કઠિનાવદાન · અધ્યાય 30

સુગન્ધદેહઃ સુરલોકગામી
મહાધનો ભોગનિજઃ સુખેશી ।
પ્રવાતિ દિક્ષુ શુચિશીલગન્ધો
ગન્ધપ્રદાનાત્ ખલુ મોક્ષયાયી ॥ ગન્ધ

યે ધૂપં પ્રદદન્તિ મન્મથરિપોઃ સંઘાય સદ્ભાવતસ્
તે નિત્યં સુખમ્ આપ્નુવન્તિ સુખિતા ભોગેશ્વરાઃ શીલિનઃ ।
ન ભ્રાન્તસ્મૃતયો ભવન્તિ વશિનો ધ્યાનેષુ લબ્ધાસ્પદાઃ
શાન્તિં યાન્તિ મનોહરાઃ પટુધિયઃ પૂજ્યાઃ સદેવાસુરૈઃ ॥ ધૂપ

નેત્રાભિરામઃ સુસમૃદ્ધકોશો
ભવત્ય્ અસૌ નીલવિશાલનેત્રઃ ।
નારીનરાણામ્ અભિવીક્ષણીયો
યો દીપમાલાં પ્રકરોતિ સંઘે ॥ દીપ

પ્રસન્નવર્ણા મૃદુપાણિપાદા
મહાબલાઃ શત્રુભિર્ અપ્રધૃષ્યાઃ ।
તૈલપ્રદાનેન ભવન્તિ મર્ત્યાઃ
સુરૂપરૂપાઃ સુખમ્ આપ્નુવન્તિ ॥ તૈલ

પ્રજ્ઞાલાભી ભવતિ નિયતં સૂત્રસૂચીપ્રદાનાત્
પ્રજ્ઞાલાભાદ્ ભવગતિભયાન્ મુચ્યતે ધીનિધાનઃ ।
પ્રજ્ઞા રાજ્ઞી દુરિતહરણે નાસ્તિ કાચિત્ તયાન્યા
સા સંપન્ના ભવતિ સફલ સંપદા સર્વથૈવ ॥ સૂત્રસૂચી

શુદ્ધસ્ફટિકસંકાશં દ્વાદશાઙ્ગુલિમ્ એવ વા ।
ખટિકાં યો દદાતિહ જાયતે પણ્ડિતો મહાન્ ॥ ખટિકા

હારાર્ધરારૈઃ કટકૈર્ અનેકૈઃ
કેયૂરતાડણ્કવિધૈર્ ઉપેતાઃ ।
ચરન્તિ મર્ત્યાઃ સુગતસ્ય શિષ્યે
પ્રદાય ચિત્રાણિ વિભૂષણાનિ ॥ આભરણ

નાગ્નિર્ વિષં ક્રામતિ તસ્ય દેહં
ન ચાપિ શસ્ત્રં ન તુ વજ્રવર્ષમ્ ।
તામ્રાદિદાનેન જિનસ્ય સંઘે
મૈત્રીવિહારી પ્રકરોતિ મર્ત્યઃ ॥ તામ્રાદિભાજન

પૂજ્યો વન્દ્યો ભવતિ મનુજો યત્ર યત્રોપપન્નઃ
સ્વર્ગાવાપ્તો વિપુલધનવાન્ સંમતઃ સત્સભાસુ ।
ઉચ્ચૈર્દીપ્તે સુમહતિ કુલે જાયતે ભોગશીલઃ
શાન્તિં યાયાન્ નિરુપમગુણઃ સંપ્રદાતાસનસ્ય ॥ આસન

બલવાન્ સ્થાનસંપન્નો રાજા ભવતિ મહર્દ્ધિકઃ ।
સંઘસ્ય ભોજનં દત્ત્વા સર્વત્ર સુખમ્ એધતે ॥ ભોજન

જાતો ભવેદ્ ઉચ્ચકુલે સુશીલઃ
સેવ્યો નરાણામ્ અભિદર્શનીયઃ ।
પ્રાસાદિકો ધીરસુખી સુવર્ણઃ
શ્રીમાન્ અસૌ શાલિનિવેદ્યદાનાત્ ॥ નિવેદ્ય

ચમસલડ્ડુકપૂરકપૌલિકં
વિવિધપૂપકરમ્ભકપર્પટમ્ ।
ભવતિ ભોગપરાયણ ઈશ્વરો
ગણવરાય પ્રદાય સતક્રકમ્ ॥ લડ્ડુકાદિ

સુવર્ણરૂપ્યાદિમયે ગણાય યે
દધીન્દ્રમ્ આજ્યં મધુશર્કરાગુડમ્ ।
નિધાય પાત્રે પ્રદદન્તિ તે નરાઃ
સુધાશિનઃ પઞ્ચવિદો બલાન્વિતાઃ ॥ પઞ્ચસાર

વારિણા પરિપૂરિત્વા કુમ્ભં દત્ત્વા ગણોત્તમે ।
પઞ્ચ કામગુણાન્ ભુક્ત્વા તૃષ્ણાં છિન્દન્તિ શાશ્વતીમ્ ॥ કુમ્ભ

કુણ્ડિકાપાત્રદાનેન ધર્મજ્ઞાનસમન્વિતઃ ।
ધનદેન સમાનો ઽસૌ જાયતે ચ ત્રિરત્નકે ॥ કુણ્ડિકાપાત્ર

સર્વંદદશ્ ચ ભવતિ ગૃહં દત્ત્વા ગણોત્તમે ।
સર્વકામસમૃદ્ધસ્ તુ સર્વત્ર સુખમ્ એધતે ॥ ગૃહ

ઇચ્છાદ્રુમપ્રદાનેન તેનૈવાવિકલો ભવેત્ ।
ઉત્તરકુરુમાનુષ્યો મહાભોગી ભવિષ્યતિ ॥ ઇચ્છાદ્રુમ

ઘણ્ટાપ્રદાનસ્ય મહાનુશંસા
સુરૂપકો નિત્યપ્રહૃષ્ટચેતાઃ ।
મનોજ્ઞવાણીશ્ ચ સુરાસુરાણાં
ગન્ધર્વરાજ્ઞા સદૃશસ્ તુ જાયતે ॥ ઘણ્ટા

યે સંઘે પ્રતિપાદયન્તિ મુદિતાસ્ તૃષ્ણાચ્છિદં પાનકં
હૃદ્યં સ્વાદુરસાન્વિતં પટુરસં ગન્ધાભિરામં પ્રિયમ્ ।
છિત્ત્વા તે ભવરાગસંભવભવાં તૃષ્ણાલતાં પ્રજ્ઞયા
પારં યાન્તિ ભવાર્ણવસ્ય નિયતં દત્ત્વા શુભં પાનકમ્ ॥ પાનક

અપરિમિતધનાનાં વાજિનાગૈર્ યુતાનાં
સુબહુપરિજનાનાં ભૂભુજાં મન્દિરાણામ્ ।
અભિજલનિધિભૂમિં પ્રાપ્ય રાજા નરાણામ્
પરમરુચિરકાન્તિર્ જાયતે ભૂપ્રદાનાત્ ॥ ભૂમિ

વિચિત્રધાન્યાદિફલાદિકં ચ
શ્રદ્ધાન્વિતો યઃ પ્રદાતિ સમ્ઘે ।
ઇષ્ટં ફલં તસ્ય ફલન્તિ નિત્યં
સર્વં ફલં પચ્યતિ બોધિમાર્ગે ॥ વ્રીહિ
31