કલ્પદ્રુમાવદાનમાલા · શ્લોક 461-480

તસ્મિંશ્ ચ સમયે બુદ્ધઃ કાશ્યપો નામ નાયકઃ
વિદ્યાચરણસંપન્નઃ સુગતો લોકવિજ્ જિનઃ ॥

શાસ્તા દેવમનુષ્યાણાં પુરુષદમ્યસારથિઃ
સર્વજ્ઞો ભગવાન્ નાથઃ ષડભિજ્ઞો મુનીશ્વરઃ ॥

વારાણસીમ્ ઉપાશ્રિત્ય મૃગદાવે જિનાશ્રમે
વ્યહરત્ સર્વસત્વાનામ્ સદ્ધર્મં સમુપાદિશન્* ॥

તસ્યૈવ શાસને શુદ્ધે સ્વાખ્યાતે ધર્મવૈનયે
અયં પ્રવ્રજિતો ભૂત્વા મહાદાતાપ્ય્ અભૂત્ તદા ॥

દશ વર્ષસહસ્રાણિ બ્રહ્મચર્યમ્ અપાલયત્*
પ્રણિધાનં તથા ચાયમ્ અકરોદ્ બ્રહ્મવિત્તમઃ ॥

અનેન કુશલેનાહં ભવેયં બૌદ્ધસદ્યતિઃ
યો ઽસૌ ભગવતાનેન કાશ્યપેન સુતાયિના ॥

માણવ ઉત્તરો નામ વ્યાકૃત ઇતિ બોધયે
માણવ ત્વં પ્રજાનાં તુ યદા વર્ષશતાયુષિ ॥

શાક્યમુનિર્ મહાબુદ્ધઃ સર્વજ્ઞો લોકનાયકઃ
સંબુદ્ધો ભગાવન્ નાથસ્ તથાગતો ભવિષ્યસિ ॥

અસ્યૈવ શસને ચાહં ભવેયં શ્રાવકોત્તમઃ
અર્હતામ્ અગ્રસંપ્રાપ્તો ભૂત્વારણાવિહારિણામ્* ॥

તેનૈવ કર્મણા ચાદ્ય પ્રવિષ્ટો મમ શાસને
અર્હતાં જ્યેષ્ઠતાં પ્રાપ્તસ્ તથારણાવિહારિણામ્* ॥

કાનિ પુનર્ અનેનૈવ કર્માણિ પ્રકૃતાન્ય્ અપિ
યેનૈવ નાગયોનૌ ચ સમુત્પન્નો બભૂવ સઃ ॥

યત્ તઃ ક્લેશાપ્રહીણત્વાદ્ ઉદ્ભ્રાન્તેન્દ્રિયચેતસા
શૈક્ષાશૈક્ષગાણાનાં ચ ભિક્ષૂણાં બ્રહ્મચારિણામ્* ॥

અનેન રુષ્ટચિત્તેન પરુષાબદ્ધચેતસા
ચિત્તાનિ સંપ્રદૂષ્યૈવ વિકલાનિ કૃતાન્ય્ અપિ ॥

સદાશીવિષવાદેન વિક્રુશ્યાભાણિ સાંઘિકે
તેનૈવ પાતકેનૈવં પઞ્ચ જન્મશતાન્ય્ અપિ ॥

નાગયોનિસમુત્પન્નો બભૂવાયં મહાવિષઃ
યચ્ ચાનેન પુનસ્ તત્ર પ્રવ્રજ્ય બુદ્ધશાસને ॥

સદા દાનાનિ સંદત્વા બ્રહ્મચર્યં ચ પાલિતમ્*
તેનેદાનીં તથાર્હત્વં પ્રાપ્ય સાક્ષાત્કૃતં મુદા ॥

અરણાવિહારિણાં ચાગ્રો નિર્દિષ્ટો ઽયં મયા ખલુ
ઇતિ હિ ભિક્ષવો યૂયં જાનીધ્વં કર્મતાફલમ્* ॥

યેનૈવ યત્ કૃતં કર્મ તસ્યૈવ તત્ ફલં ધ્રુવમ્*
ન નશ્યન્તિ હિ કર્માણિ કલ્પકોટિશતૈર્ અપિ
સામગ્રીં પ્રાપ્ય કાલં ચ ફલન્તિ ખલુ દેહિનાં ॥

અભુક્તં ક્ષીયતે નૈવ કર્મ ક્વાપિ કથંચન
નાગ્નિભિર્ દહ્યતે કર્મ વાયુભિર્ નાપિ શુષ્યતિ
ઉદકૈઃ ક્લિદ્યતે નૈવ ભૂમિષ્વ્ અપિ ન નશ્યતિ ॥

અન્યથાપિ ચ નો ભૂતા સર્વથા કર્મણાં ગતિઃ
શુક્લાનાં શુક્લતા નિત્યં કૃષ્ણાનાં કૃષ્ણતા ખલુ
મિશ્રતૈવ તુ મિશ્રાણાં ષડ્ગતૌ ભુજ્યતે ધ્રુવમ્* ॥