કલ્પદ્રુમાવદાનમાલા · શ્લોક 341-360

અદ્યાપિ ચેત્ તથા ચાત્ર વસેયં જનપદાશ્રમે
કેનચિત્ ક્લેશિતશ્ ચાહં ભ્રષ્ટિમ્ એવમ્ અવાપ્નુયામ્* ॥

ઇતિ નિશ્ચિત્ય ચિત્તેન સુભૂતિર્ નિરહંકૃતિઃ
વિવિક્તે ઽરણ્યવાસે સ નિઃસઙ્ગો ન્યવસત્ સુધીઃ ॥

તથૈકાકી વસંસ્ તત્ર ચતુર્થધ્યાનસંયુતઃ
ફલમૂલામ્બુસંતુષ્ટો બ્રહ્મચારી મુમોદ સઃ ॥

અથ સઙ્ગે ઽપિ ગ્રામેષુ દેશે જનપદેષુ ચ
ભિક્ષાહેતોર્ વિહર્તું વા સ સકામો ઽભવદ્ યદા ॥

તદા પૂર્વમ્ અસૌ દૃષ્ટ્વા ગોચરમ્ અભ્યલક્ષયત્*
અહો દેશેષુ સર્વત્ર ભવન્તિ નિર્ગુણા જનાઃ ॥

માનિનો મદમોહાન્ધા દુષ્ટા મત્સરિણઃ શઠાઃ
તત્ કથં સંચરિષ્યે ઽત્ર ભિક્ષાહેતોઃ કુલે કુલે ॥

દૂષયિષ્યન્તિ ચિત્તાનિ કેચિદ્ દૃષ્ટ્વૈવ માં યતિમ્*
યદ્ ધેતોર્ જનાશ્ ચૈવં ભ્રમન્તિ દુર્ગતિષ્વ્ અપિ ॥

કલ્પકોટિસહસ્રાણિ નૈવ મુક્તાશ્ ચ દુર્ગતેઃ
તદ્ અહં સર્વસત્વેષુ કુન્તપિપીલિકાદિષુ ॥

દયાચિત્તં સમાલમ્બ્ય વસેયં ધ્યાનસંરતઃ
યેનૈવં સર્વસતાનાં ભવેચ્ ચિત્તં પ્રસાદિતમ્*
તમ્ એવ ધર્મમ્ આધ્યાય યતિર્ મોક્ષમ્ અવાપ્નુયાત્* ॥

ઇતિ સંનહ્ય ચિત્તેન સ સુભૂતિઃ સુબુદ્ધિમાન્*
વિવિક્તે ઽરણ્યદેશે ઽપિ ન્યવસદ્ ધ્યાનસંરતઃ ॥

અથ સો ઽર્હંસ્ ત્રિમાસાનામ્ અત્યયાદ્ બોધિમાનસઃ
ઇત્ય્ એવં ચિન્તયામાસ લોકાનુગ્રહકારણાત્* ॥

કિમ્ અત્ર ધ્યાનસંલીનઃ કરોમિ લોકબોધનમ્*
કિયત્ કાલં ચ જીવેયં કાષ્ઠપાષાણવત્ સ્થિતઃ ॥

કેવલં સ્વમનસ્ તુષ્ટ્યૈ ધ્યાનં સૌખ્યાર્થસાધનમ્*
સુખં લબ્ધ્વાપિ કિં સારં સત્વાનુગ્રહણં વિના ॥

તસ્માદ્ ધ્યાનાત્ સમુત્થાય સત્વાનુગ્રહકારણાત્*
ઋદ્ધિં પ્રદર્શ્ય સંબોધૌ સ્થાપયિષ્યે મહજ્જનાન્* ॥

ઇતિ નિશ્ચિત્ય ચિત્તેન સ સુભૂતિઃ સમૃદ્ધિમાન્*
સત્વાનાં વિનયાર્થેન પ્રાતિહાર્યમ્ અદર્શયત્* ॥

તદૃદ્ધિનિર્મિતાન્ય્ એવ ગરુડાનાં મહૌજસામ્*
પઞ્ચ કુલશતાન્ય્ અત્ર પ્રસસ્રિરે સમન્તતઃ ॥

એતાંશ્ ચ ગરુદાન્ દૃષ્ટ્વા નાગાઃ સંત્રસિતાસ્ તતઃ
ઇતસ્ તતઃ સમુદ્ભ્રાન્તાઃ સુભૂતેઃ શરણં યયુઃ ॥

અથ સ્વર્દ્ધિબલેનૈવ સમાશ્વાસ્ય સુભૂતિના
સર્વે નાગાઃ સુપર્ણેભ્યઃ પરિત્રાતાશ્ ચ સર્વતઃ ॥

પુનસ્ તેન સુપર્ણાનાં વિનયાર્થં સુભૂતિના
સ્વર્દ્ધિવલપ્રભાવેણ મહાન્ નાગો વિનિર્મિતઃ ॥

તેનાપ્ય્ એવં સુપર્ણાનાં પઞ્ચ કુલશતાનિ ચ
અભિદ્રુતાનિ નાગેન સમન્તત ઇતસ્ તતઃ ॥