ અબ્રવીત્ ॥

કુજાખ્યમન્ત્રમ્ ઉચ્ચાર્ય ત્રૈલોક્યમ્ અપિ સંહરેત્
કૈલાસમ્ અપિ પાતયેદ્ વાચાસિદ્ધિઃ પ્રવર્તતે ॥

એકૈકાક્ષરસમ્ભિન્નામ્ ઉદ્ધરામિ પરાપરામ્
અકારાદિક્ષકારાન્તં નામં વક્ષ્યામિ પાર્વતિ ॥

અથાપરા પરા ખ્યાતા મહામાયા પરાપરા
મન્ત્રગર્ભા મહાદેવી વિશ્રુતા ભુવનત્રયે ॥

પ્રમાદાલ્લોપમ્ આયાતે સિદ્ધે સમયમણ્ડલે
સાધકસ્ય ભવેદ્ ગ્લાનિઃ ક્લિષ્ટો વિઘ્નૈઃ પ્રબાધ્યતે ॥

કા ગતિસ્ તસ્ય દેવેશ કથં શુદ્ધિમ્ અવાપ્નુયાત્
તમ્ આચક્ષસ્વ સર્વજ્ઞ સમયઘ્નઃ શુધ્યતે યથા ॥

અટ્ટહાસાદિતઃ કૃત્વા રાજગૃહમ્ અપશ્ચિમમ્
આયુધૈઃ સહિતાં દેવીં ક્ષેત્રપાલસમન્વિતામ્ ॥

ક્ષેત્રોપક્ષેત્રસન્દોહૈઃ સેવનાન્ નિર્મલો ભવેત્
અથાશક્તઃ પ્રમાદી વા પીઠસઙ્કીર્તનાત્ પ્રિયે ॥

સમ્યક્ શુદ્ધિમ્ અવાપ્નોતિ પ્રાતર્ ઉત્થાય યઃ પઠેત્
તદ્ અહં સમ્પ્રવક્ષ્યામિ સમયાનાં વિશુદ્ધયે ॥

અટ્ટહાસે કદમ્બસ્થાં સૌમ્યાસ્યાં વજ્રધારિણીમ્
મહાઘણ્ટસમોપેતાં પ્રણમામિ સિવઙ્કરીમ્ ॥

ચરિત્રાયાં કરઞ્જસ્થાં કૃષ્ણાખ્યાં શક્તિધારિણીમ્
મહાબલસમોપેતાં પ્રણમામિ સુસિદ્ધિદામ્ ॥

અગ્નિકેન સમોપેતાં દણ્ડહસ્તાં નગૌકસામ્
કોલાગિર્યે મહાલક્ષ્મીં નૌમિ લક્ષ્મીવિવર્ધનીમ્ ॥

જ્વાલામુખીં શ્રીજયન્ત્યાં નિમ્બસ્થાં ખડ્ગધારિણીમ્
મહાપ્રેતસમોપેતાં નૌમિ સર્વાર્થસિદ્ધિદામ્ ॥

અશ્વત્થસ્થાં મહામાયામ્ ઉજ્જૈન્યાં પાશધારિણીમ્
મહાકાલસમોપેતાં નૌમિ સર્વાર્થસિદ્ધિદામ્ ॥

ઉડુમ્બરતલાવસ્થાં વાયુવેગાં ધ્વજાયુધામ્
પ્રયાગે પવનોપેતાં નૌમિ શત્રુવિનાશનીમ્ ॥

વારાણસ્યાં તુ તાલસ્થામ્ ઊર્ધ્વકેશીં ગદાયુધામ્
પ્રણમ્ય શિરસા દેવીં શાઙ્કરીં શાઙ્કરાન્વિતામ્ ॥

કર્ણમોટીં વટસ્થાં તુ સશૂલાં હેતુકાન્વિતામ્
શ્રીકોટે શ્રીપદાં નૌમિ રાજ્યસમ્પદદાયિનીમ્ ॥

વિરજાયામ્બિકદેવીં મુદ્રાપટ્ટિશધારિણીમ્
અનલેન સમોપેતાં પ્રણમામિ જયાવહામ્ ॥

ઐરુડ્યામ્ અગ્નિવક્ત્રાં તુ વજ્રશક્તિધરાં શુભામ્
ઘણ્ટારવસમોપેતાં નમામિ રિપુનાશનીમ્ ॥

મુષલાયુધહસ્તાં તુ મહાજઙ્ઘસમન્વિતામ્
નમામિ શત્રુભઙ્ગાર્થે પિઙ્ગાક્ષીં હસ્તિનાપુરે ॥

એલાપુરે ખરાસ્યાં તુ પાશહસ્તાં મહાબલામ્
ગજકર્ણસમોપેતાં નૌમિ દુષ્ટપ્રમર્દનીમ્ ॥

કાશ્મર્યાં ચૈવ ગોકર્ણાં મુદ્રાલકુટધારિણીમ્
તડિજ્જઙ્ઘસમોપેતાં નમામિ રિપુમર્દનીમ્ ॥

કરાલેન સમોપેતાં નમામ્યઙ્કુશધારિણીમ્
ક્રમણીં મરુદેશે તુ ત્રૈલોક્યાકૃષ્ટિકારિકામ્ ॥

રોમજઙ્ઘસમોપેતાં નગરે તુ હલાયુધામ્
ચૈત્રકચ્છનિવાસાં તુ નમામિ ધનસિદ્ધયે ॥

કુમ્ભકેન સમોપેતાં ખટ્વાઙ્ગકરભૂષિતામ્
નમામિ પાપશુદ્ધ્યર્થં ચામુણ્ડામ્ પુણ્ડ્રવર્ધને ॥

પરસ્તીરે પ્રસન્નાસ્યાં વજ્રશૃઙ્ખલધારિણીમ્
નમામિ ત્રિજટોપેતાં ભેદસ્તમ્ભનકારિકામ્ ॥

પૃષ્ઠાપુરે વિદ્યુન્મુખીં દણ્ડશક્ત્યાયુધોદ્યતામ્
નમામિ ઘનરવોપેતાં ભેદજૃમ્ભનકારિકામ્ ॥

ઉલ્કામુખસમોપેતાં કુહુદ્યાં તુ મહાબલામ્
મુદ્રાલકુટધારિણ્યાં નૌમિ દુષ્ટાઙ્ગભઞ્જનીમ્ ॥

પિશિતાશસમોપેતાં નૌમિ કટ્ટારિકોદ્યતામ્
સોપારે અગ્નિવક્ત્રાં તુ અમિત્રપશુદારિણીમ્ ॥

ક્ષીરિકે લોકમાતાં તુ ખડ્ગહસ્તાં નમામ્ય્ અહમ્
મહામેરુસમોપેતાં મહતાર્તિનિકૃન્તનીમ્ ॥

વજ્રાયુધધરાં સૌમ્યાં ભીમાનનસમન્વિતામ્
સ્તમ્ભાકૃષ્ટિકરીં દેવીં માયાપુર્યાં તુ કમ્પિનીમ્ ॥

મહાક્રોધસમોપેતાં પૂતનામ્રાતિકેશ્વરે
ગદાહસ્તાયુધાં નૌમિ તાડનાકૃષ્ટિકારિકામ્ ॥

રાજગૃહે ભગ્નનાસાં મહાકર્ણસમન્વિતામ્
વજ્રશક્તિધરાં નૌમિ અશેષફલદાયિકામ્ ॥

ક્ષેત્રોપક્ષેત્રસન્દોહે સ્થિતભૂચક્રમાતરામ્
ક્ષેત્રપાલસમોપેતાં કીર્તયેદ્ યઃ સમાહિતઃ ॥

પ્રાતર્ ઉત્થાય મન્ત્રજ્ઞઃ સ્વપ્નકાલે ઽથવા સુધીઃ
યુક્તો ઽપિ પાતકૈર્ ઘોરૈર્ માતૄણાં સમ્મતો ભવેત્ ॥

માતૃહા પિતૃહા ચૈવ બ્રહ્મઘ્ન ગોઘ્ન એવ ચ
વીરદ્રવ્યાપહારી ચ પ્રમાદાત્ સમયચ્યુતઃ ॥

મન્ત્રાચારવિલુપ્તો ઽપિ પીઠસઙ્કીર્તનાત્ પ્રિયે
પાપકઞ્ચુકમ્ ઉત્સૃજ્ય નૈવ પશ્યતિ દુર્ગતિમ્ ॥

યઃ પુનઃ શુદ્ધભાવાત્મા ત્રિષ્કાલં પરિવર્તયેત્
પ્રાપ્નોતિ ચિન્તિતાન્ કામાન્ સ્ત્રીણાં ભવતિ વલ્લભઃ ॥

કુણ્ડે ઽથ મણ્ડલે વાથ પ્રતિમાયાં પટે ઽપિ વા
લિઙ્ગે દક્ષિણમૂર્તૌ વા જલમધ્યે ગતો ઽપિ વા ॥

ત્રિષ્કાલમ્ એકકાલં વા યઃ પઠેદ્ યસ્ તુ ભાવિતઃ
વિષશસ્ત્રજ1આગ્નિભ્યો વ્યાધિભૂતગ્રહૈર્ અપિ ॥

અજિતઃ સુચિરં કાલં જાયતે નિરુપદ્રવઃ
મહાભયે સમુત્પન્ને કપિલાગોમયેન તુ ॥

ચતુર્દિક્ષુ ચતુર્વિંશ કારયેન્ મણ્ડલાનિ તુ
પૂર્વમ્ ઉત્તરતશ્ ચૈવ વારુણ્યાં દક્ષિણેન તુ ॥

ષટ્કં ષટ્કં તુ કર્તવ્યં તત્ર પૂજ્ય ક્રમેણ તુ
શ્મશાનકલ્પવૃક્ષે તુ યોગિન્યઃ ક્ષેત્રપાસ્ તથા ॥

પૂર્વે તુ શ્વેતપુષ્પૈસ્ તુ દક્ષિણે પીતપુષ્પકૈઃ
પશ્ચિમે રક્તપુષ્પૈસ્ તુ ઉત્તરે કૃષ્ણપુષ્પકૈઃ ॥

સાયુધાન્ શ્વેતપુષ્પૈસ્ તુ ગન્ધૈર્ ધૂપૈર્ મનોરમૈઃ
મધ્યે તુ કલશં સ્થાપ્ય દિવ્યતોયપરિપ્લુતમ્ ॥

ચતુર્વિંશતિ દીપાંશ્ ચ સ્થાને સ્થાને પ્રદાપયેત્
ચતુર્વિંશતિ પીઠાંશ્ ચ ક્રમેણ પરિવર્તયેત્ ॥

અહોરાત્રોષિતો ભૂત્વા નિશામ્ એકાં સુયન્ત્રિતઃ
પ્રભાતે વિમલે મન્ત્રી વીરભોજ્યં તુ કારયેત્ ॥

રાજગૃહે ભગ્નનાસાં મહાકર્ણસમન્વિતામ્
વજ્રશક્તિધરાં નૌમિ અશેષફલદાયિકામ્ ॥

ક્ષેત્રોપક્ષેત્રસન્દોહે સ્થિતભૂચક્રમાતરામ્
ક્ષેત્રપાલસમોપેતાં કીર્તયેદ્ યઃ સમાહિતઃ ॥

પ્રાતર્ ઉત્થાય મન્ત્રજ્ઞઃ સ્વપ્નકાલે ઽથવા સુધીઃ
યુક્તો ઽપિ પાતકૈર્ ઘોરૈર્ માતૄણાં સમ્મતો ભવેત્ ॥

માતૃહા પિતૃહા ચૈવ બ્રહ્મઘ્ન ગોઘ્ન એવ ચ
વીરદ્રવ્યાપહારી ચ પ્રમાદાત્ સમયચ્યુતઃ ॥

મન્ત્રાચારવિલુપ્તો ઽપિ પીઠસઙ્કીર્તનાત્ પ્રિયે
પાપકઞ્ચુકમ્ ઉત્સૃજ્ય નૈવ પશ્યતિ દુર્ગતિમ્ ॥

યઃ પુનઃ શુદ્ધભાવાત્મા ત્રિષ્કાલં પરિવર્તયેત્
પ્રાપ્નોતિ ચિન્તિતાન્ કામાન્ સ્ત્રીણાં ભવતિ વલ્લભઃ ॥

કુણ્ડે ઽથ મણ્ડલે વાથ પ્રતિમાયાં પટે ઽપિ વા
લિઙ્ગે દક્ષિણમૂર્તૌ વા જલમધ્યે ગતો ઽપિ વા ॥

ત્રિષ્કાલમ્ એકકાલં વા યઃ પઠેદ્ યસ્ તુ ભાવિતઃ
વિષશસ્ત્રજ1આગ્નિભ્યો વ્યાધિભૂતગ્રહૈર્ અપિ ॥

અજિતઃ સુચિરં કાલં જાયતે નિરુપદ્રવઃ
મહાભયે સમુત્પન્ને કપિલાગોમયેન તુ ॥

ચતુર્દિક્ષુ ચતુર્વિંશ કારયેન્ મણ્ડલાનિ તુ
પૂર્વમ્ ઉત્તરતશ્ ચૈવ વારુણ્યાં દક્ષિણેન તુ ॥

ષટ્કં ષટ્કં તુ કર્તવ્યં તત્ર પૂજ્ય ક્રમેણ તુ
શ્મશાનકલ્પવૃક્ષે તુ યોગિન્યઃ ક્ષેત્રપાસ્ તથા ॥

પૂર્વે તુ શ્વેતપુષ્પૈસ્ તુ દક્ષિણે પીતપુષ્પકૈઃ
પશ્ચિમે રક્તપુષ્પૈસ્ તુ ઉત્તરે કૃષ્ણપુષ્પકૈઃ ॥

સાયુધાન્ શ્વેતપુષ્પૈસ્ તુ ગન્ધૈર્ ધૂપૈર્ મનોરમૈઃ
મધ્યે તુ કલશં સ્થાપ્ય દિવ્યતોયપરિપ્લુતમ્ ॥

ચતુર્વિંશતિ દીપાંશ્ ચ સ્થાને સ્થાને પ્રદાપયેત્
ચતુર્વિંશતિ પીઠાંશ્ ચ ક્રમેણ પરિવર્તયેત્ ॥

અહોરાત્રોષિતો ભૂત્વા નિશામ્ એકાં સુયન્ત્રિતઃ
પ્રભાતે વિમલે મન્ત્રી વીરભોજ્યં તુ કારયેત્ ॥

તતઃ ક્ષમાપયેત્ પીઠાન્ પ્રણિપત્ય પુનઃ પુનઃ
નિર્વિઘ્નસ્ તુ તતો મન્ત્રી ક્ષિપ્રં ભવતિ સિદ્ધિભાક્ ॥

ઉપસર્ગગ્રહાદિભ્યઃ ક્ષયકુષ્ઠજ્વરાદિભિઃ
મુચ્યતે સર્વરોગૈશ્ ચ ધનવાન્ અપિ જાયતે ॥

કન્યા મનેપ્સિતાન્ કામાન્ લભતે ચાભિષેકતઃ
પુત્રાર્થી લભતે પુત્રાન્ કામુકઃ સુભગો ભવેત્ ॥

વિદ્યાર્થી લભતે વિદ્યાં વણિગ્ વૈ લાભમ્ અશ્નુતે
મન્ત્રારાધનશીલશ્ ચ જાયતે નિરુપદ્રવઃ ॥

યોગાભ્યાસરતો નિત્યં પ્રાપ્ય સિદ્ધિં પરં યયૌ
દ્વીપામ્નાયપ્રસઙ્ગેન સર્વમ્ એતત્ પ્રકાશિતમ્ ॥

સમસ્તવ્યસ્તવ્યાપ્તિસ્ તુ ક્ષેત્રોપક્ષેત્રસંયુતમ્
યત્ ત્વયા પૃચ્છિતં સર્વં કાલજ્ઞાનં કુજેશ્વરિ ॥

તદ્ અહં સમ્પ્રવક્ષ્યામિ ભક્તાનાં ભક્તિવત્સલે
સર્વં સમ્પાદિતં તુભ્યમ્ આજ્ઞાનન્દક્રમાર્ણવમ્ ॥

ઇદાનીં શૃણુ કલ્યાણિ કાલચક્રં યથા સ્થિતમ્ ॥