જાતકપારિજાતઃ · અધ્યાય p7

તત્રાદૌ જાતકભઙ્ગપરિભાષા ।
કેચિદ્ યોગા રાજયોગસ્ય ભઙ્ગાઃ કેચિદ્રેકા નામ દારિદ્ર્યયોગાઃ ।
કેચિત્પ્રેષ્યાઃ કે ચ કેમદ્રુમાખ્યાસ્તે ચત્વારો જાતભઙ્ગાકરાઃ

રાજભઙ્ગાઃ ।
મેષે જૂકનવાંશકે દિનકરે પાપેક્ષિતે નિર્ધનઃ
કન્યારાશિગતે યદા ભૃગુસુતે ક્ન્યાંશકે ભિક્ષુકઃ ।
નીચર્ક્ષે ત્વાતિનીચભાગહિતે જાતો દિવાનાયકે
રાજશ્રેષ્ઠકુલાગ્રજોઽપિ વિગતશ્રીપુત્રદારાશનઃ

મન્દારાહિસમન્વિતેઽમરગુરૌ શુક્રેન્દુપુત્રેક્ષિતે
જાતઃ શૂદ્રકલેવરોઽપિ નિખિલાં વિદ્યામુપૈતિ શ્રિયમ્ ।
તારાનાથવિકર્તનૌ ગદગતૌ સૌરેણ સંવીક્ષિતૌ
જાતોઽસૌ સમુપૈતિ નીચવિહિતોપાયેન સપ્તીવનમ્

કેન્દ્રસ્થે વા વિલગ્ને દિનકરતનયે સૌમ્યખેતૈરદૃષ્ટે
ભૂસૂનોઃ કાલહોરાસમયજમનુજો ભિક્ષુકો દાસભૂતઃ ।
સૌમ્યાદૃષ્ટેઽર્ક્કિદૃષ્ટે શશિનિ સરુધિરે મેષગે ભિક્ષુકઃ સ્યા-
દર્ક્કીન્દ્વર્ક્કૈઃ સકેન્દ્રૈર્જડતનુરધનશ્ચાન્યભુક્તાશનઃ

મન્દે કેન્દ્રગતે વિલગ્નગૃહગે ચન્દ્રેઽન્ત્યભે વાક્પતૌ
જાતો ભિક્ષુક એવ શોકજલધૌ ભગ્નો વિદેશં ગતઃ ।
ધર્મસ્થાનપતૌ તુ રિઃફગૃહગે પાપગ્રહે કેન્દ્રગે
જાતઃ પાપરતઃ પરન્નધનભુગ્ વિદ્યાવિહીનો ભવેત્

જીવે રહુયુતેઽથવા શિખિયુતે પાપેક્ષિતે નીચકૃન્
નીચે નીચસમીક્ષિતે સુરગુરૌ વિપ્રાઽતિદુષ્કર્મકૃત્ ।
નિદ્રી ચન્દ્રવિલગ્નપૌ સહ દિવાનાથેન મન્દેક્ષિતૌ
પ્રેષ્યઃ સ્યાદશુભૈઃ શુભગ્રહદૃશા હીનૈશ્ચ માનસ્થિતૈઃ

ભાગુએશેઽન્ત્યગતે સહાદરગતૈઃ પાપૈર્વ્યયેશેઽર્થગે
દુર્ભોજી પરિબન્ધનાદિસહિતો જાતોઽન્યજાયારતઃ ।
સર્વૈનીચસપત્નભાગાહિતૈઃ કર્મેતસ્થાનગૈ-
ર્વિદ્યાબુદ્ધિકલત્રપુત્રરહિતઃ કોપી સદા ભૈક્ષકૃત્

લગ્નસ્વામિનિ રિઃફગે તુ વિયતિ ક્રૂરે સચન્દ્રે કુજે
જાતોઽસૌ પરદેશગઃ સુખધનત્યાગી દરિદ્રો ભવેત્ ।
હોરાજન્મપતી ન શોભન્યુતાવસ્તઙ્ગતાવન્ત્યગે
ભાગ્યેશે યદિ નષ્ટદારતનયો જાતઃ કુલધ્વંસકઃ

સૌમ્યાસૌમ્યયુતેષુ કેન્દ્રભનેષ્વિન્દૌ તનુસ્વામિના
દૃષ્ટે મન્દનવાંશકે સતિ કુલધ્વંસી વિદારાત્મજઃ ।
કામેબોધનશુક્રયોઃ સુતગૃહે જીવે સુખસ્થે શુભે
પાપે રન્ધ્રગતે ચ ચન્દ્રભવનાજ્જાતાઃ કુલઘ્વંસિનઃ

ચરાવસાને શશિનિ સ્થિરાદૌ દ્વિદેહમધ્યે બલવર્જિતે ચ ।
હીને વિલગ્ને યદિ કેચરેન્દ્રૈર્વિનાશમેતિ ક્ષિતિપાલયોગાત્

લગ્નરાશિનવભાવનાયકા ભાનુશીતકરદેવપૂજિતાઃ ।
શત્રુભાગસહિતાઃ સ્વનીચભસ્વામિભાંશસહિતાઃ પરાનુગઃ

શશિનિ ગગનઆતે કામગે દાનવેજ્યે નવમભવનયાતે પાપખેટે કુલઘ્નઃ ।
ભૃગુજશશિજચન્દ્રાઃ કેન્દ્રગા જન્મલગ્ને તમસિ વિહિતકર્મઘ્વંસકો નીચતુલ્યઃ

નીચે ભ્રિગૌ મ્ન્દનવાંશકે વા દુઃથાનગે ભાનુસુતેક્ષિતે ચ ।
કામસ્થિતે શીતકરે સભાનૌ માત્રા સહ પ્રૈષ્યભુપૈતિ નિત્યમ્

નીચે ગુરૌ વાસર્નાયકે વા કેન્દ્રસ્થિતે પાપયુતે શિશુઘ્નઃ ।
કેન્દ્રે સપાપે શુભદૃષ્ટિહીને રન્ધ્રે ગુરૌ ગોમૃગજાતિહન્તા

શશાઙ્કસૌમ્યૌ દશમોપયાતૌ પાપેક્ષિતૌ પાપસમન્વિતૌ ચ ।
નીચાંશગૌ સૌમ્યદૃશા વિહીનૌ જાતસ્તુ નિત્યં ખલુ પક્ષિહન્તા

ચન્દ્રાત્સુતે લગ્નપતૌ ધને વા સૌમ્યેતરેષ્વષ્ટમરાશિગેષુ ।
માનસ્થિતે શીતકરે તદગ્ની જાતસ્તુ જીવત્યતિહેયવૃત્ત્યા

નીચારિભાંશૌ ભૃગુદેવપૂજ્યૌ તદંશકે વાસરનાથપુત્રે ।
જાતઃ સુદુઃખઃસુતદારહીનઃ કૃચ્છેણ સઞ્જીવતિ ભાગ્યહીનઃ

સર્વે પાપાઃ કેન્દ્રનીચારિસંસ્થાઃ સૌમ્યર્દૃષ્ટા રિઃફરન્ધ્રારિયાતઃ ।
નિઘ્નત્યેતે રાજયોગ્ં ગ્રહેન્દ્રા નીચારાતિક્રૂરષષ્ઠ્યંશકાશ્ચ

કેન્દ્રસ્થિતા મન્દનિશાકરાર્કાઃ શુભૈરદૃષ્ટા યદિ મદ્યપાયી ।
ક્રૂરારિષષ્ઠ્યંશકનીચભાગા દુષ્કર્મયુક્તોઽન્યકલત્રગામી

નીચે ભૃગૌ ધર્મગતે સપાપે દ્વિજપ્રહર્તા યદિ પાપદૃષ્ટે ।
વ્યયે શુભર્ક્ષેઽર્કસુતાંશકસ્થે ભૃગૌ ચ દાસીવરનન્દનઃ સ્યાત્

અથ રેકાયોગાઃ ।
લગ્નેશે બલવર્જિતે પરિભવસ્થાનાધિપેનેક્ષિતે
સૂર્યોચ્છન્નકરે પુરન્દરગુરૌ રેકાખ્યયોગો ભવેત્ ।
બન્ધુસ્થાનપ્સંયુતાંશકપતૌ તિગ્માંશુલુપ્તદ્યુતૌ
રિઃફેશેન નિરીક્ષિતે સતિ યદા યોગસ્તુ રેકાડયઃ

ષષ્થસ્વામિનિરીક્ષિતે સુખપતૌ રન્ધ્રેશયુક્તે તથા
માનેશે સુતગે વિલગ્નરમણે નીચં ગતે રેકભાક્ ।
રન્ધ્રારિવ્યયરાશિગા યદિ શુભાઃ કેન્દ્રત્રિકોણોપગાઃ
પાપા લાભગૃહાધિપે ચ વિબલે રેકાભિશસ્તો ભવેત્

હોરશઃ ખલસંયુતઃ સિત ગુરુ ચાસ્તં ગતૌ તદ્વદેદ્
બન્ધુસ્થાનપતિઃ શુભેતરયુતશ્ચાસ્તં ગતો રેકદઃ ।
ભાગ્યસ્થાનપતૌ વિકર્તનકરચ્છત્ને વિલગ્નાધિપે
નીચસ્થે ધનપે ચ નીચગૃહગે રેકાભિધાનો ભવેત્

નીચસ્થા યદિ વા દિનેશાકિરણચ્છન્નાસ્ત્રયો લગ્નપે
દુષ્ટસ્થાનગતેઽથવા ગતબ્લે યોગસ્તુ રેકપ્રદઃ ।
હોરાવિત્તનવાસ્પદાયસુખધીકામાનુસ્થાઃ ખલા-
સ્તસ્યાયુર્નવભાગરેકફલદા નીચારિપાપેક્ષિતાઃ

એકદ્વિકત્રિકસ્વલદ્યચરા નરાણાં કલ્પેસ્વેવિક્રમગતાઃ પરતસ્તથૈવ ।
આદૌ તુ મધ્યવયસિ ક્રમશસ્તદન્ત્યે રેકપ્રદાઃ રિપુસ્વલગ્નહનીચદૃષ્ટાઃ

રેકાયોગફલમ્ ।
નિર્વિદ્યો વિધનો દરિદ્રસહિતો રેકોદ્ભવઃ કામુકઃ
ક્રોધી દુઃખિતમાનસો રુચિકરઃ સૌભાગ્યહીનઃ પટુઃ ।
ભિક્ષાશી મલિનો વિવાદનિરતો માત્સર્યરોપાન્વિતો
દેવબ્રાહ્મણદૂષકઃ પ્રતિદિનં દારાત્મજૈર્નિદિતઃ

દુષ્ટાત્મા કુનખી કુમર્ગનિરતો અભાગાયોગાન્વિતો
બન્ધૂનામપકારદૂષણપર્ઃ સ્વલ્પાધુરાભિક્ષુકઃ ।
મૃકોઽન્ધો બધિરઃ પ્રમત્તહ્વદ્યઃ કામાહુરો રોષવાણ્
પઙ્ગુર્નેત્રવિકારભાવસહિતો રેકોદ્ભવઃ સ્યાન્નરઃ

અથ દરિદ્રયોગાઃ ।
ભાગ્યેશ્વરાદતિબલો નિધનેશ્વરો વા લગ્નાધિપસ્ત્રિદશનાથગુરુર્યદિ સ્યાત્ ।
કેન્દ્રાદ્વહિદિનકરસ્ય કરામિતપ્તો લાભાધિપો યદિ વિહીનબલો દરિદ્રઃ

લાભારિવ્યયરન્ધ્રપુત્રગૃહગા જીવારમન્દેન્દુજા
નીચસ્થાનગતા યદા રવિકરચ્છન્નાસ્તદા ભિક્ષુકઃ ।
ભાગ્યસ્થાનગતો દિનેશતનયઃ સૌમ્યેતરૈરીક્ષિતો
લગ્નસ્થઃ શશિનન્દનો રવિયુતો નીચાંશગો ભિક્ષુક

જીવજ્ઞશુક્રરવિનન્દનભૂમિપુત્રા રન્ધ્રારિરિઃફસુરકર્મગતા યદિ સ્યાત્ ।
લગ્નેશ્વરાદતિબલી વ્યયભાવનાથો નીચસ્થિતો રવિકરાભિહિતો દરિદ્રઃ

શુક્રાર્યદ્વિજરાજભૂમિતનયા નીચસ્થિતા જન્મનિ
વ્યોમાયે નવમે કલત્રતનયે જાતો દરિદ્રો ભવેત્ ।
લગ્ને દાનવપૂજિતેઽમરગુરૌ પુત્રે ધરાનન્દને
લાભે રાત્રિકરે તૃતીયભવને નીચં ગતે ભિક્ષુકઃ

લગ્ને ચરે ચરનવાંશગતેઽસિતેન દૃષ્ટે ચ નીચગુરુણા યદિ ભિક્ષુકઃ સ્યાત્ ।
જાતો વિનાઽમરપુરોહિતલગ્નરાશિ જીવે રિપુવ્યયગતે તુ ભવેદ્દરિદ્રઃ

જાતઃ સ્થિરે લગ્નગતે તુ પાપાઃ કેન્દ્રત્રિકોણોપગતાશ્ચ સર્વે ।
કેન્દ્રાદ્વહિઃસ્થાનગતાસ્તુ સૌમ્યા ભિક્ષાશનઃ સ્યાત્પરપોષિતશ્ચ

ચરે વિલગ્ને નિશિ સૌમ્યખેટસ્ત્રિકોણકેન્દ્રોપગતા નવીર્યાઃ ।
સ્વલગ્નહાઃ કેન્દ્રબહિઃસ્થિતાશ્ચેદ્ ભિક્ષાશનં નિત્યમુપૈતિ જાતઃ

પાપા નીચસ્થાનગાઃ પાપકર્મા, સૌમ્યા નીચસ્થાનગા ગૂઢપાપઃ ।
જીવે નીચસ્થાનગે કર્મરાશૌ, નીચે ભૌમે મન્દનસ્થે તથૈવ

નીચાંશગસ્તુઙ્ગગૃહોપયાતા જાતસ્ય નીચં ફલમાશુ દદ્યુઃ ।
નીચઙ્ગતાસ્તુઙ્ગનવાંશકસ્થાઃ સૌમ્યં ફલં વ્યોમચરાઃ પ્રકુર્યુઃ

અથ દરિદ્રયોગફલમ્ ।
નિર્ભાગ્યો વિલએન્દ્રયો વિષમઢીર્દારાત્મજૈર્નિન્દતો
ભિક્ષાશી વિષમસ્થિતો વિષમવાક્ શિશ્રોદરે તત્પરઃ ।
અન્યાયર્જનતત્પરસ્ત્વનુદિનં માત્સર્યવાક્ કણ્ટકી
નિત્યં ત્યાત્પરદારસક્તહૃદયો નીચોઽન્ધમૂકો જડઃ

દારિદ્રયોગે કલહપ્રિયઃ સ્યાત્ કુષ્ટી પરેષાં હિરહ્વત્ કૃતઘ્નઃ ।
વાચાલકો ભૂસુરભક્તિહીનઃ કુદારયુક્તઃ કુનસ્વી ચ જાતઃ

અથ પ્રેષ્યયોગાઃ ।
માને રવૌ મન્મથગે નિશીશે ગેહે શનૌ સોદરગે ધરાજે ।
લગ્ને ચરે દેવગુરૌ ધનસ્થે જાતો નિશાયાં પરકાર્યકૃત્સ્યાત્

ધર્મે ભૃગૌ કામગતે મૃગાઙ્કે વાચસ્પતૌ વિત્તવિલગ્નપે વા ।
રન્ધ્રસ્થિતે ભૂતનયે ચ કીર્ત્યા લગ્ને સ્થિરે પ્રેષ્યભવા ભવન્તિ

પ્રેષ્યશ્ચરોદયપતૌ નિશિ સન્ધિયાતે કેન્દ્રસ્થિતે યદિ પ્ખલદ્યુચ તુ જાતઃ
મન્દેન્દુજીવભૃગુજા દિવિ કેન્દ્રકોણે સન્ધિસ્થિતાઃ સ્થિરવિલગ્નયુતે તથા સ્યાત્ ।
ઐરાવતાંશેન્દ્રગુરૌ સસન્ધૌ શીતદ્યુતૌ ચોત્તમવર્ગયુક્તે ।
કેન્દ્રાદ્ વહિઃસ્થે નિશિ કૃષ્ણપક્ષે શુક્રે વિલગ્ને પરકર્મજીવી

પ્રેષ્યો ભવેદરિસુખાસ્પદસન્ધિયાતા ભૂપુત્રદેવગુરુવાસરનાયકાશ્ચેત્ ।
પાપાંશકે શશિનિ શોભનરાશિયુક્તે જીવે વિલગ્નપયુતેપરકાર્યકૃત્સ્યાત

મૃગાનનસ્થે પુરુહૂતવન્દ્યે સપત્નભાવાષ્ટમરિઃફરાશૌ ।
રસાતલસ્થે હિમગૌ વિલગ્નાજ્જાતઃ પરપ્રેષ્યમુપૈતિ નિત્યમ્

અથ પ્રેષ્યયોગફલમ્ ।
પાપાત્મા કલહપ્રિયઃ કાઠિનવાહ્ ભૂદેવતાદૂષકો
વિદ્યાભાગ્યવિહીનદુષ્ટરસિકો માત્સર્યકોપાન્વિતઃ ।
મિથ્યાવાદવિનોદવઙ્ચનરતઃ શિશ્નોદરે તત્પરઃ
કારુણ્યાસ્થિરમાનભઙ્ગિચતુરો યોગે પરપ્રેષ્યકે

અથ અઙ્ગહીનયોગાઃ ।
મેષે વૃષે ચાપધરે વિલગ્ને વિકારદન્તો યદિ પાપદૃષ્ટે ।
મન્દે મન્દસ્થેઽહિયુતે કુજે વા બલૈર્વિહીનેઽઙ્ગવિહીનવાન્ સ્યાત્

લગ્નાદ્દશમગશ્ચન્દ્રઃ સપ્તમસ્થો ધરાસુતઃ ।
દ્વિતીયસ્થાનગો ભાનુરઙ્ગહીનો ભવેન્નરઃ

ત્રિકોણગે જ્ઞે વિબલૈસ્તતોઽપરૈર્મુખાઙ્ઘ્રિહસ્તૈર્દ્વિગુણૈસ્તદા ભવેત્ ।
અવાગ્ગવીન્દાવશુભૈર્ભસન્ધિગૈઃ શુભેક્ષિતે ચેત્ કુરુતે ગિરં ચિરાત્

સૌમ્ય્ર્ક્ષાશે રવિજરુધિરૌ ચેત્ સદન્તોઽત્ર જાતઃ
કુબ્જઃ સ્વર્ક્ષે શશિનિ તનુગે મન્દમાહેયદૃષ્ટે ।
પઙ્ગુર્મીને યમશશિકુજૈર્વીક્ષિતે લગ્નસંસ્થે
સન્ધૌ પાપે શશિનિ ચ જડઃ સ્યાન્ન ચેત્સૌમ્યદૃષ્ટિઃ

સૌરશશાઙ્કદિવાકરદૃષ્ટે વામનકો મકરાન્ત્યવિલગ્ને ।
ધીનવમોદયગૈશ્ચ દૃગાણૈઃ પાપયુતૈરભુજાઙ્ધ્રિશિરાઃ સ્યાટ્

લગ્નદ્રેક્કાણગો ભૌમઃ સૌરસૂર્યેન્દુવીક્ષિતઃ ।
કુર્યદ્વિશિરસન્તદ્વત્ પઙ્ચમે બાહુવર્જિતમ્

રવિશશિયુતે સિંહે લગ્ને કુજાર્કિનિરીક્ષિતે
નયનરહિતઃ સૌમ્યાસૌમ્યૈઃ સબુદ્બુદલોચનઃ ।
વ્યયગૃહગતશ્ચન્દ્રો વામં હિનસ્ત્યપરં રવિ-
ર્ન શુભગદિતા યોગા યાપ્યા ભવન્તિ શુભેકિતાઃ

શૂરઃ સ્તબ્ધો મધ્યદૃષ્ટિર્વિલગ્ને મેષે સ્વોચ્ચે રોગદૃક્ સિંહગેઽર્કે ।
રાત્રાવન્ધસ્તૌલિગે નિર્દ્ધની સ્યાત્ કર્કિણ્યર્કે લગ્નગે બુદ્બુદાક્ષઃ

વ્યયે રવીન્દૂયુગપત્ પૃથક્સ્થૌ નેત્રે હરેતામપસવ્યસવ્યે ।
ષટ્છિદ્રગાશ્ચાક્ષિ હરન્તિ સવ્યં રિપૌ દક્ષિણમષ્ટમસ્થાઃ

વિકર્તનો લગ્નગતોઽસ્તગો વા દિનેશપુત્રાભિયુતેક્ષિતશ્ચેત્ ।
તસ્યેક્ષણં દક્ષિણમાશુ હન્યાદહીક્ષમાસૂનુયુતસ્તુ વામમ્

દિનેશચન્દ્રૌ યદિ રિષ્ફયાતૌ સપત્નરન્ધ્રવ્યયગાસ્ત્વસૌમ્યાઃ ।
હન્યાદરિસ્થો નયનં હિ વામં રન્ધ્રસ્થિતો દક્ષિણભાગનેત્રમ્

કુજે ધનેશે નિધને રવીન્દ્વોઃ શત્રુવ્યયસ્થાનગતે,અર્કજેઽન્ધઃ ।
રન્ધ્રાવસાનારિતે શશાઙ્કે શનૌ સભૌમે યદિ નષ્ટનેત્રઃ

ષષ્થે ચન્દ્રેઽષ્ટમે ભૌમે લગ્નાદન્ત્યગતેઽર્ક્કજે ।
વિત્તસ્થાનગતે ભૌમે શક્રોઽપ્યન્ધો ભવેદ્ ધ્રુવમ્

લગ્નેશ્વરેણ સહિતે યદિ ચિત્તનાથે દુઃસ્થેઽક્ષિનાશનમથાસ્ફુજિદિન્દુયુક્તે ।
નેત્રેશ્વરે તનુગતે યદિ નૈશિકોઽન્ઘઃ સ્વોચ્ચે શુભગ્રહયુતે ન તથા વદન્તિ

અથ રોગયોગાઃ ।
રાહૌ વિલગ્ને સકુજેઽર્કપુત્રે સાહૌ બૃહદ્વીજમિવાહુએઆર્યાઃ ।
લગ્નેશ્વરે મૃત્યુગતે સરાહૌ રન્ધ્રે સમાન્દૌ ચ તથૈવ વાચ્યમ્

લગ્ને સરાહૌ ગુલિકે ત્રિકોણે રન્ધ્રે કુજે મન્દયુતે તથૈવ ।
લગ્નેશ્વરાક્રન્તતદંશનાથે રાહ્વારમાન્દ્યાદિયુતે તથૈવ

લગ્ને રવૌ ભૂમિસુતેન દૃષ્ટે ગુલ્મક્ષયશ્વાસનિપીડિતઃ સ્યાત્ ।
ભૌમે વિલગ્ને શાનિસૂર્યદૃષ્ટે વસૂરિરોગાભિહતો મનુષ્યઃ

પાપેક્ષિતે રવિસુતે ધનરાશિયુક્તે પાપાન્વિતે શુનકભીતિમુપૈતિ મર્ત્યઃ ।
તદ્ભાવનાથસહિતે દિનનાથપુત્રે દૃષ્ટેઽથ વા શુનકભીતિમુપૈતિ જાતઃ

વીર્યાન્વિતે રાહુસમેતરાશિનાથાન્વિતે રાહુયુતે વિલગ્ને ।
સર્પાદ્ ભયં વિક્રમરાશિનાથે બુધેન યુક્તે ગલરોગમેતિ

નીચે તૃતીયેઽરિગૃહે વિભૂઢે પાપેક્ષિતે તદ્રલરોગવાન્ સ્યાત્ ।
વિષપ્રયોગાદ્વિષભક્ષણાદ્વા તેષામભાવેઽર્થવિનાશનાર્થઃ

પાપે તૃતીયે લગ્નરોગમત્ર વદન્તિ ચાન્દ્રાદિયુતે વિશેષાત્ ।
ભૌમાન્વિતે પ્રેતપુરીશસૂનૌ તૃતીયરાશૌ યદિ કર્ણરોગમ્

પાપેક્ષિતે સોદરભે સપાપે કર્ણોદ્ભવં રોગમુપૈતિ જાતઃ ।
ક્રૂરાવિષષ્ટ્યંશયુતે તદીશે કર્ણસ્ય રોગં કથયન્તિ તજ્જ્ઞાઃ

પૈતોલ્બણં યાતિ રવૌ રિપુસ્થે પાપેક્ષિતે પાપમન્વિતે ચ ।
ભાનૌ સરન્ધ્રે વિબલે ધરાજે પાપે ધનસ્થે તુ તથૈવ વાચ્યમ્

શ્લેષ્માભયં બુધયુતેઽવનિજે રિપુસ્થે ક્રુરાંશકે યદિ સિતેન્દુસમીક્ષિતે ચ ।
પાપેક્ષિતેઽવનિસુતે નિધનોપયાતે કેતૌ ધનાષ્ટમગતે વ્રણરોગમેતિ

ષષ્ઠેશ્વરે પાપયુતે વિલગ્ને રન્ધ્રસ્થિતે વા વ્રણયુકશરીરઃ ।
કર્મસ્થિતે તાદ્દશખેચરેન્દ્રે વ્રણાક્કિતઃ સ્યાચ્છુભદૃગ્વિહીને

લગ્નેશભૂપુત્રશશાઙ્લપુત્રાઃ સહ સ્થિતઃ સૌમ્યતરાન્ય્ભાવાઃ ।
અપાનરોગં સ્વ્થવાઽપવિત્રં પશ્યન્તિ ષષ્ઠં મુનયો વ્દન્તિ

લગ્નેશષષ્ઠાધિપતી દિનેશયુક્તૌ જ્વરં ચન્દ્રસમન્વિતૌ ચેત્ ।
જલપ્રમાદં ક્ષિતિસૂનુયુક્તૌ યુદ્ધેન વા સ્ફોટકરાશિભિર્વા

પિત્તાત્પ્રમાદં યદિ સૌમ્યયુક્તૌ નિર્વ્યાધિકઃ સૂરસમન્વિતૌ ચેત્ ।
શુક્રેણ ભાર્યાવિપદં વદન્તિ મન્દેન નીચાનિલરોગમાહુઃ

સરાહુકેતુ યદિ સર્પપીડાં ચોરાદિભિર્ભીભિર્તિમુપૈતિ જાતઃ ।
કેન્દ્રત્રિકોણે યદિ સાહિકેતૂ વદન્તિ તજ્જ્ઞા નિગલં તદાનીમ્

ષષ્ઠેશ્વરશ્ચન્દ્રસુતેન યુક્તઃ સાગુવિલગ્ને સ્વયમત્ર શિશ્નમ્ ।
છિનત્ત્યસૌ સૌમ્યદ્દશા વિહીનઃ સભૂમિપુત્રો યદિ લિઙ્ગરોગી

કામેશ્વરઃ શુક્રયુતો રિપુસ્થઃ કલત્રષણ્ઢત્વભુદીરયન્તિ ।
ષષ્ઠેશલગ્નાધિપતી સમન્દૌ કેન્દ્રત્રિકોણે યદિ બન્ધનં સ્યાત્

ચરે વિલગ્ને રિપુનાથદૃષ્ટેકુજે ચ લાભે સ્થિરગે ચ ધર્મે ।
દ્વન્દ્વેઽસ્તરાશૌ પ્રવદેન્નરાણાં રોગં રિપૂણાં કૃતમાભિચારમ્

જીવે સમન્દે દશમેઅર્ધચન્દ્ર્ વૈકલ્યભઙ્ગે ક્ષિતિજે કલત્રે ।
દિનેશચન્દ્રૌ રવિરાશિયુક્તૌ ચન્દ્રર્ક્ષગૌ વા યદિ શોષણં સ્યાત્

લગ્ને રવૌ ભૂમિસુતે કલત્રે સૂન્માદભાક્ તત્ર નરો હિ જાતઃ ।
ઉન્માદબુધિં સમુપૈતિ લગ્ને શનૌ કલત્રે સકુજે ત્રિકોણે

લગ્નત્રિકોણે દિનનાથચન્દ્રૌ શૌર્યે ગુરૌ કેન્દ્રસમન્વિતે વા ।
સોન્માદબુદ્ધિઃ સ ભવેત્તદાનીં શરાસનાદૌ યદિ જન્મલગ્ને

કન્દ્રસ્થિતૌ સૌમ્યનિશાક્રૌ વા સૌમ્યાંશહીનૌ ભ્રમસંયુતઃ સ્યાત્ ।
કેન્દ્રસ્થિતા મન્દનિશાકરાર્કા જડો ભવેદત્ર મધૂપભોક્તા

કુલીરકુમ્ભાલિનવાંશયુક્તે ચન્દ્રે સમન્દે યદિ ગુહ્યરોગી ।
ચન્દ્રે સુખે તદ્ભવનાંશયુક્તે પાપાન્વિતે સ્યાદ્યદિ કુણ્ઠરોગી

ચન્દ્રે સપાપે ફણિનાથયુક્તે રિઃફે સુતે રન્ધ્રગતેઽથવાઽપિ ।
જન્માદભક્ તત્ર સરોષયુક્તો જાતસ્તુ નિત્યં કલહપ્રિયઃ સ્યાત્

ચન્દ્રેવ્યયે વા યદિ વાસુરેશે મન્દે ત્રિકોણે મદરન્ધ્રગેઽર્કે ।
દન્તાક્ષિરોગી ચ ભવેત્તદાની નીચારિપાપાંશગતાસ્તથૈવ

સુતામ્બુગૌ પાપખગૌ વિશેષાચ્ચેદષ્ટરિઃફારિગતેઽન્ધતા સ્યાત્ ।
શુભગ્રહાણામવલોકહીને ચાન્ધો ભવત્યેવ શુભૈર્ન દોષઃ

હિત્વા લગ્નપતિ વિલગ્નસહિતેષ્વન્ત્યેષુ કુષ્ઠં વદેત્
નીલં ભાનુસુતે તુ ચણ્ડકિરણે રક્તં સિતં ભૂમિજે ।
મન્દેન ક્ષિતિજેન વા યદિ યુતે કર્ક્યન્ત્યનક્રાંશકે
કેન્દ્રે શોભનયોગદૃષ્ટિરહિતે કુષ્ટં વદેદ્ દેહિનામ્

પાપાન્વિતે શશિનિ રન્ધ્રપલગ્નરાશૌ સર્પેક્ષિતે નિધનપે યદિ ગુહ્યરોગી ।
રન્ધ્રે ચતુસ્ત્રિતયપાપયુતે તથૈવ સૌમ્યગ્રહેણ સહિતે યદિ રોગહીનઃ

જલચરગૃહરોગેન્દૌ તત્પતૌ ષષ્ઠ્યાતે જલગૃહગતખેટૈરીક્ષિતે મૂત્રકૃચ્છમ્ ।
પરિભવરિપુયાતે શીતગૌ ભૌમદૃષ્ટે રવિસુતયુતલગ્ને શોણિતં રોગમેતિ

ક્ષીણે મન્દગૃહોદયે હિમકરે પાપગ્રહૈરન્વિતે
રન્ધ્રારાતિગતેઽથવા પવનકૃદ્ ગુલ્માદિરોગં વદેત્ ।
ચન્દ્રે પાપવિયચ્ચરાન્તરઙ્ગતે મન્દે મદસ્થાનગે
જાતો વિદ્રધિજન્મશોષજનિતૈઃ સન્તપ્તદેહો ભવેત્

અજીર્ણગુલ્મામયશૂલમેતિ કુજે વિલગ્ને વિબલેઽરિનાથે ।
લગ્ને સપાપે ફણિનાયકે વા મન્દેઽષ્ટમે કુક્ષિરુગદિતઃ સ્યાત્

હ્વચ્છુલરોગમુપયાતિ સુખે ફણીશે પાપેક્ષિતે ગતબલે યદિ લગ્નનાથે ।
શૂલાભયં તનુપતૌ રિપુનીચરાશૌ ભૌમે સુખે રવિસુતે યદિ પાપદૃષ્ટે

જાતો ભુક્તિવિરોધરેગનિહતો રન્ધ્રેશ્વરે દુર્બલે
લગ્ને પાપનિરીક્ષિતે પરિભવસ્તાને સમન્દેક્ષિતે ।
વાન્તિભ્રાન્તિજપાણ્ડુમેતિ સકુજે ચન્દ્રે રિપુસ્થાન્ગે
જાતઃ શૂલવિસર્પમેતિ દિનકૃચ્ચન્દ્રારયુક્તે યદા

આરેક્ષિતે યદિ વિલગ્નગૃહેઽરિનાથે ભાનેઽથવાઽસ્તતનુગે કૃતમાભિચારમ્ ।
લગ્નાધિપેન સહિતેઽવનિજે વિલગ્ને કેન્દ્રેઽથવા રિપુપતૌ તનુગે તથા સ્યાત્

જાતો નિર્જરદર્શનેન જનિતં રોગં સુખસ્થાનગે
માને લગ્નગતેઽથવાઽમરગુરૌ કેન્દ્રે સમન્દાત્મજે ।
મન્દેઽસ્તે ચરલગ્નગે યદિ શુભે પાપેક્ષિતે શીતગૌ
ભૂતપ્રેતપિશાચદર્શનવશાદ્ રોગં સમેતિ ધ્રુવમ્

ચન્દ્રે પાપનિરીક્ષિતે રિપુગતે પાપાન્વિતે વાતજમ્
જાતઃ શોણિતપિત્તમેતિ વસુધાપુત્રે તથાઽસ્તે સતિ ।
સૌમ્યે વાતકફાભયં ભૃગુસુતે મૂલાતિસારં તથા
મન્દે ગુલ્મમુપૈતિ રાહુશિખિનોઃ પૈશાચરોગં વદેત્

કાસશ્વાસક્ષયજનિરુજં ભાનુભૌમાહિદૃષ્ટે
ષષ્ઠે સૌરે ગુલિકસહિતે સૌમ્યદૃગ્યોગહીને ।
રિઃફે પાપે શશિનિ રિપુગે માનુજે રન્ધ્રયાતે
પાપાંશસ્થે તનુગૃહપતૌ મીનસં રોગમેતિ

મન્દે કુલીરભવનોપગતે મૃગસ્થે ચન્દ્રે જલોદરરુજં સમુપૈતિ જાતઃ ।
સારે શનૌ રિપુગતે રવિરાહુદૃઈષ્ટે લગ્નાધિપે ચ વિબલે સતિ દીર્ઘરોગી

હસ્વઃ કુજે નિજગૃહે સુખવિક્રમસ્થે ચન્દ્રાત્મજે રવિસુતે યદિ લગ્નગે સ્યાત્ ।
સ્વર્ક્ષે કુજે સુખસહોદરગેન્દુસૂનૌ હોરધિપે શનિયુતે તુ તથા વદન્તિ

અથ હોરાયામ્
લગ્નાદ્વ્યયારિગતયોઃ શશિતિગ્મરશ્મ્યોઃ પત્ન્યા સહૈકનયનસ્ય વદન્તિ જન્મ ।
દ્યૂનસ્થયોર્નવમપઙ્ચમસંસ્થયોર્વા શુક્રાર્કયોર્વિકલદારભુશન્તિ જાતમ્

નવમાયતૃતીયધીયુતા ન ચ સૌમ્યૈરશુભા નિરીક્ષિતાઃ ।
નિથમાચ્છવણોપઘાતદા રદવૈકૃત્યકરાશ્ચ સપ્તમે

વર્ગોત્તમાદિશુભવર્ગયુતેઽમરેજ્યે લગ્ને રસાતલગતે યદિ વા બલાધ્યે ।
વિત્તાયવૃદ્ધિગૃહગેષુ વિયચ્ચરેષુ લગ્નાધિપે બલયુતે સુખમેતિ જાતઃ

યે જાતભઙ્ગા નૃપયોગભઙ્ગાઃ પ્રેષ્યા દરિદ્રાઙ્ગવિહીનરેકાઃ ।
યે રોગભેદાઃ પરિકીર્તિતાસ્તે સૂર્યાદિસર્વદ્યુચરપ્રસાદાત્

ઇતિ વૈદ્યનાથવિરચિતે જાતકપારિજાતે જાતકભઙ્ગાસ્થે ષષ્ઠાધ્યાયઃ