જયાખ્યસંહિતા · અધ્યાય 10

પટલઃ - 10
અથ સમાધિખ્યાપનં નામ દશમઃ પટલઃ। 10-1
[ઘ્યાનાર્થં નિર્જનસ્થાનં પ્રતિ ગમનમ્] 10-2
શ્રીભગવાન્ ---
સાસ્ત્રં દૂર્વાઙ્કુરં દત્વા પુષ્પં પત્રં તિલાંસ્તુ વા।
સોદકાના(1)ત્મનો મૂર્ધ્નિ શિખાસ્થાને ચ નારદ

(1. ન્યા ચ્. લ્.)
તતશ્ચોદકસમ્પૂર્ણં ભાણ્ડમાદાય પાણિના।
એકાન્તનિર્જનં યાયાન્મનોજ્ઞં દોષવર્જિતમ્

હ્ટન્મધ્યસ્થં સ્મરે(ર)ન્મન્ત્રં પ્રબુદ્ધાનલવિગ્રહમ્।
દિગન્તરમવીક્ષન્વૈ મૌની સંરોધિતાનિલઃ

[સ્થાનપ્રાપ્તિસમયે કર્તવ્યાંશઃ] 10-3
પ્રાપ્ય સ્થાનં સ્વમન્ત્રં તુ નાસાગ્રેણ વિરેચયેત્।
બહિરસ્ત્રં ચ વિન્યસ્ય ચરણેન હનેત્ક્ષિતિમ્

મન્ત્રપૂર્વં સ્મરેદ્વિષ્ણું સકલં ગરુડાસનમ્।
[દર્ભાદ્યાસનવિકલ્પઃ] 10-4
એકદેશં સમાસાદ્ય બદ્નીયાદ્રુચિરાસનમ્

દર્ભે ચર્મણિ વસ્ત્રે વા ફલકે યજ્ઞકાષ્ઠકે।
[ગુરુસ્મરણપૂર્વકમાનસક્રિયાનિર્વહણમ્] 10-5
અભિવન્દ્ય હરિં ભક્ત્યા મનસા ગુરુસન્તતિમ્

ગૃહીત્વા માનસીમાજ્ઞાં તેભ્યસ્તુ શિરસા નતઃ।
માનસીં નિર્વહેત્સર્વાં ક્રિયાં વિપ્ર યથાસ્થિતામ્

[આસનશુદ્ધિઃ] 10-6
મૂલમન્ત્રાભિજપ્તેન તોયેન પ્રોક્ષ્ય ચાસનમ્।
ચ્છોટિકાં મન્ત્રસંયુક્તાં દદ્યાત્તચ્છુદ્ધયે પુનઃ

[કરશુદ્ધિઃ] 10-7
હસ્તશુદ્ધિં તતઃ કુર્યાદ્યથા તચ્છૃણુ નારદ।
દ્વે તલે હસ્તપૃષ્ઠે દ્વે સર્વાશ્ચાડ્ગુલયસ્તથા

અસ્ત્રમન્ત્રેણ સંશોધ્ય ધ્યાનોચ્ચારપ્રયોગતઃ।
કૃત્વૈવં કરશુદ્ધિં ચ સ્થાનશુદ્ધિં સમાચરેત્

[સ્થાનશુદ્ધિઃ] 10-8
ધ્યાત્વા દેવં જ્વલદ્રૂપં સહસ્રાર્કસમપ્રભમ્।
જ્વાલાકોટિસમાકીર્ણં વમન્તં જ્વલનં મુખાત્

તેન સંપૂરયેત્સર્વમાબ્રહ્મભુવનાન્તિમમ્।
દિગોઘં પ્રજ્વલન્તં ચ ભાવયેન્મન્ત્રતેજસા

ક્ષ્મામણ્ડલમિદં સર્વં સ્મરન્પવ્કં ચ વહ્નિના।
મન્ત્રજેન દ્વિજશ્રેષ્ઠ મૃણ્મયં ભાજનં યથા

સ્થાનશુદ્ધિર્ભવત્યેવં સુધાકલ્લોલસેચનાત્।
ભૂતશુદ્ધિં શૃણુ મુને યથાવદનુપૂર્વશઃ

[ભૂતશુદ્ધિપ્રકરણમ્]
પૃથ્વ્યપ્તેજોનિલાકાશં શરીરં ભૂતપઞ્ચકમ્।
ઇન્દ્રજાલોપમં વિદ્ધિ જ્ઞાનાદ્યૈરુજ્ઝિતં ગુણૈઃ

મલિનઞ્ચાસ્વતન્ત્ર ચ રેતોરક્તોદ્ભવં ક્ષયિ।
યાવન્ન શોધિતં સમ્યક્ ધારણાભિર્નિરન્તરમ્

તાવદેતદયોગ્યં સ્યાન્મન્ત્રન્યાસાદિવસ્તુષુ।
[પૃથિવ્યાદિભૂતાનાં બીજાનિ] 10-9
શઙ્કરશ્ચાગ્નિરૂપશ્ચ (1)સોમઃસૂર્યસ્તદન્તકઃ

(1. સોમસૂર્યાવનન્તરઃ અ.)
વર્ણપઞ્ચકમેતદ્વૈ યુક્તં કુર્યાત્ક્રમેણ તુ।
ધરેશેન વરાહેણ અનલેનાથ કમ્બુના

પ્રધાનેન દ્વિજશ્રેષ્ઠ સર્વેષાં યોજયેત્તતઃ।
ત્રૈલોક્યૈશ્વર્યદોપેતમાદિદેવં ચ મૂર્ધનિ

પૃથ્વીકાગ્નિમરુદ્વ્યોમબીજાન્યેતાન્યનુક્રમાત્।
પૃથ્વ્યાદિસંજ્ઞાયુક્તાનિ હુંફડન્તાનિ નારદ

પ્રાગોઙ્કારેણ યુક્તાનિ ભૂતશુદ્ધૌ ત્રિધોચ્ચરેત્।
ભૂતેશ્વરાણાં પઞ્ચાનાં પરત્વેન ક્રમાત્સ્થિતાઃ

[પૃથિવ્યાદિભૂતાનાં દેવતાઃ] 10-10
અનિરુદ્ધાદયઃ પઞ્ચ સત્યપૂર્વાઃ પુરોદિતાઃ।
શક્તિત્વેન ચ વર્તન્તે તૈશ્ચ તાન્વ્યાહરેત્ક્રમાત્

[પૃથિવ્યાદિમહાભૂતાંનાં સ્વવિગ્રહે પ્રવેશન-તદ્વ્યાપન-તદ્વિલયનપ્રકારાઃ] 10-11
સૌષુમ્નાદ્દક્ષિણદ્વારાન્નિર્ગમય્ય હરિં બહિઃ।
સહસ્રરવિસઙ્કાશં વૃત્તમણ્ડલમધ્યગમ્

તપ્તકાઞ્ચનવર્ણાભમાસીનં પરમે પદે।
મન્ત્રાત્માનં તુ તં ધ્યાત્વા હ્યુપરિ દ્વાદશાઙ્ગુલે

પ્રભાચક્રં તુ તદધસ્તત્ત્વાધિષ્ટાતૃસંયુતઃ।
નિષ્કલં મન્ત્રદેહં તુ ધ્યાત્વા તુ તદધઃ ક્રમાત્

[તત્રાદૌ પૃથિવીતત્ત્વનિલયનમ્]
તુર્યશ્રાં પીતભાં ભૂમિં ચિન્તયેદ્વજ્રલાઞ્છિતામ્।
શબ્દાદ્યૈઃ પઞ્ચભિર્યુક્તાં નગદ્રુમસમાકુલામ્

પુરપ્રાકારસુસરિદ્દ્વીપાર્ણવપરિષ્કૃતામ્।
સંવિશન્તીં સ્મરેદ્બાહ્યાત્પૂરકેણ સ્વવિગ્રહે

પ્રોચ્ચારયંશ્ચ તન્મન્ત્રં વિશ્રાન્તામથ ચિન્તયેત્।
જાન્વોઃ પાદતલં યાવત્તયા વ્યાપ્તં ક્રમેણ તુ

કુમ્ભકેન દ્વિજશ્રેષ્ઠ મન્ત્રમૂર્તૌ સ્વકે તતઃ।
શનૈઃ શનૈર્લયમ્ યાતાં ગન્ધશક્તૌ ચ મન્ત્રરાટ્

[જલતત્ત્વનિલયનમ્]
ગન્ધશક્તિં ચ તાં પશ્ચાદ્રેચકેન બહિઃક્ષિપેત્।
તોયાખ્યે ચ મહાધારે તતસ્તોયં ચ વૈભવમ્

સમુદ્રસસરિત્સ્રોતો રસષટ્‌કં ચ સૌષધીઃ।
યાનિ યાન્યમ્બુભૂતાનિ ભૂતાનિ ભુવનાન્તરે

અર્ધચન્દ્રસમાકારં કમલધ્વજશોભિતમ્।
વારુણં વિભવં બાહ્યે ધ્યાત્વા તેનાથ વિગ્રહમ્

સંપૂર્ય પૂરકાખ્યેન કરણેન શનૈશ્શનૈઃ।
ઊરુમૂલાચ્ચ જાન્વન્તં શરીરં મણ્ડલં સ્વકમ્

તેનાખિલં તુ સંવ્યાપ્તં કુમ્ભકેન સ્મરેદ્દ્વિજ।
તન્મધ્યે વારુણં મન્ત્રં ધારણાખ્યં વિચિન્ત્ય ચ

અમ્મયં વિભવં સર્વં તન્મદ્યે વિલયં ગતમ્।
તતસ્તં રસશક્તૌ ચ સા શક્તિર્વહ્નિમણ્ડલે

[તેજસ્તત્ત્વનિલયનમ્]
રેચકેન વિનિક્ષિપ્ય તતો વાન્હં ચ વૈભવમ્।
ત્રિકોણભૂવનાકારં દીપ્તિમદ્ભિર્વિભૂષિતમ્

વિદ્યુચ્ચન્દ્રાર્કનક્ષત્રમણિરત્નૈશ્ચ ધાતુભિઃ।
સ્વપ્રકાશશરીરૈસ્તુ અશરીરૈશ્ચ ખેચરૈઃ

ચિન્હિતં સ્વસ્તિકૈર્દીપ્તૈર્વ્યાપ્યૈવં વિભવં મહત્।
તૈજસં મુનિશાર્દૂલ તન્માન્રં ચાથ સંસ્મરેત્

તન્મણ્ડલાન્તરસ્થં તુ પ્રોચ્ચરન્વૈ તમેવ હિ।
પ્રવિષ્ટં પૂર્વવદ્ધ્યાયેત્તેનૈવ કરણેન તુ

આનાભેઃ પાયુપર્યન્તં વ્યાપ્તં કૃત્વાઽ(1)વધાર્ય ચ।
તં વિપ્ર વિભવં સર્વં તૈજસં પરિભાવયેત્

(1. પિધાય અ.)
તન્મન્ત્રવિગ્રહે શ્રાન્તં મન્ત્રં તચ્ચાનલાત્મકમ્।
રુપશક્તૌ લયં યાતં શક્તિસ્સંવિન્મયી ચ સા

[વાયુતત્ત્વનિલયનમ્]
તયા મન્ત્રશરીરં સ્વં સ્વશક્ત્યા વિલયીકૃતમ્।
રેચકેન કૃતાં શક્તિં વાય્વાધારે બહિઃ ક્ષિપેત્

તતસ્તુ વાયવીયં વૈ વૈભવં બાહ્યતઃ સ્મરેત્।
વૃત્તં રાજોપલાભં તુ બિમ્બૈર્યુક્તં તુ તૈજસૈઃ

પૂર્ણં નાનાવિધૈર્ગન્ધૈરનેકૈસ્તદ્ગુણૈસ્તથા।
સ્વમન્ત્રેણ સમાક્રાન્તં ધારણાખ્યેન તં સ્મરેત્

તથા સ્વરૂપં તન્મન્ત્રં ધ્યાત્વોચ્ચાર્ય સમાહરેત્।
પૂર્વોક્તકરણેનૈવં ઘ્રાણાગ્રેણ શનૈશ્શનૈઃ

આકણ્ઠાન્નાભિદેશાન્તં તેન વ્યાપ્તં તુ ભાવયેત્।
પ્રાગુક્તકરણેનૈવ વાયવ્યં વિભવં તતઃ

અધિષ્ઠાતૃલયં યાતં સ્મૃત્વા તં ચ મહામુને।
સ્પર્શાખ્યાયાં મહાશક્તૌ તાં શક્તિમવિનશ્વરીમ્

[આકાશતત્ત્વનિલયનમ્]
વ્યાપ્તાં નિત્યામદૃશ્યાં ચ સ્વશક્તિવિભવાન્વિતામ્।
શબ્દાખ્યે તુ મહાધારે નિક્ષિપેદ્વ્યોમમણ્ડલે

ધ્યાત્વાઽથ વિભવં સર્વં વ્યોમાખ્યં વિગ્રહાદ્બહિઃ।
નાનાશબ્દસમાકીર્ણં નીરૂપં ચાઞ્જનપ્રભમ્

અવિગ્રહેશ્શબ્દમયૈઃ (1)પૂર્ણં સિદ્ધૈરસઙ્ખ્યકૈઃ।
તન્મઘ્યે ધારણાન્મન્ત્રં વ્યોમાખ્યં સંસ્મરેદ્દ્વિજ

(1. પૂર્વ ચ્લ્.)
ધારયન્તં સ્વમાત્માનં સ્વસામર્થ્યેન સર્વદા।
શબ્દમત્રામરૂપં તુ વ્યાપકં વિભવેષ્વપિ

ધિયા ચ સંપરિચ્છન્નં કૃત્વા વિન્યસ્ય વિગ્રહે।
પ્રાગુક્તકરણેનૈવ તેન વ્યાપ્તં તુ ભાવયેત્

આકર્ણાદ્બ્રહ્મરન્ધ્રાન્તં વ્યોમાખ્યં વિભવેન ચ।
સન્ધાર્ય કુમ્ભકેનૈવ યાવત્કાલં તુ યોગિના

ધ્યાયેત્પરિણતં પશ્ચાત્સ્વમન્ત્રે તુ તથા મુને।
વ્યોમાખ્યં ધારણામન્ત્રં શબ્દશક્તૌ લયં ગતમ્

[શબ્દશક્તેઃ ક્રમાત્ ગન્ધાદિશક્તિનિલયનાસ્પદભૂતાયા નિષ્કલેઽનુપ્રવેશભાવનમ્] 10-12
તાં શક્તિં બ્રહ્મરન્ધ્રેણ પ્રયાન્તીમનુભાવયેત્।
યુક્તાં શક્તિચતુષ્કેણ ગન્ધાદ્યેનાવિનશ્વરીમ્

આશ્રયેન્નિષ્કળં મન્ત્રં વ્યોમાતીતં નિરઞ્જનમ્।
શક્તયો યાશ્ચ સત્યાદ્યાસ્તાસામપિ પરશ્ચ યઃ

પટ્‌કં (ષ્ઠં ) તં નિષ્કળં વિદ્ધિ વ્યાપ્તિઃ પ્રાગુદિતાઽસ્ય ચ।
સમન્ત્રં વિભવં ભૌતમેવમસ્તં નયેત્ક્રમાત્

[જીવસ્ય પદાત્પદાન્તરપ્રાપણક્રમેણ દેહાત્ સ્થૂલાત્ પ્રભાચક્રવિશેષપ્રાપણેન કૈવલ્યસ્થિતિપ્રાપણમ્] 10-13
ચૈતન્યં જીવભૂતં યત્પ્રસ્ફુરત્તારકોપમમ્।
ભાવનીયં તુ વિશ્રાન્તં નિસ્સૃતં ભૂતપઞ્જરાત્

નિષ્પ્રપઞ્ચે પરે મન્ત્રે પઞ્ચશક્ત્યાખ્યવિગ્રહે।
અનેન ક્રમયોગેન જીવમાત્માનમાત્મના

ઇક્ષતે(ક્ષેત) તદ્ધૃદાકાશે અચલં સૂર્યવર્ચસમ્।
સ્ફુરદ્‌દ્યુતિસમાકીર્ણમીશ્વરં વ્યાપકં પરમ્

તતો મન્ત્રશરીરસ્થં સમાધિં ચાભ્યસેત્પરમ્।
પરં મન્ત્રશરીરં યદ્વ્યક્તમક્ષરસન્તતૌ

સૂર્યાદિવ્યોમપર્યન્તમતીતં શક્તિકારણૈઃ।
હેયં ચેત્થમિદં બુધ્વા યદા તત્સ્થાનબૃંહિતઃ

અતૃપ્તોઽકૃતકૃત્યશ્ચ મન્ત્રહૃત્પદ્મસેવનાત્।
ષટ્‌પદી()હ્યાત્મતત્ત્વં ચ જ્ઞાનરજ્વાઽવલંબ્ય ચ

હૃત્કોટરોર્ધ્વાન્નિર્યાન્તં સ્વાત્માનં સ્વાત્મના સ્મરેત્।
ભારૂપાન્નાડિમાર્ગેણ મન્ત્રવહ્નેશ્શિખા હિ સા

પદ્મસૂત્રપ્રતીકાશા સુષુમ્ના ચોર્ધ્વગામિની।
તદ્બ્રહ્મરન્ધ્રગાં સ્મૃત્વા સુપથા તેન નારદ

શનૈશ્શનૈસ્સ્વમાત્માનં રેચ્ય વિજ્ઞાનવાયુના।
માન્ત્રં કારણષટ્કં ચ એવમવ્યાપકં નય્સેત્

પ્રાપ્નુયાચ્ચ તદૂર્ધ્વાત્તુ યઃ પરાત્પ્રભુવિગ્રહાત્।
ઉદિતં (તો ) દ્વિજશાર્દૂલ તેજઃપુઞ્જો હ્યનૂપમઃ

તત્પ્ર ભાચક્રનાભિસ્થં સ્વાનન્દાનન્દનન્દિતમ્।
એવં પદાત્પદસ્થસ્ય આત્મતત્ત્વસ્ય નારદ

તત્ત્વ(સ્ય )નિર્મુક્તદેહસ્ય કેવલસ્ય ચિદાત્મનઃ।
ય ઉદેતિ મહાનન્દઃ સા શક્તિર્વૈષ્ણવી પરા

અલુપ્તકર્મકર્તારં જીવં કૃત્વા તમાત્મસાત્।
યત્રોદિતા ચ તત્રૈવ પુનરેવાવતિષ્ઠતે

તચ્ચ(તં ચ) સઙ્કલ્પનિર્મુક્તમવાચ્યં વિદ્ધિ નારદ।
[ત્યક્તતયા ભાવિતસ્યાસ્ય ભૌતિકદેહસ્ય પ્રજ્વાલન--ભસ્મીકરણભાવનમ્] 10-14
એવં સ્વસ્થાનમાસાદ્ય ત્યક્ત્વા ભૌતં ચ વિગ્રહમ્

તત્ર સ્થિતો દહેત્પિણ્ડં શક્તિતન્માત્રવ્રજિતમ્।
ષાટ્કોશિકમસારં ચ નિર્દગ્ધ(1)તૃણરૂપિણમ્

(1. નિર્દણ્ડ સ્.)
[ઇચ્છાગ્નિમન્ત્રઃ] 10-15
ઇચ્છાનિર્મથનોત્થેન મન્ત્રજેન તુ વહ્નિના।
અશેષભુવનાધારં ચતુર્ગતિસમન્વિતમ્

લોકેશોપરિસંસ્થં ચ વ્યોમ્નિ તસ્યોપરિ ન્યસેત્।
પ્રણવાદિનમોઽન્તં ચ ઇચ્છાગ્નેર્વાચકઃ સ્વયમ્

[ભસ્મીભૂતત્વભાવનમ્] 10-16
તેનાઙ્ઘિદેશાદારભ્ય તં પિણ્ડં જ્વલિતં સ્મરેત્।
[શાન્તાગ્નિમન્ત્રઃ] 10-17
ભસ્મરાશિસમપ્રખ્યં શાન્તાગ્નિં તદનુ દ્વિજ

[ભસ્મીભૂતતયા ભાવિતસ્ય ધ્યાનસમુદ્ભૂતસલિલેનાપ્લાવનભાવના] 10-18
સાહ્લાદેન ચ સૂક્ષ્મેણ વ્યાપિનોઙ્કારપૂર્વિણા।
નમોઽન્તેન તુ તદ્ભસ્મપાતં ધ્યાત્વાઽન્વિતસ્તતઃ

[ભસ્માવશેષતયા ભાવિતસ્ય સમાપ્લાવનભાવના] 10-19
ધ્યાનજેનોદકેનાથ ભૂતિં સંપ્લાવ્ય દિગ્ગતામ્।
વિનિપાતાત્સ્વમન્ત્રેણ સિક્તેન ક્ષીરરૂપિણા

[અથાપૂર્વતેજોયશરીરસૃષ્ટિભાવનાક્રમઃ] 10-20
વગહમમૃતારૂઢં ત્રૈલોક્યૈશ્વર્યદાન્વિતમ્।
દીપકં દ્વિતયેનૈતત્સંપુટીકૃત્ય પૂર્વવત્

તેન ક્ષીરાર્ણવાકારાદ્ધ્યાયેદ્વિશ્વં ચરાચરમ્।
પાત્યમાનં તદૂર્ધ્વે તુ ધારાસઙ્ઘો દ્વિજામૃતઃ

તુર્યસ્થાનાદ્વિનિષ્ક્રાન્તો ભાવનીયો મુહુર્મુહુઃ।
તત્રાધારમયીં શક્તિં મદ્યે વિન્યસ્ય વૈષ્ણવીમ્

બીજભૂતાં ચ સર્વસ્ય તદુત્થં ચામ્બુજં સ્મરેત્।
ષડધ્વતત્ત્વભૂતં ચ સિતં તેજોમયં શુભમ્

મણ્ડલત્રિતયાકીર્ણં સ્પુરત્કિરણભાસ્વરમ્।
મન્ત્રાત્માનં ચ તન્મધ્યે ધ્યાયેન્નારાયણં પ્રભુમ્

નિષ્કલં કેવલં શુદ્ધં પઞ્ચસન્મન્ત્રવિગ્રહમ્।
તન્મન્ત્રશક્તિભિર્ભૂયો મૂર્ચ્છિતં ભાવયેદ્દ્વિજ

વ્યોમાદિપઞ્ચભૂતીયં મન્ત્રમીશ્વરપઞ્ચકમ્।
તેભ્યોઽથ પ્રસરન્તં ચ વ્યોમાદ્યં વિભવં સ્મરેત્

સંયોગજનિતં પિણ્ડં ધ્યાયેદ્વિભવપઞ્જરાત્।
સહસ્રસૂર્યસઙ્કાશં શતચન્દ્રગભસ્તિમત્

નિર્મલસ્ફટિકપ્રખ્યં જરામરણવર્જિતમ્।
જનિત્વૈવં સપિણ્ડં તુ પરમં ભોગમોક્ષયોઃ

સાધનં મુનિશાર્દૂલ સહજં સર્વદેહિનામ્।
તમાસાદ્ય ક્રમેણૈવં સિસૃક્ષાલક્ષણેન ચ

સ્વપાદાન્નિસ્તરઙ્ગાચ્ચ કૃત્વા શક્ત્યા સહોદયમ્।
[જીવસ્ય સૃષ્ટે શરીરે પ્રવેશનક્રમઃ] 10-21
સ્વાનન્દં (1)ચ મહાનન્દાત્સ્વન(2)ન્તાચ્ચાશ્રયેત્તતઃ

(1. ચિન્મ અ.)
(2. ત્સ્વાનન્દા અ.)
મારીચં નાભસં ચક્રં તસ્માદ્રૂપં સ્વકં ચ યત્।
સૂર્યકોટિકરાભાસં પ્રસ્પુરન્તં સ્વભાસસા

કદમ્બગોળકાકારં નિશામ્બુકણનિર્મલમ્।
એવમાત્માનમાનીય સ્વસ્થાનાત્સ્વાત્મના દ્વિજ

વિશેન્મન્ત્રશરીરં સ્વં બ્રહ્મરન્ધ્રેણ પૂર્વવત્।
જ્યોત્સ્નાનાડીપથેનૈવ પુર્યષ્ટકકજાન્તરમ્ ()

સ્વવાચકં ભાવયન્વૈ ધ્વનિના નિષ્કળેન તુ।
[આત્મમન્ત્રઃ] 10-22
અશેષભુવનાધારં વિશ્વાપ્યાયકરેણ તુ

અઙ્કયેદમૃતાખ્યં ચ તદન્તે ચાત્મને નમઃ।
સ તારકસ્ત્વયં મન્ત્રો વિજ્ઞેયો હ્યાત્મવાચકઃ

તતસ્તુ નિષ્કળો મન્ત્રો યાવદ્ભાનું ચ વિગ્રહઃ।
પઞ્ચકં ચાભિમાનં તુ આસાદ્યાલોકવિગ્રહમ્

[સ્વદેહસ્ય મન્ત્રમયતાપાદનમ્] 10-23
સ્વમન્ત્રાદમૃતૌઘેન સેચયેદ્વિગ્રહં સ્વકમ્।
તતસ્સ્વતન્ત્રં તં બિમ્બમાકૃષ્ય હૃદિ વિન્યસેત્

નિસ્તરઙ્ગા પરા શક્તિર્મહાનન્દમયી ચ સા।
સ્વાનન્દાચ્ચ પ્રભાચક્રં રૂપમાત્મીયભાસ્વરમ્