કાઠકસંહિતા · અધ્યાય 13

અથ ત્રયોદશં વચનમ્ ।
શાદાનુવચનમ્ ।
શાદં દદ્ભિરવકાન્ દન્તમૂલૈસ્તેગાન્ દઁષ્ટ્રાભ્યાં મણ્ડૂકાઞ્જમ્ભૈરાદકાં ખાદેનોર્જઁ સઁસીદેનારણ્યં જામ્બીલેન મૃદં બર્સ્વૈશ્શર્કરાભિરવકામવકાભિશ્શર્કરામુત્સાદેન જિહ્વામવક્રન્દેન તાલુઁ સરસ્વતીં જિહ્વાગ્રેણ

વાજઁ હનુભ્યામપ આસ્યેનાદિત્યાઞ્છ્મશ્રુભિરુપયામમધરોષ્ઠેન સદુત્તરેણાન્તરેણાનૂકાશં પ્રકાશં પ્રકાશેન બાહ્યઁ સ્તનયિત્નું નિર્બાધેન સૂર્યાગ્ની ચક્ષુર્ભ્યાં વિદ્યુતં કનીનિકાભ્યામશનિં મસ્તિષ્કેણ બલં મજ્જભિઃ

કૂર્માચ્છફૈરઞ્છરાભિઃ કપિઞ્જલાન્ સામ કુષ્ઠિકાભિર્જવં જઙ્ઘાભિરગદં જાનુભ્યાં વીર્યં ગુહાભ્યાં ભયં પ્રચલાભ્યાં ગુહોપપક્ષાભ્યામશ્વિના અઁસાભ્યામદિતિઁ શીર્ષ્ણા નિરૃતિં નિર્જાલ્માકશીર્ષ્ણા

યોક્ત્રં ગૃધ્રાભિર્યુગમાનતેન ચિત્તં મન્યાભિસ્સંઘોષાન્ પ્રાણૈઃ પ્રકાશેન ત્વચં પરાકાશેનાન્તરાં મશકાન્ કેશરિન્દ્રઁ સ્વપસા વહેન બૃહસ્પતિઁ શકુનિસાદેન રથમુષ્ણિહાભિઃ

મિત્રાવરુણૌ શ્રોણિભ્યામિન્દ્રાગ્ની શિખણ્ડાભ્યામિન્દ્રાબૃહસ્પતી ઊરુભ્યામિન્દ્રાવિષ્ણૂ અષ્ઠીવદ્ભ્યાઁ સવિતારં પુચ્છેન ગન્ધર્વાઞ્છેપેનાપ્સરસો મુષ્કાભ્યાં પવમાનં પાયુના પવિત્રં પોત્રાભ્યામાક્રમણઁ સ્થૂરાભ્યાં પ્રતિક્રમણં ગૃષ્ઠાભ્યામ્

ઇન્દ્રસ્ય ક્રોડોઽદિત્યૈ પાજસ્યં દિશાં જત્રવો જીમૂતાન્ હૃદયૌપશાભ્યામન્તરિક્ષં પુલિતતા નભ ઉદર્યેણેન્દ્રાણીં પ્લીહ્ના વલ્મીકાન્ ક્લોમ્ના ગિરીન્ પ્લાશિભિસ્સમુદ્રમુદરેણ વૈશ્વાનરં ભસ્મના

પૂષ્ણો વનિષ્ઠુરાન્ધાહેસ્સ્થૂરગુદા સર્પાન્ ગુદાભિરૃતૂન્ પૃષ્ટિભિર્દિવં પૃષ્ઠેન વસૂનાં પ્રથમા કીકસા રુદ્રાણાં દ્વિતીયાદિત્યાનાં તૃતીયાઙ્ગિરસાં ચતુર્થી સાધ્યાનાં પઞ્ચમી વિશ્વેષાં દેવાનાઁ ષષ્ઠી

ઓજો ગ્રીવાભિર્નિરૃતિમસ્થભિરિન્દ્રઁ સ્વપસા વહેન રુદ્રસ્ય વિચલસ્સ્કન્ધોઽહોરાત્રયોર્દ્વિતીયોઽર્ધમાસાનાં તૃતીયો માસશ્ચતુર્થ ઋતૂનાં પઞ્ચમસ્સંવત્સરસ્ય ષષ્ઠઃ

આનન્દનન્દથુભ્યાં કામં પ્રત્યાસાભ્યાં ભયઁ શિતીમદ્ભ્યાં પ્રશિષં પ્રશાસાભ્યાઁ સૂર્યાચન્દ્રમસૌ વૃક્કાભ્યાઁ શ્યામશબલૌ મતસ્નાભ્યાં વ્યુષ્ટિં રૂપેણ નિમ્રુક્તિમરૂપેણ

અહર્માઁસેન રાત્રી પીવસાપો યૂષેણ ઘૃતં રસેન શ્યાં વસયા દૂષીકાભિર્હ્રદુનિમશ્રુભિઃ પ્રુષ્વાં દિવં રૂપેણ નક્ષત્રાણિ પ્રતિરૂપેણ પૃથિવીં ચર્મણા કવીં છવ્યોપાકૃતાય સ્વાહાલબ્ધાય સ્વાહા હુતાય સ્વાહા

અગ્નેઃ પક્ષતિસ્સરસ્વત્યા નિપક્ષતિસ્સોમસ્ય તૃતીયાપાં ચતુર્થ્યોષધીનાં પઞ્ચમી રુદ્રસ્ય ષષ્ઠી મરુતાઁ સપ્તમી બૃહસ્પતેરષ્ટમી મિત્રસ્ય નવમી વરુણસ્ય દશમીન્દ્રસ્યૈકાદશી વિશ્વેષાં દેવાનાં દ્વાદશી દ્યાવાપૃથિવ્યોઃ પાર્શ્વં યમસ્ય પાટોરઃ

વાયોઃ પક્ષતિસ્સરસ્વતો નિપક્ષતિશ્ચન્દ્રમસસ્તૃતીયા નક્ષત્રાણાં ચતુર્થી સવિતુઃ પઞ્ચમી સંવત્સરસ્ય ષષ્ઠી સર્પાણાઁ સપ્તમ્યર્યમ્ણોઽષ્ટમી ધાતુર્નવમી ત્વષ્ટુર્દશમીન્દ્રાણ્યા એકાદશ્યદિત્યા દ્વાદશી દ્યાવાપૃથિવ્યોઃ પાર્શ્વં યમ્યાઃ પાટોરઃ

પન્થામનુવૃગ્ભ્યાઁ સંતતિઁ સ્નાવન્યાભ્યાઁ શુકાન્ પિત્તેન હરિમાણં યક્ના હલિક્ષ્ણાન્ પાપવાતેન કૂશ્માઞ્છકભિશ્શવર્તાનૂવધ્યેન શુનો વિશસનેન સર્પાંલ્લોહિતગન્ધેન વયાઁસિ પક્વગન્ધેન પિપીલિકાઃ પ્રશાદેન

॥ ઇતિ શ્રીયજુષિ કાઠકે ચરકશાખાયામશ્વમેધનામનિ પઞ્ચમે ગ્રન્થે શાદાનુવચનં નામ ત્રયોદશં વચનં સંપૂર્ણમ્

॥ ઇત્યેકોત્તરશતાધ્વર્યુશાખાપ્રભેદભિન્ને શ્રીયજુષિ કાઠકે ચરકશાખાયામશ્વમેધો નામ પઞ્ચમો ગ્રન્થઃ સંપૂર્ણઃ