જ્ઞાનાલોકાલંકારસૂત્ર · અધ્યાય 2

§5 મ્સ્. 3બ્3-4અ2, પ્. 304અ5-304બ્5, દ્. 278અ3-278બ્3, ત્. 357 240અ14-240અ26, ત્. 358 250ચ્23-251અ5, ત્. 359(દ્) 254ચ્12-254ચ્27.
અથ ખલુ ભગવાન્ ઉત્થાય પૂર્વકાદ્ આસનાત્ તત્ર મહારત્નપદ્મગર્ભે સિંહાસને નિષદ્ય પર્યઙ્કંબદ્ધી સર્વાવન્તં બોધિસત્ત્વગણં સ્વવલોકયતિ સ્મ । સામુત્કર્ષિકાયાશ્ ચ ધર્મદેશનાયાસ્ તેષાં બોધિસત્ત્વાનાં મહાસત્ત્વાનાં નિમિત્તમ્ અકાર્ષીત્ ।
તેન ખલુ પુનઃ સમયેન સર્વાવાન્ બોધિસત્ત્વગણ એવં ચિન્તયતિ સ્મ । યન્ ન્વ્ અયં મઞ્જુશ્રીઃ કુમારભૂતો ઽનુત્પાદાનિરોધં તથાગતમ્ અર્હન્તં સમ્યક્સંબુદ્ધં પરિપૃચ્છેત્, ચિરશ્રુતો ઽયમ્ અસ્માભિર્ ધર્મપર્યાય ઇતિ ।
અથ ખલુ મઞ્જુશ્રીઃ કુમારભૂતો ભગવતો ઽન્તિકાન્ નિમિત્તં વિદિત્વા તેષાં ચ બોધિસત્ત્વાનાં મહાસત્ત્વાનાં ચેતસૈવ ચેતઃપરિવિતર્કમ્ આજ્ઞાય ભગવન્તમ્ એતદ્ અવોચત્ । અનુત્પાદો ઽનિરોધ ઇતિ ભગવન્ન્ ઉચ્યતે, કતમસ્યૈતદ્ ભગવન્ ધર્મસ્યાધિવચનમ્ અનુત્પાદો ઽનિરોધ ઇતિ ।
ઇમાશ્ ચ ગાથા અભાષત્ ।
અનિરોધમ્ અનુત્પાદં બ્રવીષિ ત્વં વિનાયક ।
તત્ કીદૃશં મહાપ્રાજ્ઞ તસ્ય નિરુક્તિલક્ષણમ્

અનિરોધમ્ અનુત્પાદં કથમ્ એષ નિગદ્યતે ।
દૃષ્ટાન્તૈર્ હેતુભિશ્ ચૈવ કથયસ્વ મહામુને

સમાગતેમે બહુબોધિસત્ત્વા જ્ઞાનાર્થિનઃ ત્વાં ચ વિભો ઽભિવન્દિતુમ્ ।
સંપ્રેષિતા લોકવિનાયકેભિર્ દેશેહિ સદ્ધર્મમ્ ઉદારમ્ ઉત્તમમ્