કઠિનાવદાન · અધ્યાય 29

દત્ત્વા સંઘસ્ય કઠિનં સુપ્રસન્નેન ચેતસા ।
ઇતસ્ ત્રિંશન્ મહાકલ્પાન્ નાભિજાનામિ દુર્ગતિમ્ ॥ 1
અષ્ટાદશાનિ કલ્પાનિ દેવલોકે રમામ્ય્ અહમ્ ।
ચતુઃષષ્ટિં તુ વારાણિ દેવેન્દ્રત્વં કૃતં મયા ॥ 2
અશીતિશતકૃત્વસ્ તુ ચક્રવર્તિ ભવામ્ય્ અહમ્ ।
પ્રાદેશિકાનાં રાજ્ઞાં તુ સંખ્યા મમ ન વિદ્યતે ॥ 3
અહો રત્નત્રયે કારાં કુર્વન્તિ યત્ર માનવાઃ ।
પરીત્તમાત્રં દત્ત્વા તુ લભન્તે વિપુલં ફલમ્ ॥ 4
યદિ મર્ત્યેષુ મે જન્મ હિત્વા દિવ્યં સુખં મહત્ ।
મર્ત્યાનામ્ અભિપૂજ્યો ઽસ્મિ કઠિનદાનસ્ય તત્ ફલમ્ ॥ 5
યદિ દેવોપપત્તિઃ સ્યાત્ ત્યક્ત્વા માનુષ્યકં સુખમ્ ।
દેવસંઘસ્ય પૂજ્યો ઽ સ્મિ કઠિનદાનસ્ય તત્ ફલમ્ ॥ 6
ચક્રવાડમ્ ઉપાદાય મહીસાગરમણ્ડલમ્ ।
આકાંક્ષમાણ-મ્ અદ્યૈવ દૂષ્યૈર્ આચ્છાદયામ્ય્ અહમ્ ॥ 7
પુનર્ અપિ કઠિનદાનસ્યોત્કર્ષં કથયન્ન્ આહ
પદોત્ક્ષેપે પદોત્ક્ષેપે દૂષ્યાઃ પ્રાદુર્ભવન્તિ મે ।
દૂષ્યોપરિ ચ તિષ્ઠામિ દૂષ્યં ચાપિ વિતાનકમ્ ॥ 8
ભવા ઉદ્ઘાટિતા મહ્યં ક્લેશાશ્ ચાધ્યાસિતા મયા ।
સર્વાસ્રવાઃ પરિક્ષીણાઃ કઠિનદાનસ્ય તત્ ફલમ્ ॥ 9
પ્રતિસંવિદશ્ ચત્વારો વિમોક્ષાશ્ ચ તથાષ્ટકાઃ ।
ષડ્ અભિજ્ઞા હ્ય્ અનુપ્રાપ્તાઃ કૃતં બુદ્ધસ્ય શાસનમ્ ॥ 10
30