જાતકમાલા · શ્લોક 47-66

કચ્ ચિન્ નોત્કણ્ઠયન્તિ ત્વાં દક્સિણાપથચન્દ્રિકાઃ ।
પ્રધ્યાનસ્તિમિતાતામ્રપર્યન્તનયનાઃ પ્રિયાઃ

અનપાયી ભવેત્ કચ્ ચિદ્ અયત્નઃ સત્સમાગમઃ ।
કચ્ ચિદ્ અત્રાભિરમસે સ્વદેશ ઇવ ભૂપતે

અથ બોધિસત્ત્વસ્ તં રાજાનમ્ અમ્લાનપ્રણયશીભરૈર્ વચોભિઃ સમુત્તેજયન્ન્ અબ્રવીત્ ॥
દૃષ્ટ્વૈવ દર્શનીયં ત્વાં વિશ્રાન્તો ઽહં મહીપતે ।
અનાર્યસ્યાપિ વિશ્રમ્ભઃ કસ્ય ન સ્યાદ્ ભવાદૃશે

ત્વય્ય્ અસંસ્તુતસદ્બન્ધૌ બાન્ધવે પુરતઃ સ્થિતે ।
કિં ચાન્યદ્ વલ્લભતરં મમોત્કણ્ઠાનિબન્ધનં

વિદિતાશ્ ચ મહારાજ મમ પ્રિયસમાગમાઃ ।
વિતથાલ્પસુખાસ્વાદવ્યસનાયાસહેતવઃ

યે ઽર્થાઃ સ્વપ્ને ઽનુભૂયન્તે યે ચ નિદ્રાપરિક્ષયે ।
તેસાં નિર્ભુક્તિમુક્તાનાં વિશેષો નોપલભ્યતે

સ્વપ્નમાયોપમાનેષુ મુહૂર્તપરિણામિષુ ।
પ્રસઙ્ગં મતિમાન્ કુર્યાન્ ન પ્રિયપ્રણયેષ્વ્ અતઃ

પ્રિયો મમેત્ય્ એવમ્ અનાદિકાલપ્રવૃત્તમ્ ઉદ્વૃત્તમ્ અનલ્પગર્ભં ।
સુખાભિધાનં પ્રવદન્તિ દુઃખં વ્યતીતદુઃખા મુનયઃ પુરાણાઃ

કૃપા કૃપાવસ્તુષુ સંપ્રતાર્યતે સ્ત્રિયઃ કૃપાવસ્તુ વિશેષતઃ સતાં ।
અતો મતિર્ મે કરુણાનુપાતિની પ્રિયાસુ રાજન્ ન તુ વિભ્રમાતુરા

સ્વભાવદીનાઃ પરતન્ત્રવૃત્તયઃ સદાતુરા મત્સરમાનમન્મથૈઃ ।
પથિ પ્રકીર્ણા ઇવ માંસપેશિકાઃ કથં નુ ન સ્યુઃ પ્રમદાઃ કૃપાસ્પદં

અથ સ રાજા પ્રસાદિતમાનસસ્ તૈર્ બોધિસત્ત્વવચનકુસુમૈઃ પ્રણમ્યૈનમ્ અબ્રવીત્ ॥
આજ્ઞાપય મહારાજ યત્ર માં મન્યસે ક્ષમં ।
ભવદ્વિધાનાં કૃત્યેષુ વયમ્ આનમ્રમૂર્તયઃ

પ્રસન્નમાનસં સ ચૈનમ્ અવેત્ય બોધિસત્ત્વઃ સંપ્રહર્ષયન્ન્ અબ્રવીત્ ॥
તવૈવ સફલં જન્મ સુજીવં ત્વં ચ જીવસિ ।
ઐશ્વર્યં તવ પાત્રસ્થં યથાર્થા શ્રીસ્ તવૈવ ચ

યસ્ ત્વમ્ એષાં ભગવતાં ભવસંભોગવિદ્વિષાં ।
સત્કારવ્યપદેશેન તનોષિ યશસા જગત્

સુહૃદઃ સંવિભજ્યન્તે દારૈર્ અપિ ધનૈર્ અપિ ।
સંવિભાગસ્ તુ ધર્મેણ દુર્લભો ભુવિ નાસ્તિ વા

ધર્માતિથ્યમ્ અતો રાજન્ મમ ત્વં કર્તુમ્ અર્હસિ ।
ન હિ સંભાવના સત્સુ દૃષ્ટા વન્ધ્યફલોદયા

સ્વર્ગો મોક્ષઃ સુખાન્ય્ અર્થા ધર્માદ્ એવ યશાંસિ ચ ।
દધદ્ ધર્મમ્ અતો યુઙ્ક્તે સ્વર્ગમોક્ષસુખાદિભિઃ

સદ્ધર્મપ્રગુણં મિત્રં કરણીયં બલાદ્ અપિ ।
એષૈવ સુહૃદાં લોકે સાધોઃ સાધીયસી સ્થિતિઃ

અતિથિર્ મિત્રમ્ અર્થીવ સત્કારાયતનં પરં
મયિ ચૈતત્ ત્રયં યસ્માદ્ અતો મે ઽભ્યર્થનાં કુરુ

સ્રવન્ન્ ઇવ પ્રસાદસ્ તે લક્ષ્યતે મુખપઙ્કજાત્ ।
પુણ્યસંભોગવાત્સલ્યમ્ ઉદ્ગિરંલ્ લક્ષ્યસે ગિરા

અનુજ્ઞાતા ત્વયા રાજન્ન્ ઇમે પ્રક્સીણકલ્મષાઃ ।
વસન્તુ દક્ષિણીયાગ્ર્યા દક્ષિણાપથભૂમિષુ