કાલિકાપુરાણમ્ · અધ્યાય 74
॥ ચતુઃસપ્તતિતમોઽધ્યાયઃ ॥
॥શ્રીભગવાનુવાચ॥
યા યોનિમુદ્રા કથિતા મુદ્રાવિભજને પુરા।
અષ્ટધા યોનિમુદ્રા સ્યાત્ પ્રથમા સા તુ કીર્તિતા
દ્વિતીયા ખેચરી મુદ્રા કામાખ્યાયાસ્તુ ભૈરવ।
તાં વિદ્ધિ ચાદ્ભુતં ગુહ્યં યેન તુષ્યતિ ચણ્ડિકા
અનામિકાં દક્ષિમસ્ય તર્જન્યાં વામતો ન્યસેત્।
વામાનામાં દક્ષિણસ્ય તર્જન્યાં વિનિવેશયેત્
તે દ્વે તથા તર્જનીભ્યાં વેષ્ટયેદગ્રતોઽગ્રતઃ।
મધ્યે દ્વયં તુ વિન્યસ્ય ચોર્ધ્વભાગે ત્વનામયોઃ
તદગ્રાગ્રેણ સંયોગાત્ તથૈવ ચ કનિષ્ઠિકે।
અગ્રેણૈવ ચ સંયુક્તે તન્મૂલેઽઙ્ગુષ્ઠકે ન્યસેત્
ઇયં તે ખેચરી યોનિર્યોનિમુદ્રા તુ કામદા।
એષૈવાધઃ કનિષ્ઠે દ્વે નિયોજ્ય યદિ યુજ્યતે
ગુહ્યયોનિસ્તુ સા ખ્યાતા કામેશ્વર્યાસ્તુ તુષ્ટિદા।
સંવેષ્ટ્ય પૂર્વવત્ પાણ્યોર્દ્વે કનિષ્ઠે ત્વનામિકે
અધોભાગે નિયોજ્યાથ મધ્યમે ચોર્ધ્વતસ્તથા।
તાસાં પરસ્પરશ્ચાગ્રૈરન્યોઽન્યં યોજયેદ્ યદિ
મધ્યાં મધ્યે તથાઙ્ગુષ્ઠે નિઃક્ષિપ્યાગ્રે નિયોજયેત્।
યોનિસ્ત્રિશાઙ્કરી પ્રોક્તા ત્રિપુરા તુષ્ટિદા સદા
મધ્યે દ્વે ચ તથા વેષ્ટ્યા પૂર્વવચ્ચાપ્યનામિકા।
કનિષ્ઠાભ્યાં પુરો ન્યસ્ય અઙ્ગુષ્ઠૌ મૂલયોસ્તયોઃ
મુદ્રેયં શારદી પ્રોક્તા શારદાયાસ્તુ તુષ્ટિદા।
મૂલયોનિસ્તુ કથિતા વૈષ્મવીતન્ત્રગોચરે
તર્જન્યનામિકં મધ્યે કનિષ્ઠેઽપિ ક્રમાદપિ।
કરયોર્યોજયિત્વૈવ કનિષ્ઠામૂલદેશતઃ
અઙ્ગુષ્ઠાગ્રં તુ નિઃક્ષિપ્ય મહાયોનિઃ પ્રકીર્તિતા।
અઙ્ગુષ્ઠૌ ચાથ સંવેષ્ઠ્ય સંયુજ્યાથ કરાઙ્ગુલીઃ
અગ્રભાગૈર્મધ્યશૂન્યં તત્ર કુર્યાત્ કરદ્વયમ્।
ઇયં તુ યોગિનીયોનિર્યોગિનીનાં પ્રિયંકરી
એતા અષ્ટૌ સમાખ્યાતા યોન્યઃ કામેશ્વરીપ્રિયાઃ।
મૂર્તિભેદેન ચાન્યેષાં દેવાનામપિ તુષ્ટિદાઃ
યાત્રાયાં યુદ્ધવિષયે વાગ્વાદે કલહે તથા।
અષ્ટૌ યોન્યઃ સ્મરેદ્ યસ્તુ જયસ્તસ્ય સનાતનઃ
વિસર્જને પૂજને ચ સ્મરણે કર્મભેદતઃ।
એતા યોન્યઃ સમાખ્યાતાશ્ચણ્ડિકાપૂજનેષુ ચ
એતાસ્તુ કથિતા યોન્યઃ ક્રમાત્ ક્રમવિસર્જને।
રહસ્યં વામદાક્ષિણ્યં મન્ત્રશુદ્ધિં શૃણુષ્વ મે
મન્ત્રેણ ક્રિયતે યત્ તુ શારીરં મન્ત્રમુત્તમમ્।
તદ્રહસ્યમિતિ પ્રાહુર્મન્ત્રેષુ મન્ત્રકોવિદાઃ
કામાખ્યાયાસ્તુ ષટ્કોણં મણ્ડલસ્ય દલાન્તરે।
ત્રિધા લિખેન્મૂલમન્ત્રમૂર્ધ્વં ત્રિષ્વપિ સન્ધિષુ
અધસ્ત્રિસન્ધિષુ પુનર્વિધિં શક્રં હરં તથા।
સહિતં મદનેનૈવ લિખેદ્ ભૂર્જત્વચિ ત્રિધા
તન્તુમાદાય સાહસ્રં દક્ષિણેન કરેણ વૈ।
માલામપિ સામાદાય સંજપુદુત્તરામુખઃ
તદ્ભુજે દક્ષિણે ધાર્યં બાહૌ વા સાધકોત્તમૈઃ।
જપાન્તે લિખિતં યન્ત્રં તેન સર્વજયી ભવેત્
દીર્ઘાયુઃ સર્વવશકૃદ્ધનધાન્યસમૃદ્ધિમાન્।
મૃતો દેવીગૃહે યાતિ યન્ત્રયન્ત્રિતબુદ્ધિમાન્
ષટ્કોણાનન્તરકૃતં વેષ્ટિતાષ્ટદલેષ્વથ।
લિખિત્વા ભૂર્જપત્રેષુ વિલીનૈર્યાવકોદકૈઃ
ઉત્તરાદિક્રમેણૈવ વૈષ્ણવીતન્ત્રસઙ્ગતાન્।
અષ્ટૌ વર્ણાન્મધ્યબાગે પૂર્વવત્ કામરાજકમ્
ત્રીન્ વર્ણાન્ નેત્રબીજસ્ય ત્રિકોણસ્યાગ્રતો લિખેત્।
એવં ત્રિધાકૃતં યન્ત્રં કૃત્વા વામકરે સ્થિતઃ
જપેત્ ત્રીણિ સહસ્રાણિ માલામાદાય દક્ષિણે।
જપાન્તે વૈષ્ણવીરૂપધ્યાનં કુર્યાદતન્દ્રિતઃ
પ્રાણાયામસહસ્રં તુ તતસ્તં લિખિતોત્તમમ્।
ગ્રીવાયાં ધારયેદ્ યન્ત્રં તેન સર્વજયી ભવેત્
રાજપુત્રો ભવેદ્રાજા તદન્યઃ સચિવો ભવેત્।
દ્વિજરાજો ભવેદ્ વિદ્વાન્ કવિર્વાગ્મી ચ વા ભવેત્
રાક્ષસેભ્યઃ પિશાચેભ્યો ભૂતેભ્યશ્ચાપિ ચાન્યતઃ।
સાધુ સંવિદ્યતે તસ્ય ન કદાચિત્ પરાજયઃ
દીર્ઘાયુર્બલવાન્ પ્રાજ્ઞો મૃતે મોક્ષમવાપ્નુયાત્।
સમ્પૂર્ણં મણ્ડલં કૃત્વા અષ્ટપત્રસમન્વિતમ્
ભૂર્જત્વચિ શ્રીફલસ્ય નિર્યાસૈસ્તસ્ય મધ્યતઃ।
ષટ્કોણં વિલિખેત્ તસ્ય પ્રાગગ્રેષ્વથ ત્રિષ્વપિ
વિલિખેત્ ત્રિપુરાવર્માનધો બીજં તુ નેત્રકમ્।
દલેષ્વષ્ટાસુ તુ પુનર્વૈષ્ણવીતન્ત્રસઙ્ગતાન્
અષ્ટૌ વર્ણાસ્તુ વિલિખેત્ તથા દ્વાર્ષુ ચતુષ્વૈપિ।
ષટ્કોણેષૂત્તરાકોણક્રમેણૈકાગ્રમાનસઃ
તદ્ધૃત્વા દક્ષિણકરે વૈષ્ણવીતન્ત્રમન્ત્રકમ્।
જપેત્ ત્રિર્ભિર્દિનૈરેવાયુતં સંયતમાનસઃ
પ્રાણાયામસહસ્રાણિ ત્રીણિ કૃત્વા તુ હર્ષિતઃ।
સન્ધ્યાકાલે નવમ્યાં તુ શીર્ષેણ ધારયેદ્ બુધઃ
શતાયુઃ સર્વદમનો મતિમાન્ પણ્ડિતોત્તમઃ।
બલવીર્યધનૈશ્વર્યુક્તઃ પાર્થિવ એવ વા
પ્રત્યક્ષતો મહામાયાં કામાખ્યાં ત્રિપુરામપિ।
નિત્યં પશ્યતિ મેધાવી મહોચ્છવાસાં ચ શારદામ્
સિંહવ્યાઘ્રૌ ભુજઙ્ગો વા યેઽન્યે વા તસ્ય હિંસકાઃ।
સર્વે તસ્ય તનું પ્રાપ્ય વિષીદન્તિ ન સંશયઃ
જયહેતુરતોઽન્યસ્માત્ સંગ્રામે શાસ્ત્રવાદતઃ।
ન વિદ્યતે ત્રિભુવને તસ્માત્ કુર્યાત્ તુ યન્ત્રકમ્
અન્તે દેવીગૃહં પ્રાપ્ય તતો મોક્ષમવાપ્નુયાત્।
મહામાયા શારદાખ્યા કામાખ્યા ત્રિપુરા તથા
મહોત્સાહા તથૈતેષાં મન્ત્રાણાં યો ગણો ભવેત્।
મણ્ડલં ચાષ્ટદલકં તન્મધ્યે વિલિખેત્ પુનઃ
લિખિત્વા પૂર્વવત્ પૂર્વં પ્રોક્તં મન્ત્રગણં સમમ્।
અન્યદ્વયં દ્વારદેશે કોષ્ઠેષ્વક્ષરતો લિખેત્
શુક્લકૌશૈયવસ્ત્રેષુ રસૈર્વહ્નિશિખસ્ય તુ।
ઉત્તરીયં તુ તદ્વસ્ત્રં કૃત્વા જપ્યં સમાચરેત્
કૃતોપવાસઃ શુદ્ધશ્ચ માતૃકાન્યાસપૂર્વકમ્।
પઞ્ચાનામપિ વર્ગાણાં સહસ્રાણિ તુ પંચ વૈ
દિવસૈઃ પઞ્ચભિર્જપ્ત્વા તદન્તે ચ સમાચરેત્।
પ્રાણાયામસહસ્રાણિ પંચ વૈ પંચભિર્દિનૈઃ
અન્તે તુ કવચન્યાસં કાત્યાયન્યાઃ સમાચરેત્।
તતસ્તુ માતૃકામન્ત્રૈઃ શ્વાસરોધનપૂર્વકમ્
ત્રિઃ પિબેત્ કપિલાક્ષીરં જાગૃવાંશ્ચ તદા નિશિ।
એવં યઃ કુરુતે યન્ત્રં શરીરે શુક્લવાસસા
સોઽત્ર સિદ્ધિમવાપ્નોતિ દેવીલોકં ચ ગચ્છતિ।
ય ઉત્તરીયં બિભૃયાદ્ વસ્ત્રં મન્ત્રેણ મન્ત્રિતમ્
નિત્યમેવ મહાભાગ પ્રભાવં તસ્ય વૈ શૃણુ।
ન તસ્ય દેહે શસ્ત્રાણિ પ્રવેક્ષ્યન્તિ કદાચન
નાગ્નિર્દહતિ તત્કાયં નાપઃ સંક્લેદયન્તિ ચ।
રાક્ષસાશ્ચ પિશાચાશ્ચ ભૂતાદ્યા યે તુ હિંસકાઃ
તે તં દૃષ્ટ્વા મહાભાગં ભુવં ગચ્છન્તિ વૈ ભિયા।
ગચ્છેદવારિતઃ સોઽપિ સર્વત્ર સાધકોત્તમઃ
વશીકરોતિ દેવાંશ્ચ નૃપાનન્યાશ્ચ યોષિતઃ।
ઉત્સહેત્ યદિ મેધાવી વાગ્મી રાજા ચ વૈ ભવેત્
ચિરજીવી મહાભાગો ધનધાન્યસમૃદ્ધિમાન્।
કવિઃ પ્રજ્ઞાસમાયુક્તઃ સોઽભેદ્યો જાયતેઽરિભિઃ
યસ્મિન્ પુરે સ નિવસેદ્ વજ્રપાતો ન તત્ર વૈ।
રસઃ શરીરં શસ્ત્રાણિ દૃઢહસ્તોજ્ઝિતાન્યપિ
એતં ન ઘ્નન્તિ સતતં જયઃ સર્વત્ર ભૈરવ।
અપરાધ્યન્તિ સતતં તસ્ય સર્વત્ર ભૈરવ
નાધયો વ્યાધયસ્તસ્ય જાયન્તે તુ કદાચન।
દેવીપુત્રઃ સ મતિમાન્ મૃતો મોક્ષમવાપ્નુયાત્
યન્ત્રતા સ્વામિના યન્ત્રં યા દધાતિ પતિવ્રતા।
પુત્રૈશ્વર્યમવાપ્નોતિ દીર્ઘાયુઃ સા વધૂર્ભવેત્
પ્રત્યેકમેકં સંહત્યાવર્ધનાસહિતેન ચ।
ક્રમાદ્ વિંશતિયન્ત્રાણિ કથિતાનિ મયેહ વૈ
તાનિ પ્રત્યેકતો બુદ્ધ્વા યો ન્યસેત્ સર્વદા હૃદિ।
લિખિત્વા સર્વયન્ત્રાણિ બિભૃયાદ્યોઽથ વા ગલે
દેવેન્દ્રો જાયતે સોઽત્ર પ્રભાવેણેહ ભૂતલે।
પૂર્વોક્તાનિ સમસ્તાનિ ફલાન્યાપ્નોતિ તત્ક્ષણાત્।
પિહિતઃ સર્વલોકાંસ્ત્રોન્નીત્યમેવ પ્રપશ્યતિ
એવં સાર્ધં યન્ત્રવર્ગૈઃ સમસ્તૈરષ્ટાભિર્યત્ પૂર્વમુક્તં સહસ્રમ્।
શુક્લે વસ્ત્રે સંલિખિત્વા સ્વદેહે ધૃત્વા નિત્ય પ્રાપ્નુયાદ્ વૈ સમસ્તમ્
યઃ ક્ષત્રજાતિર્હૃદયે સ કુર્યાત્।
સંગ્રામકાલે કવચેષ્ટધામ્નિ।
મન્ત્રાક્ષરાણ્યાદિકૃતાનિ દેવ્યા અષ્ટૌ બહિર્ગાત્રવિશેષતશ્ચ
ગલે હરિ વક્ષસિ વૈ લિખેદ્ વિધિં સ્તનદ્વયે પુત્રયુતં મહેશ્વરમ્ બાહ્વંગસન્ધ્યોશ્ચ હરં ચ વૈષ્ણવીં બાહ્વોસ્તુ લક્ષ્મીં ચ સરસ્વતીં ચ
એવં રણાષ્ટાઙ્ગમિદં વિધાય ગાત્રે સવર્મણ્યનુચિનતયેચ્છિવામ્।
લિખેલ્લલાટે તિલકાન્તરે નરઃ સમસ્તમન્ત્રાક્ષરયન્ત્રમુત્તમમ્
તતો જપેદષ્ટધા તુ પાણિં દત્ત્વાષ્ટધામસુ ચ।
વૈષ્ણવીતન્ત્રમન્ત્રં તુ તતો ગચ્છેદ્રણાજિરમ્
સ તુ વીરો મમ સમઃ સંગ્રામેષુ ચ જાયતે।
તૃણાનીવ પરાસ્ત્રાણિ જાયન્તેઽગ્નૌ તથાત્મનિ
વિનિઃસરન્તિ રિપવો યાચકા ધનિનો ધનમ્।
સિંહાગ્ર્યાન્નરશાર્દૂલો વીર્યવાન્ બલવાન્ ભવેત્
ઇદં રહસ્યં કથિતં કામાખ્યાયાસ્તુ ભૈરવ।
વૈષ્ણવ્યાસ્તન્ત્રમુખ્યેષુ ત્રિપુરાયાસ્તતઃ શુણુઃ
તસ્યાસ્તુ સર્વમન્ત્રાણિ ત્રયોદશયુતાનિ વૈ।
વિંશતિં તુ સહસ્રાણાં તત્રાદ્યં વાગ્ભવં સ્મૃતમ્
દ્વિતીયં કામરાજાખ્યં મોહનં ચ તૃતીયકમ્।
આમ્રેડિતં વાગ્ભવં તુ ચતુર્થં પરિકીર્તિતમ્
નેત્રબીજં દ્વિતીયં તુ દ્વિરુક્તં વાગ્ભવં તથા।
આદ્યં તત્પંચમં પ્રોક્તં ચતુર્ભિરપિ ચાક્ષરૈઃ
નેત્રબીજં દ્વિતીયં તુ પ્રથમં પરિકીર્તિતમ્।
દ્વિતીયં કામબીજં તુ તૃતીયં વાગ્ભવં તથા
એભિસ્ત્રિભિસ્તુ યન્મન્ત્રં તત્ ષષ્ઠં પરિકીર્તિતમ્।
નેત્રબીજં દ્વિતીયં તુ વાગ્ભવં તેન સપ્તમમ્
તદેવં વાગ્ભવાદ્યં તુ અષ્ટમં પરિકીર્તિતમ્।
વાગ્ભવં કામબીજં તુ નેત્રાભ્યાં નવમં સ્મૃતમ્
કામબીજં તથૈવાદ્યં દશમં ચૈવ મોહનમ્।
એકાદશમિદં પ્રોક્તં ડામરાદ્યં તુ વાગ્ભવમ્
દ્વાદશં કીર્તિતં મન્ત્રં શેષતસ્ત્રૈપુરં મહઃ।
તન્મહસ્ત્રૈપુરં મન્ત્રં શૃણુષ્વૈકમનાસ્ત્વિદમ્
પ્રાન્તાદિસ્તસ્ય ચાપ્યાદિર્વહ્નિર્વાગ્ભવસન્ધિતઃ।
આદ્યં ત્રિપુરભૈરવ્યા બીજમાદ્યં પ્રકીર્તિતમ્
ઉપાન્તશ્ચ તદાદિશ્ચ વહ્નિશેષસ્વરસ્તથા।
ચતુર્થસ્વરબિન્દ્વિન્દુયુતાશ્ચૈતત્ દ્વિતીયકમ્
ઉપાન્તશ્ચ તદાદિશ્ચ વહ્નિશેષસ્વરસ્તથા।
સમાપ્તિર્બિન્દુસહિતા સહિતસ્તુ તૃતીયકઃ
એતત્ તત્ત્વં વિજાનાતિ યો નરો ભુવિ ભૂમણિઃ।
સિદ્દવિદ્યાધરેભ્યસ્તુ સોઽધિકસ્તત્સમો ભવેત્
એતે ત્રયોદશ પ્રોક્તા મન્ત્રા મન્ત્રેષુ ચોજ્જ્વલાઃ।
વિંશતેસ્તુ સહસ્રેભ્યઃ પરાશ્ચૈતે પ્રકીર્તિતાઃ
વિંશતેસ્તુ સહસ્રાણામાદ્યમેતત્ પ્રકીર્તિતમ્।
ત્રિપુરાયાસ્તુ બાલાયા મન્ત્રં તચ્છૃણુ ભૈરવ
વાગ્ભવં કામરાજસ્તુ ઉપાન્તાદિઃ સબિન્દુકઃ।
શેષસ્વરસમાપ્તિભ્યાં મન્ત્રમેતત્ પ્રકીર્તિતમ્
એષા તુ ત્રિપુરા બાલા મધ્યા પ્રોક્તા પુરૈવ હિ।
શેષા તેજસ્વિની પ્રોક્તા યેયં ત્રિપુરભૈરવી
મધ્યાયાઃ પૂજનં પ્રોક્તં બાલાયાઃ શૃણુ સામ્પ્રતમ્।
તથા ત્રિપુરભૈરવ્યાઃ સર્વસિદ્ધિપ્રદાયકમ્
વિભિદ્ય શક્ત્યા શમ્ભું તુ શક્તિં ચાપિ વિભેદયેત્।
શમ્ભવે વર્ણષટ્કોણં કેશરં તત્ર સંલિખેત્
મધ્યાયાસ્ત્રિપુરાયાસ્તુ યાદૃશે દ્વારમણ્ડલે।
તાદૃશેઽત્રાપિ કર્તવ્યં કોણેષુ લિખિતં તથા
પાપોત્સારણકર્માણિ ભૂમ્યાદીનાં વિશોધનમ્।
પૂર્વમુત્તરતન્ત્રોક્તં ત્રિપુરાપીઠભાષિતમ્
કામાખ્યાપૂજને પ્રોક્તં સર્વં કુર્યાત્ તુ સાધકઃ।
દહનપ્લવનાદીનિ પ્રતિપત્તિં ચ પાત્રકે
સર્વં તુ પૂર્વવત્ કાર્યં કામાખયાપૂજને યથા।
કૃત્વાઽત્ર દેહન્યાસં તુ મન્ત્રવર્ણૈસ્તથાક્ષરૈઃ
સર્વૈઃ સ્વરૈસ્તથા કાદ્યૈસ્તતો રૂપં વિચિન્તયેત્।
ચતુર્ભુજાં રક્તવર્ણાં રક્તવસ્ત્રવિભૂષિતામ્
દક્ષિણોર્ધ્વે સ્રજં ચાધો બિભ્રતીં પુસ્તકોત્તમમ્।
અભયં વામહસ્તાભ્યાં વરં ચ દધતીં તથા
સહસ્રસૂર્યસંકાશાં ત્રિનેત્રાં ગજગામિનીમ્।
પીનતુઙ્ગસ્તનયુગં સિતપ્રેતાસનસ્થિતામ્
સ્મિતપ્રસન્નવદનાં સર્વાલંકારસંયુતામ્।
તિસૃભિર્મુણ્ડમાલાભિઃ શિરોવક્ષઃ કટીષુ ચે
ત્રિગુણાં ત્રિગુણીભૂતૈઃ પ્રત્યેકમ પરિભૂષિતામ્।
મદિરાઘૂર્ણનયાનાં રક્તદન્તતચ્છદદ્વયામ્
ચિન્તયેદ્ વરદાં દેવીમેવં ત્રિપુરભૈરવીમ્।
બાલાયાસ્ત્રિપુરાયાસ્તુ રૂપં પૂર્વં પ્રપૂજને
ઉક્તઃ ક્રમઃ પીઠયોગે તન્ત્રાદિ શૃણુ ભૈરવ।
પુષ્પબાણાંસ્તુ પાશં ચ ધત્તે પૌષ્પં શરાસનમ્
પાશં ચ કુણપારૂઢા સા બાલા ત્રિપુરા સ્મૃતા।
મન્મથે ત્રિપુરે દેવીં વિદ્યહે પદમાદિતઃ
કામેશ્વરીં ધીમહિ ત્વાં તન્નઃ ક્લિન્ને પ્રચોદયાત્।
એષા ત્રિપુરગાયત્રીત્યાવાહનવિશેષતઃ
સ્નાનાદ્યૈઃ પૂજયેત્ સમ્યગ્ બાલામન્યાં ચ ભૈરવીમ્।
અસ્યાઃ ક્રમે વિશેષો યો ન્યાસે ચોત્તરકર્મણિ
તત્સર્વં સહ મન્ત્રૈઘૈઃ શૃણુ વેતાલ ભૈરવ।
બ્રાહ્મે મુહૂર્તે ઉત્થાય ચિન્તયેત્ પરમં ગુરુમ્
તતોઽનુ સ્વગુરું શુદ્ધં તતસ્ત્રિપુરભૈરવીમ્।
ચતુર્ભુજાં શુક્લવર્ણાં વરદાભયપુસ્તકામ્
અક્ષમાલાં ચ ક્રમતો ધત્તે વામે ચ દક્ષિણે।
સુવર્ણરત્નખચિતે સંસ્થિતાં પ્રવરાસને
સૌવર્ણમુત્તરીયં તુ ધત્તે સૌવર્ણકુણ્લે।
સ્વગુરું વર્ણતો ધ્યાનાત્ તથૈવ પરિચિન્યતે
ભૈરવીં ચિન્તયિત્વા તુ તત ઉત્થાય ચાચરેત્।
મૈત્રમાચમનં ચૈવ દન્તાનાં શોધનં તથા
પ્રાતઃસ્નાનં તતઃ કુર્યાત્ ત્રૈપુરં યોજયન્ ક્રમમ્।
સર્વત્ર દેવીમન્ત્રેષુ વૈદિકેષ્વપિ ભૈરવીમ્
ત્રિપુરાં ચિન્તયેન્નિત્યં દેવમન્ત્રેષુ ચ ક્રમાત્।
ત્રિભિસ્તુ ત્રિપુરાબીજૈસ્ત્રિધા મજ્જનમાચરેત્
દેવાનામપિ સર્વેષુ ભૈરવેષુ પદં સદા।
કુર્યાદ્ વિશેષણં નિત્યં નોચ્ચાર્યં નિર્વિશેષણમ્
આપઃ પુનન્તુ પૃથિવીમુક્ત્વા ત્રિપુરભૈરવીમ્।
કુર્યાદાચમનં વિપ્રો દ્રુપદાયાં તથાચરેત્
ઇદં વિષ્ણુર્ભૈરવસ્તુ વિચક્રમ ઇતીરિતમ્।
મૃદાલમ્ભનકૃત્યેષુ નિત્યમેવાપ્યુદીરયેત્
ગાયત્રીં ત્રિપુરાદ્યાં તુ ભૈરવીમાહ્વયેચ્છિવામ્।
માર્તણ્ડભૈરવાયેતિ સૂર્યાયાર્ઘ્યં નિવેદયેત્
ઉદ્ત્યં જાતવેદસં દેવં વહન્તિ કેતવઃ।
દૃશે વિશ્વાય સૂર્યં શેષે ભૈરવમીરયેત્
તર્પણાદૌ પ્રયુંજીત તૃપ્યતાં બ્રહ્મભૈરવઃ।
આવાહને સ્વયં પિતૃન્ ભૈરવાનિતિ કીર્તયેત્
તૃપ્યતાં ભૈરવીમાતઃ પિતર્ભૈરવ તૃપ્યતામ્।
આદૌ ચ ત્રિપુરાપૂર્વં તર્પણેઽપિ પ્રયોજયેત્
જ્યોતિષ્ટોમાશ્વમેધાદૌ યત્ર યં યં પ્રપૂજયેત્।
તત્ર ભૈરવરૂપેણ દેવીમપિ ચ ભૈરવીમ્
મદિરાપાત્રમાલોક્ય રક્તવસ્ત્રાં સ્ત્રિયં તથા।
શિરો નરસ્ય દૃષ્ટ્વા તુ ભૈરવીં ચિન્તયેદ્ દ્વિજઃ
સ્ત્રિયો દૃષ્ટ્વા હ્યથૈકત્ર યુવતીઃ સુમનોહરાઃ।
તાભ્યસ્ત્રિપુરભૈરવ્યાઃ પ્રીતયે વન્દનાદિકમ્
દદ્યાદ્ ભક્ત્યા તુ મનસા ચિન્તયન્નથ ભૈરવીમ્।
ભૈરવીં પ્રતિગૃહ્ણામિ ભૈરવોઽહં પ્રતિગ્રહી
કન્યાયાં ભાવયેદ્ ધીમાંસ્ત્રિપુરાયાઃ પ્રપૂજકઃ।
ભૈરવાય દદામ્યદ્ય દેવીં ત્રિપુરભૈરવીમ્
ઇતીરયેત્ પ્રદાનં તુ કન્યાયાસ્ત્રિપુરાં તતઃ।
તસ્યાઃ પૂજોપકરણપાત્રાદિ નાન્યપૂજને
આસવાદ્યં ચ સતતં નોપયોજ્યં કદાચન।
સકૃત્ તુ દાપયેદન્યૈર્મદિરાં સાધકો દ્વિજઃ
શૂદ્રાદયસ્તુ સતતં દદયુરાસવમુત્તમમ્।
એવં તુ વામભાવેન યજેત્ ત્રિપુરભૈરવીમ્
બાલાં તુ વામદાક્ષિણ્યમાર્ગાભ્યામપિ પૂજયેત્।
શ્મશાનભૈરવીં દેવીમુગ્રતારાં તથૈવ ચ
ઉચ્ચિષ્ટભૈરવીં જણ્ડીં તથા ત્રિપુરભૈરવીમ્।
એતાસ્તુ વામભાવેન પૂજ્યા દક્ષિણતાં વિના
ઋષીન્ દેવાન્ પિતૃશ્ચૈવ મનુષ્યાન્ ભુતસઞ્ચયાન્।
યજેત્ પંચભિર્યજ્ઞૈરૃણાનિ પરિશોધયેત્
વિધિવત્ સ્નાનદાનાભ્યાં કુર્વન્ યદ્વિધિપૂજનમ્।
ક્રિયતે સરહસ્યં તુ તદ્દાક્ષિણ્યમિહોચ્યતે
સર્વે ચ પિતૃદેવાદૌ યસ્માદ્ ભવતિ દક્ષિણઃ।
દેવી ચ દક્ષિણા યસ્માત્ તસ્માદ્ દક્ષિણ ઉચ્યતે
યા પુનઃ પૂજ્યમાના તુ દેવાદીનાં ચ પૂર્વતઃ।
યજ્ઞભાગં સ્વયં ધત્તે સાવામા તુ પ્રકીર્તિતા
પૂજકોઽપિ ભવેદ્ વામસ્તત્રૈવ સતતં સુત।
પંચયજ્ઞાન્ ન વા કુર્યાદ્ યદ્ વામ્યપ્રપૂજને
અન્યસ્ય પૂજાભાગં હિ યતો ગૃહ્ણાતિ વાપિકા।
યત્પૂજયેદ્વામભાવૈર્ન તત્ સ્યાદૃણશોધનમ્
પિતૃદેવનરાદીનાં જાયતે ચ કદાચન।
સોઽભ્યસ્ય ત્રિપુરાયોગં તેન યોગેન સંયુતઃ
જાયતે યદિ સુપ્રાજ્ઞસ્તદા મોક્ષમવાપ્નુયાત્।
સ ચ મોક્ષશ્ચિરેણૈવ જાયતેઽત્ર પુનઃ પુનઃ
ઋણાશોધનજૈઃ પાપૈરાક્રાન્તશ્ચૈવ ભૈરવ।
ઇહ લોકે સુખશ્વૈર્યયુક્તઃ સર્વત્ર વલ્લભઃ
મદનોમકાન્તેન શરીરેમ વિરાજતા।
સરાષ્ટ્રકં ચ રાજાનં વશીકૃત્ય સમન્તતઃ
મોહયન્ વનિતાઃ સર્વાઃ સર્વાશ્ચ મદવિહ્વલાઃ।
સિંહાન્ વ્યાઘ્રાન્ સ્તરક્ષૂંશ્ચ ભતપ્રેતપિશાચકાન્
વશીકુર્વન્ વિચરતિ વાયુવેગોદ્યતસ્તતઃ।
બાલાં વા ત્રિપુરાં દેવીં મધ્યાં વાપ્યથ ભૈરવીમ્
યો યજેત્ પરયા ભક્ત્યા યશ્ચ બાણોપમાકૃતિઃ।
કામેશ્વરીં તુ માકાક્યાં પૂજયેત્ તુ યથેચ્છયા
દાક્ષિણ્યાદ્ વામભાવાદ્ વા સર્વથા સિદ્ધિમાપ્નુયાત્।
મહામાયાં શારદાં ચ શૈલપુત્રીં તથૈવ ચ
યથા યથા પ્રકારેમ દાક્ષિણ્યાદેવ પૂજયેત્।
યો દાક્ષિણ્યં વિના ભાવં મહામાયાં સમર્ચતિ
સ પાપઃ સ્વર્ગલોકેભ્યશ્ચ્યુતો ભવતિ રોગધૃક્।
અન્યાસ્તુ શિવદૂત્યાદ્યા દેવ્યો યાઃ પૂર્વમીરિતાઃ
તાસ્તુ વાં પાન્તુ દાક્ષિણ્યાત્ પૂજિતવ્યાસ્તુ સાધકૈઃ।
કિન્તુ યઃ પજકો વામઃ સોઽન્યાસાં પરિવર્જિતઃ
સર્વાસાં પૂજકઃ સ્યાત્ તુ દક્ષિણસ્તેન ઉત્તમઃ।
અથ ત્રિપુરભૈરવ્યા ન્યાસં ચ શૃણુ ભૈરવ
યેન વૈ ન્યાસમાત્રેણ દેવવજ્જાયતે નરઃ।
ભૈરવીતન્ત્રમન્ત્રસ્ય ઋષિર્દક્ષિમ ઉચ્યતે
છન્દઃ પંક્તિઃ સમાખ્યાતા દેવી ત્રિપુરભૈરવી।
કામાર્થયોઃ સાધને ચ વિનિયોગઃ પ્રકીર્તિતઃ
હકારં વિન્યસેન્નાભૌ સકારં વસ્તિતો ન્યસેત્।
વકારં શેફે વિન્યસ્ય એકારં ચ ગુદે તથા
પુનરૂર્વોસ્તથૈવાદ્યં જાનુયુગ્મે દ્વિતીયકમ્।
તૃતીયં જઙ્ઘયોર્ન્યસ્ય ચતુર્થ પાદયોર્ન્યસેત્
ત્રિવુધં વિન્યસેદ્ દેવં નાભ્યાદેઃ પાદસઙ્ગતમ્।
દ્વિતીયસ્ય તુ બીજસ્ય આદ્યં તૃતીયં હ્યદ્યેવ વિન્યસેત્
વામે સ્તને દ્વીતીયં તુ તૃતીયં દક્ષિમ સ્તને।
ચતુર્થમુદરે ન્યસ્ય પંચમં પાર્શ્વયોર્ન્યસેત્
ષષ્ઠં નાભૌ પરિન્યસ્ય ન્યસેચ્ચાપિ ત્રિધા ત્રિધા।
તૃતીયસ્ય તુ બીજસ્ય મૂર્ધ્નિ ચાદ્યં તુ વિન્યસેત્
દ્વિતીયં ન્યસ્ય કેશાન્તે તૃતીયં વદને ન્યસેત્।
ચતુર્થં હૃદયે ન્યસ્ય યથા સ્યાત્ તુ ત્રિધા ત્રિધા
આદ્યાદ્યં દક્ષિણાઙ્ગુષ્ઠે દ્વિતીયં તર્જનીં પુનઃ।
તૃતીયં ચ મધ્યમાયામનામાયાં ચતુર્થકમ્
દ્વિતીયાદ્યં કનિષ્ઠાયાં વામાઙ્ગુષ્ઠે દ્વિતીયકમ્।
તૃતીયં વામતર્જન્યાં ચતુર્થં મધ્યમાતનૌ
આનામાયાં પંચમં તુ ષષ્ઠં શેષે તુ વિન્યસેત્।
એવં ત્રિધા તુ વિન્યસ્ય દ્વિતીયમથ બીજકમ્
ઉભયોર્હસ્તયોઃ કૃત્વા અઙ્ગુષ્ઠાદ્યં યુગં યુગમ્।
તૃતીયં બીજવર્ણાંસ્તુ વિન્યસેત્ ક્રમતો બુધઃ
પિણ્ડિતં સર્વબીજં તુ વિન્યસેત્ તુ કનિષ્ઠયોઃ।
આદ્ય તુ તલયોર્ન્યસ્ય પૃષ્ઠયોશ્ચ દ્વિતીયકમ્
તાલત્રયં તતો દત્ત્વા તૃતીયેન તુ વેષ્ટનમ્।
કર્ણયોશ્ચિબુકે ગણ્ડે મુખે દૃઙ્નાસયોસ્તથા
સ્કન્ધયોશ્ચ કફોણૌ ચ જઠરે શિશ્નમૂર્ધનિ।
પાદયોઃ પાર્શ્વયોશ્ચૈવ હૃદયે સ્તનયુગ્મકે
કણ્ઠદેશે ચ ન્યસ્તવ્યા મન્ત્રવર્ણક્રમાત્ પુનઃ।
લિઙ્ગે રત્યૈ નમ ઇતિ વાગ્ભવાદ્યેન વિન્યસેત્
ૐ ક્લીં પ્રીત્યૈ નમ ઇતિ હૃદયે વિન્યસેત્ તતઃ।
મનોભવાયેતિ તતો ભ્રુવોર્મધ્યે તૃતીયકમ્
વિન્યસેત્ ત્રિપુરાબીજં સદ્યો દેવત્વસિદ્ધયે।
ૐ ઈં ઈશાનરૂપાય તતો મનોભવાય વૈ
નમ ઇત્યન્તતઃ પ્રોક્તો મૂર્ધ્નીશાનં ન્યસેત્ પુનઃ।
વક્ત્રે તત્પુરુષં ચાપિ બીજેન મકરધ્વજમ્
હૃદયે ઘોરકન્દર્પમાદ્યબીજેન વૈ ન્યસેત્।
શિશ્ને વા વામદેવં તુ મન્મથં ચાપિ વિન્યસેત્
સદ્યોજાતં પાદદ્વયે કામદેવં ચ વિન્યસેત્।
ૐકારં ચ હકારં ચ રેફમેકત્ર સન્ધિતમ્
પ્રાન્તસ્વરં વાગ્ભવાદ્યં સ્વરૈર્હ્રસ્વૈસ્તુ પઞ્ચભિઃ।
એભિસ્તુ પઞ્ચભિર્મન્ત્રૈરીશનાદીનિ વિન્યસેત્
વક્ત્રાણિ પૂર્વમુક્તાનિ સ્વમુખોર્ધ્વે તુ પૂર્વતઃ।
દક્ષિણોત્તરયોઃ પશ્ચાત્ પશ્ચિમે ચાપિ વિન્યસેત્
હૃદયાદિષડઙ્ગાનિ દીર્ઘૈરાદ્યસ્વરૈઃ પુનઃ।
ન્યસેત્ તતઃ પ્ઞબાણાન્ મૂર્ધાદિષ્વથ વિન્યસેત્
ૐ હ્રીં ક્લીં સૌં દ્રાવણાય ન્યસેન્યમૂર્ધ્નિ તતઃ પુનઃ।
ૐ હ્રીં ક્ષોભણબાણાય પદ્ભ્યાં નમ ઇતીરયેત્
ૐ ક્લીં ક્લીં હ્રીં સમાપ્યન્તુ ષટ્કારાન્તાર્ધચન્દ્રકૈઃ।
વક્ત્રેવશીકૃતં લિઙ્ગે સમ્મોહનમથો ન્યસેત્
આકર્ષણં તથા બાણં હૃદિ મન્ત્રૈઃ ક્રમાન્ન્યસેત્।
વાગ્ભવાદ્યન્તકારાન્તો વષટ્કારસમન્વિતઃ
ત્રિઃશેષસ્વર એવાત્ર ચન્દ્રાર્ધો બિન્દુસંયુતઃ।
એભિસ્તુ પઞ્ચભિર્મન્ત્રૈરષ્ટશક્તીઃ ક્રમાદિમાઃ
એતેષુ ચાષ્ટસ્થાનેષુ વિન્યસેન્મન્ત્રવિત્ પુનઃ।
સુભગાં ચ ભગાં દેવીં તૃતીયાં ભગરૂપિણીમ્
ભગમાલાં ચતુર્થીં તુ અનઙ્ગકુસુમાં તતઃ।
અનઙ્ગમેખલાં પશ્ચાદનઙ્ગમદનાં તથા
અષ્ટમીં ચ તથા દેવીં મદવિભ્રમમન્થરામ્।
રૂપતો ધ્યાનતશ્ચૈતા યથા ત્રિપુરભૈરવી
લલાટભ્રૂમધ્યભાગમુખર્ણાન્તકણ્ઠકે।
હૃન્નાભિલિંગેષ્વેવાત્ર ન્યસ્તવ્યા અષ્ટશક્તયઃ
શિરોલલાટભ્રૂયુગ્મકર્ણનેત્રદ્વયેષુ ચ।
ગણ્ડયોરથ નાસાયાં દન્તવીથ્યાં મુખે તથા
ચતુર્દશપદેષ્વેષુ ન્યસેચ્ચતુર્દશસ્વરાન્।
ચિબુકે ત્વથ ગ્રીવાયાં કણ્ઠેદેશે તુ પાર્શ્વયોઃ
સ્તનયોઃ કક્ષયોશ્ચાપિ કફોણ્યોર્હસ્તયોસ્તથા।
તત્ પૃષ્ઠયોસ્તથા નાભૌ લિઙ્ગે ચોરુદ્વયે તથા
અષ્ઠીવતોર્જઙ્ઘયોસ્તુ સ્ફિચોસ્તુ પદમૂલયોઃ।
ચરણાઙ્ગુષ્ઠયોઃ કાદિમાત્રાન્ વર્ણાસ્તુ વિન્યસેત્
મેખલાયાં કણ્ઠદેશ બાહુભૂષણભાગતઃ।
હારે સ્રજિ કુણ્ડલે ચ કેશબન્ધે તથૈવ ચ
ચૂડામણૌ ચ ન્યસ્તવ્યા યકારાદ્યાઃ ક્રમાત્પુનઃ।
મન્ત્રાક્ષરાણિ ત્રીણ્યેવ સન્ધિતાનિ પુનસ્તથા
પ્રાતિલોમ્યેન વિન્યસ્ય મન્ત્રૈમૂર્ધ્નિ ત્રિધા ત્રિધા।
અમૃતાં યોગિનીં વિશ્વયોગિનીં ચાક્ષરક્રમાત્
તતો બીજત્ર્યક્ષરાણિ મૂર્ધ્નિ બાહૌ તથા હૃદિ।
વિન્યસ્ય પૂર્વવત્ પૂજામારભેન્મન્ત્રવિદ્ બુધઃ
પૂર્વવત્ પૂજયેદ્ દેવીં પીઠદેવવિવર્જિતામ્।
વિશેષતો હ્યષ્ટશક્તી, ક્રમાત્ તુ સુવભગાદિકાઃ
મણ્ડલસ્યાષ્ટદિગ્ભાગે પૂર્વાદૌ પરિચિન્તયેત્।
ત્રિકોણાગ્રેઽમૃતાદ્યાસ્તુ સમ્પૂજ્યાસ્તુ ત્રિનોનયઃ
મધ્યેઽષ્ટભૂષણાન્યેવ પૂજયેત્ તુ તતઃ પુનઃ।
ઈશાનાદીનિ વક્ત્રાણિ મમ ભૈરવ મધ્યતઃ
પૂજયેત્ તુ તથા તત્ર મનોભવમુખાનપિ।
અન્યચ્ચ પૂજને તત્ર ક્રમઃ પૂર્વોદિતશ્ચ યઃ
સ એવ સતતં ગ્રાહ્યઃ ત્રિપુરાપરિપૂજને।
નિર્માલ્યધારિણી દેવી ચૈતસ્યાઃ શુણુ ભૈરવી
વિસર્જનં ચોત્તરસ્યાં ત્યક્ત્વા નિર્માલ્યમાચરેત્।
ત્રિમૂર્તિ પૂજયેત્ તાં તુ દેવીં ત્રિપુરભૈરવીમ્
ન જપેત્ ત્રિંશતા ન્યૂનં સાધકસ્તુ કદાચન।
અઙ્ગુષ્ઠમધ્યમાનામાઙ્ગુલીભિસ્તસૃભિઃ પુનઃ।
સદા પુષ્પાદિકં દદ્યાન્માલાં તુ ત્રિગુણાં ચરેત્
ચર્માસનમધિષ્ઠાય પશ્ચાત્ કૃત્વા પદદ્વયમ્
પૂજયેન્નિર્જને દેશે સાધકોઽનન્યમાનસઃ।
આસાદયેત્ તુ પુષ્પાદિ નૈબેદ્યાદિ ચ યદ્ ભવેત્।
તદ્ વામહસ્તમુખ્યેન સતતં સાધકો બુધઃ
ત્રિચ્છિદ્રા ત્રિપુરા પ્રોક્તા ન સમ્યક્પૂજિતા યદિ
શરીરે નિન્દિતો વ્યાધિર્જાયતેઽવશ્યમેવ હિ।
અવશ્યાઃ પુત્રદારાશ્ચ ભૃત્યાદ્યાશ્ચ ભવન્તિ હિ
અસ્ત્રાઘાતો ભવેત્ સ્વસ્ય પ્રાણત્યાગો ન સંશયઃ।
ત્રિચ્છિદ્રદાયિની ચૈવમન્યથા પૂજિતા યદિ
ઇતઃ પ્રકારાં સતતં સમ્યગ્ વેતાલ ભૈરવ।
એષા ચ ત્રિપુરાદેવી યાશ્ચાન્યાઃ પૂર્વભાષિતાઃ
સર્વાસ્તુ માયા ભૈરવ્યા યોગનિદ્રા જગત્પ્રસૂઃ।
તસ્યાઃ પ્રપંચરૂપૈસ્તુ બહુભિઃ સૈવ ક્રીડતિ
મહામાયા મૂલભૂતા તતસ્તુ શારદા પુરા।
ઉમા તતઃ શૈલપુત્રી મત્પ્રિયાયાસ્તતસ્ત્વિમાઃ
ઉગ્રચણ્ડા પ્રચણ્ડાદ્યાસ્ત્રિષુરાદ્યાસ્તથૈવ ચ।
તાસાં ચાપિ સદૈવાહં મહાભૈરવરૂપધૃક્
નાયકઃ સુતરાં તાભિર્નિત્યં નિત્યં વસેદ્ બુધઃ।
મમ ભૈરવરૂપસ્ય મન્ત્રઃ પૂર્વં મયોદિતઃ
રૂપં ચોક્તં પૂજનેષુ ત્રિપુરાયાઃ ક્રમઃ સ્મૃતઃ।
મહાભૈરવં વિદ્મહે કાલરુદ્રાય ધીમહિ
તન્નઃ કામો ભૈરવસ્તુ ક્લેદિન્ નિત્યં પ્રચોદયાત્।
એષા ભૈરવરૂપસ્ય ગાયત્રી મે પ્રતિષ્ઠિતા
યથેષ્ઠમાંસમદ્યાદિ ભોજનાર્થં મયા ધૃતઃ।
મહાભૈરવકાયોઽયં તથા સ્ત્રીરતિસઙ્ગમે
અયં તુ વામ્યભાવેન પૂજ્યો મદ્યાદિભિઃ સદા।
વામઃ કાયો બ્રહ્મણોઽપિ માંસમદ્યાદિભુક્તયે
કૃતો મહામોહનામા ચાર્વાકાદિપ્રવર્તકઃ।
વિષ્ણોર્વામાત્મિકા મૂર્તિર્નરસિંહાહ્વયા ભવેત્
સા તુ દાક્ષિણ્યવામાભ્યાં પૂજનીયા સદા બુધૈઃ।
તથૈવ બાલગોપાલમૂર્તિર્જરાયુવેષ્ટિતા
મદ્યમાંસાશનો ભોગી લોલુપઃ સ્ત્રીષુ સર્વદા।
વહ્વ્યસ્તુ ચણ્ડિકાદેવ્યાઃ વામિકા મૂર્તયઃ સ્મૃતાઃ
લક્ષ્મ્યાસ્તુ વામિકામૂર્તિરુક્તા દહનભૈરવી।
યાગ્નિદાહં પુરગ્રામમન્દિરેષ્વકરોદિયમ્।
અપૂજિતા મહાલક્ષ્મીર્દેહલ્યાં તાં તુ પૂજયેત્
વાગ્ભૈરવી સરસ્વત્યા વામિકામૂર્તિરીરિતા
તસ્યા મન્ત્રં પુરા પ્રોક્તં શુક્લવર્ણા તુ સા સ્મૃતા।
મધ્યાયાસ્ત્રિપુરાયાસ્તુ રૂપં ધ્યાનમિહોચ્યતે
પૂજાક્રમસ્તથૈવોક્તઃ સર્વત્રૈવ તુ ભૈરવ।
માર્તણ્ડભૈરવો નામ મૂર્તિઃ સૂર્યસ્ય કીર્તિતા
ગણેશસ્યાગ્નિવેતાલઃ કથિતો વામનામકઃ।
એતે વામ્યેન ભાવેન પૂજનીયા વિશેષતઃ
ત્રિધાદ્યસ્તુ યથાપૂર્વં નમયૈર્રલવૈસ્તથા।
વાન્તૈર્દ્વિરેફૈઃ સર્વત્ર યથા કૃત્વા તથા તથા
અનુસ્વારવિસર્ગાભ્યાં પ્રાક્શેષૌ પરિકીર્તિતૌ।
મધ્યે તુ કેવલાઃ પૂર્વં સાનુસ્વારવિસૃષ્ટિભિઃ
પશ્ચાદ્ દ્વિત્રિક્રમાદ્ યસ્તુ વર્ણૈરેકેન ચૈવ હિ।
વ્યસ્તૈઃ સમસ્તૈરપિ ચ દકારાદિષુ સંયુતૈઃ
આદ્યાયાસ્ત્રિપુરાયાસ્તુ મન્ત્રવદ્ યોજિતૈસ્તથા।
તથા ત્રિપુરભૈરવ્યા મન્ત્રવચ્ચાક્ષરૈરપિ
ત્રિશ્ચતુર્દશભિઃ કૃત્વા ડાદીંસ્ત્રીંસ્તુ વિશારયેત્।
દ્વિતીયં દ્વિગુણં કૃત્વા શેષેઽત્રાદૌ ચ યોજયેત્
વિંશતિસ્તુ સહસ્રાણિ શેષે ચાપિ ત્રયોદશ।
આદ્યમાદ્યં તતઃ પ્રોક્તં વાગ્ભવાદ્યં તૃતીયકમ્
એવં ચ પરમપ્યેતન્મન્ત્રાણાં ચ ચતુષ્ટયમ્।
એતજ્જ્ઞાત્વા નરઃ કામાનખિલાન્ પ્રાપ્ય સઙ્ગતઃ
મૃતે દેવીપુરં યાતિ ક્રમાદેવ તુ ભૈરવ।
યઃ સકૃત્ તુ જપેદેતત્ સકલં મન્ત્રસઞ્ચયમ્
પ્રથમં કામતો ન્યસ્ય સાધકસ્તુ ત્રિભિર્દિનૈઃ।
ચિન્તયન્મનસા દેવીં સમ્યક્ ત્રિપુરભૈરવીમ્
સ કામાનખિલાન્ પ્રાપ્ય સ્વરૂપે મદનોપમઃ।
ધાર્મિકો નૃપતિર્ભૂયાદ્ બ્રાહ્મણો દ્વિજરાડ્ ભવેત્
અવાધિતશરીરસ્તુ પિશાચાદ્યૈઃ સદૈવ હિ।
નીરોગશ્ચ ચિરાયુશ્ચ વલવાનપિ જાયતે
એવં ત્રિપુરભૈરવ્યા મયા પ્રોક્તસ્ત્વયં ક્રમઃ।
વૈષ્ણવ્યાસ્તુ મહાદેવ્યાઃ સહસ્રામિ તુ ષોડશ
શૃણુ ભૈરવ મન્ત્રાણિ શિવૈકાગ્રમનાઃ પુનઃ।
અષ્ટોત્તરસહસ્રં તુ ચતુઃષષ્ટિસ્તથા ત્રયઃ
મન્ત્રાઃ પ્રોક્તા મહાદેવ્યા મૂર્તિભેદેન તાઃ પુનઃ।
અનુસ્વારવિસર્ગાભ્યાં દ્વિગુણાસ્તે પુનઃ સમાઃ
કાદિવ્યઞ્જનસંયોગાદૂર્ધ્વાધો વ્યસ્તભાવતઃ।
દ્વાભ્યાં ત્રિભિશ્ચ સતતમુદ્ધરેન્મન્ત્રવિત્ પુનઃ
અષ્ટાવષ્ટૌ તતઃ કૃત્વા સમસ્તવ્યસ્તસંયુતૈઃ।
વિસ્વરૈઃ સસ્વરૈશ્ચાપિ સાનુસ્વારવિસર્ગકૈઃ
કેવલૈરપિ તત્રૈવ દ્વિયસ્તૈરન્તરૈસ્તથા।
એવમષ્ટોત્તરં યાવત્ સંયોગયોગભાવતઃ
દેવ્યાસ્તુ ષટ્સહસ્રાણિ સહસ્રાણિ તથા દશ।
મન્ત્રાસ્તુ સંખ્યયા ખ્યાતાઃ ક્રમાદ્ વેતાલ ભૈરવ
સમસ્તવ્યસ્તરૂપેમ વૈષ્ણવ્યા યે મયોદિતાઃ।
તાઞ્ જ્ઞાત્વા માનવો યાતિ મમૈવ સદનં પ્રતિ
અષ્ટમ્યાં ચ નવમ્યાં ચ સહસ્રાણિ તુ ષોડશ।
યો જપેન્મન્ત્રબીજાનિ સકૃદેવ તુ ભૈરવ
ધ્યાયંસ્તુ વૈષ્ણવીં મૂર્તિં તદેકાગ્રમનાઃ શૃણુ।
નરરાજો ભવેદ્ ભૂમૌ પણ્ડિતશ્ચાતિહર્ષિતઃ।
ચિરાયુઃ સુખભોઘી સ્યાદુદ્રિક્તો બલવાહનૈઃ
તાન્યેવ ચાષ્ટધા જપ્ત્વા સાર્વભૌમો નૃપો ભવેત્।
ગણાધ્યક્ષો મૃતે સ સ્યાત્ તતો મુક્તિમવાપ્નુયાત્
ઇતિ સકલગુણૌઘૈરસ્તદોષસ્તુ નિત્યં ભવતિ કલુષહન્તા શ્રીવિવૃદ્ધ્યૈ સુમન્ત્રઃ।
સતતમખિલવેત્તા યો ભવેદેતયોસ્તુ સ ચ ભવતિ જિતારી રોગશોકપ્રમુક્તઃ
॥ ઇતિ શ્રીકાલિકાપુરાણે ત્રિપુરભૈરવીબાલાત્રિધાકલ્પે ચતુઃસપ્તતિતમોઽધ્યાયઃ
મૂળ પાઠ: kālikāpurāṇam · Sanskrit Wikisource contributors · Sanskrit Wikisource · CC BY-SA 4.0