જાતકપારિજાતઃ · અધ્યાય p6

તત્રાદૌ સૂર્યાદીનાં કાલાત્મત્વાદિનિરૂપણમ્ ।
કાલસ્યાત્મા ભાસ્કતશ્ચિત્તમિન્દુઃ સત્વં ભૌમઃ સ્યાદ્વચશ્ચન્દ્રસૂનુઃ ।
દેવાચાર્યઃ સૌખ્યવિજ્ઞાનસારઃ કામઃ શુક્રે દુખભેવાર્કસૂનુઃ

અથ ર્વ્યાદીનાં રાજત્વાદિનિરૂપણં
દિનેશચન્દ્રૌ રાજાનૌ સચિવૌ જીવભાર્ગવૌ ।
કુમારે વિત્ કુજો નેતા પ્રેષ્યસ્તપનનન્દનઃ

અથ સૂર્યદીનાં નામાન્તરાણિ ।
દ્દેલિઃ સૂર્યસ્તપનદિનકૃદ્ભાનુપૂષારુણાર્કાઃ
સોમઃ શીતદ્યુતિરુડુપતિગ્લૈર્મૃગાઙ્કેન્દુચન્દ્રાઃ ।
આરો વક્રક્ષિતિજરુધિરાઙ્ગારક્કૂરનેત્રાઃ
સૌમ્યસ્તારાતનયબુધવિદ્વોધનાશ્ચેન્દુપુત્રઃ

મન્ત્રી વાચસ્પતિગુરુસુરાચાર્યદેવેજ્યજીવાઃ
શુક્રઃ કાવ્યઃ સિતભૃગુસુતાચ્છાસ્ફુજિદ્દાનવેજ્યાઃ ।
છાયાસૂનુસ્તરણિતનયઃ કોણશન્યર્કિમન્દાઃ
રાહુઃ સર્પાસુરફણિતમઃ સૈહિકેયાગવશ્ચ

ધ્વજઃ શિખી કેતુરિતિ પ્રસિદ્ધા વદન્તિ તજ્જ્ઞા ગુલિકશ્ચ માન્દિઃ ॥ ૪ ૧।૨॥
અથરવ્યાદીનામુપગ્રહાઃ ।
ઉપ્રગ્રહા ભાનુસુખગ્રરાંશાઃ કાલાદયઃ કષ્ટફલપ્રદાઃ સુય્ઃ

ક્રમશઃ કાલપરિધિધૂમાર્દ્ધપ્રહરાહ્વયાઃ ।
યમકણ્ટકકોદણ્ડમાન્દિપાતોપકેતવઃ

અથ રવ્યદીનાં સ્વરૂપમ્ ।
ભાનુઃ શામલલોહિતદ્યુતિતનુશ્ચન્દ્રઃ સિતાઙ્ગો યુવા
દૂર્વાશ્યમલકાન્તિરિન્દુતનયઃ, સંરક્તગૌરઃ કુજઃ ।
મન્ત્રી ગૌરકલેવરઃ:, કેતુર્વિચિત્રદ્યુતિ

અથ ગ્રહાણાં શુભાશુભત્વાનિરૂપણમ્ ।
પ્રકાશકૌ શીતકરપ્રભાકરૌ, તારાગ્રહાઃ પઙ્ચ ધરાસુતાદયઃ ।
તમઃ સ્વરૂપૌ શિખિસિંહિકાસુતૌ, શુભાઃ શશિજ્ઞામરવન્દ્યભાર્ગવાઃ

ક્ષીણેન્દુમન્દરવિરાદ્દુશિખિક્ષમાજાઃ પાપાસ્તુ પાપયુતચન્દ્રસુતશ્ચ પાપઃ ।
તેયામતીચ શુભદૌ ગુરુદાનવેજ્યૌ, ક્રૂરૌ દિવાકરસુતક્ષિતિજૌ ભવેતામ્

શુક્લાદિરાત્રિદશકેઽહનિ મધ્યવીર્યશાલી દ્વિતીયદશકેઽતિશુભપ્રદોઽસૌ ।
ચન્દ્રસ્તૃટીયદશકે બલવર્જિતસ્તુ સૌમ્યેક્ષણાદિસહિતો યદિ શોભનઃ સ્યાત્

અથ રવ્યાદિનામુદયપ્રકારઃ ।
રવ્યારરાહુમન્દાશ્ચ પૃષ્ટેનોદ્યન્તિ સર્વદા ।
શરિસા શુક્રચન્દ્રજ્ઞા જીવસ્તૂભયતો વ્રજેત્

અથ રવ્યાદીનામાકારવિશેષાઃ ।
દિવાકરજ્ઞૌ વિહગસ્વરૂપૌ સરીસૃપાકારયુતઃ શશાઙ્કઃ ।
પુરન્દરાર્ચાયસિતૌ દ્વિપાદૌ ચતુષ્પદૌ ભાનુસુતક્ષમાજૌ

અથ રવ્યાદીનાં સઙ્ચારદેશાઃ ।
જલાશયુ ચન્દ્રસુરારિવન્દ્યૌ બુધાલયગ્નામચરૌ ગુરુજ્ઞૌ ।
કુજાહિમન્દધ્વજવાસરેશા ભવન્તિ શૈલાટવિસઙ્ચરન્તઃ

અથ રવ્યાદીનાં બાલ્યાદિવયોનિરૂપણમ્ ।
બાલો ધરાજઃ કુમારકસ્ત્રિંશદ્ગુરુઃ ષોડશવત્સરઃ સિતઃ ।
પઙ્ચાશદર્કો વિધુરબ્દસપ્તતિઃ શતાબ્દસઙ્ખ્યાઃ શનિરાહુકેતવઃ

અથ ગ્રહાણાં શાસ્ત્રાધિપત્યનિરૂપણં ધાતુમૂલાસિસંજ્ઞાશ્ચ ।
શાખાધિપા જીવસિતારબોધના ધાનુસ્વરૂપદ્યુચરૌ કુજારુણૌ ।
મૂલપ્રધાનૌ તુહિનાકરાર્કજૌ જીવૌ સિતાર્થૌ તુ વિમિશ્ર ઇન્દુજઃ

અથ ગ્રહાણામવસ્થેયત્તા ।
દીપ્તઃ પ્રમુદિતઃ સ્વસ્થઃ શાન્તઃ શક્તઃ પ્રપીડિતઃ ।
દીનઃ ખલસ્તુ વિકલો ભીતોઽવસ્થા દશ ક્રમાત્

અથ સ્થાનવિશેષાદવસ્થાવિશેષાઃ ।
સ્વોચ્ચત્રિકોણોપગતઃ પ્રદીપ્તઃ સ્વસ્થઃ સ્વહેગે મુદિતઃ સુહૃદ્ભે ।
શાન્તસ્તુ સૌમ્યગ્રહવર્ગયાતઃ શક્તોઽતિશુદ્દઃ સ્ફુટરશ્મિજાલૈઃ

ગ્રહાભિભૂતસ્ત્વતિપીડિતઃ સ્યાદરાતિરાશ્યંશગતોઽતિદીનઃ ।
ખલસ્તુ પાપગ્રહવર્ગયોગાન્ની વેઽતિભીતો વિકલોઽસ્તયાતઃ

અથ ગ્રહણાં વર્ણવિશેષાઃ ।
વર્ણાસ્તામ્રસિતારક્તહરિતાપીતકર્બુરાઃ ।
કૃષ્ણકાન્તિરિનાદીણાં નષ્ટાદૌ ચ પ્રકીર્તિતાઃ

અથ રવ્યાદીનાં દ્રવ્યાણિ અધિદેવતાશ્ચ ।
દ્રવ્યાણિ તામ્રમણિકાઙ્ચનશુક્તિરૌષ્યમુક્તાન્યયશ્ચ દિનનાથમુખગ્ર્હાણામ્ ।
વહ્નિઅમ્બુષણ્મુખહરીન્દ્રશચીવિરઙ્ચિમુખ્યા દિવાકરમુખાદધિદેવતાઃ સ્યુઃ

અથ રવ્યાદીનાં રત્નાનિ ।
માણિક્યં દિનનાયકસ્ય, વિમલં મુક્તાફલં શીતગોઃ
માહેયસ્ય ચ વિદ્રુમં મરકટં સૌમ્યસ્ય ગારુત્મકમ્ ।
દેવેજ્યસ્ય ચ પુષ્પરાગમસુરાચાર્યસ્ય ગારુત્મકમ્
નીલં નિર્મલમન્યયોશ્ચ ગદિતે ગોમેદવૈડૂર્યકે

અથ ગ્રહાણાં વસ્ત્રાદિનિરૂપણમ્ ।
સ્યૂલામ્બરં નૃતનચારુચેલં કૃશાનુતોયાહતમ્ધ્યમાનિ ।
દૃઢાંશુકં જીર્ણમિનાદિકાનાં વસ્ત્રાણિ સર્વે મુનયો વદન્તિ

પ્રાગાદિકા ભાનુસિતારરાહુમન્દેન્દુવિદ્દેવપુગોહિતાઃ સ્યુઃ ।
શુક્રારચન્દ્રજ્ઞૌરેજ્યમન્દા વસન્તમુખ્યર્ત્વધિપા દૃગાણૈઃ

દેવતોયતટવહ્નિવિહારાઃ કોશગેદૃશયનોત્કરદેશાઃ ।
ભાનુપૂર્વનિલયાઃ પરિકલ્પ્યા વેશ્મકોણનિલયાવહિકેનૂ

અથ પર્દેશવિભાગ ઇનાહીનામ્ ।
લઙ્કાદીકૃષ્ણાસરિદન્તમારઃ સિતસ્તતો ગૌતભિકાન્તભૂમિઃ ।
વિન્ધ્યાન્તમાર્યઃ સુરનિગ્નગાન્તં બુધઃ શનિઃ સ્યાત્તુહિનાચકાન્તઃ

અથ ગ્રહાણાં જાતયો ગુણાશ્ચ ।
વિપ્રૌ જીબસિતૌ દિનેશરુધિરૌ ભૂપાલકૌ વૈશ્યરાડ્
ઇન્દુઃ શૂદ્રકુલાધિપઃ શશિસુતો મન્દોઽવરાણાં પતિઃ ।
આદિત્યામરમન્ત્રિશીતકિરણાઃ સત્ત્વપ્રધાનગ્રહાઃ
શુક્રજ્ઞૌ સરજોગુણૌ શનિધરાપુત્રૌ તમઃસ્વામિનૌ

અથ ગ્રહાણાં નરાદિસંજ્ઞા મહાભૂતાધિપત્યશ્ચ ।
નરાકારા ભાનુક્ષિતિજગુરવઃ શુક્રશશિનૌ
વધૂરૂપૌ ષણ્ઢપ્રકૃતિપુરુષૌ મન્દશશિજૌ ।
વિયત્ક્ષોણીતેજપવનપયસામેવ પતયઃ
સુરાચાર્યજ્ઞારધુમણિસુતદેવારિસચિવાઃ

અથ ગ્રહાણાં કક્ષાક્રમ ।
કક્ષાયાં ક્રમઓ દિનેશતયાજ્જ્યોતિર્ભચક્રાશ્રિતાઃ
છાયાસુનુગુરુક્ષમાજદિનકૃચ્છુકેન્દુપુત્રેન્દવઃ ॥ ૨૭ ૧।૨॥
અથ સુર્યાદીનાં ધતુવિશેષાદિ ।
ભજ્જાસ્નાયુવસાઽસ્થિશુક્રરુધિરત્વગ્ધાતુનાથા ક્રમાદ્ ।
આરાર્કિજ્યદિનેશશુક્રશશભૃત્તારાસુતાઃ કીર્તિતાઃ

લવણકટુકપાયસ્વાદુતિક્તામ્લમિશ્રાઃ શશિરવિશનિજીવારાસુરેજ્યજ્ઞનાથાઃ ।
અયનદિવસપક્ષર્ત્વબ્દમાસક્ષણેશા રવિકુજસિતસૌમ્યા મન્દજીવેન્દવશ્ચ

અથ રવ્યાદીનાં સ્થાનવિશેષે દૃષ્ટયઃ ॥
પાદેક્ષણં ભવતિ સોદરમાનરાશ્યોરર્ધં ત્રિકોણયુગલેઽખિલખેચરાણામ્ ।
પાદોનદૃષ્તિનચયશ્ચતુરસ્ત્રયુગ્મે સમ્પૂર્ણદૃગ્બલમ્નઙ્ગગૃહે વદન્તિ

અથ રવ્યાદીનાં દૃષ્ટિવિશેષે બલિત્વમ્ ।
શનિરતિબલશાલી પાદદૃગ્વીર્યયોગે સુરકુલપતિમન્ત્રી કોણદૃષ્ટૌ સુભઃ સ્યાત્ ।
ત્રિતયચરણદૃષ્ટયા ભૂકુમારઃ સમર્થઃ સકલગગનવાઆઃ સપ્તમે દૃગ્બલાઢ્યાઃ

અથ ગ્રહાણામૃધ્વાર્દિદૃષ્ટયઃ ।
અથોર્વદૃષ્ટી દિનનાથભૌમૌ દૃષ્ટિઃ કટાક્ષેણ કવીન્દુસૂન્વોઃ ।
શશાઙ્કગુર્વોઃ ગમભાગદૃષ્ટિરધોઽક્ષિપાનસ્ત્યદિનાથશન્યોઃ

અથ ગ્રહાણાં સ્થાનબલમ્ ।
સ્વોચ્ચત્રિકોણસ્વસુહૃદ્દૃગાણરાશ્યંશવૈશેષિકવર્ગવન્તઃ ।
આરોહવીર્યાધિકવિન્દુકાસ્તે ખેચારિણઃ સ્થાનબલાધિકાઃ સ્યુઃ

નીચારિપાપસ્વગયોગનિરીક્ષ્યમાણાસ્તદ્વર્ગસન્ધિલઘુબિન્દુદુરંશકાશ્ચ ।
આદિત્યરશ્મિપરિભૂતપરાજિતાસ્તે દૃષ્ટયાદિશક્ત્યસહિતાશ્ચ ન શોભનાઃ સ્યુઃ

અથ ગ્રહાણાં દિગ્બલમ્ ।
વિલગ્નપાતાલબધૂનભોગા બુધામરેજ્યૌ ભૃગુસૂનુચન્દ્રૌ ।
મન્દો ધરાસૂનુદિવાકરૌ ચેત્ ક્રમેણ તે દિગ્બલશાલિનઃ સ્યુઃ

અથ કાલબલમ્ ।
નિશીન્દુમન્દાવનિજાઃ પરેઽહનિ સ્વકીયહોરાસમમાસવાસરાઃ ।
સિતાદિપક્ષદ્વયગાઃ શુભાશુભા બુધઃ સદા કાલજવીર્યશાલિનઃ

અથ ચેષ્ટાબલમ્ ।
જૈત્રા વ્ક્રસમાગમોપગસિતજ્ઞારામરેજ્યાસિતાઃ,
દિવ્યાશાયનગેન્દુતિગ્મકિરણૌ ચેષ્ટાબલાંશાધિકાઃ ॥ ૩૬ ૧।૨॥
અથ ગ્રહાનાં નિસર્ગબલમ્ ।
સૌમ્યક્ષેપયુતા મહીસુતભુસ્વા(ખા)શ્ચેષ્ટાબલાઢ્યાઃ ક્રમાન્
નૈસર્ગસ્ય બલાધિકાઃ શનિકુજજ્ઞાચાર્યશુક્રેન્દ્વનાઃ

ક્રમેણ દૃક્સ્થાનનિસર્ગચેષ્ટાદિક્કાલવીર્યાણિ ચ ષડ્બલાનિ ।
સુધાકરેષ્વિન્દુશરેન્દુશૈલભેદાનિ તાનિ પ્રવદન્તિ સન્તઃ

સ્વરૂપષષ્ટ્યંશવિષષ્ટિકાંશા મૃગાદિવીર્યોપગષડ્બલાઢ્યાઃ ।
ક્રમેણ તદ્યોગભવં બલં હિ પૂર્ણ ત્રિપદં દલં વા

અથ બલપ્રમાણમ્ ।
અર્ધાધિકં ષટ્કમિનસ્ય સૂરેઃ શુક્રસ્ય પઙ્ચાધિકમર્ધરૂપમ્ ।
સપ્તેન્દુપુત્રસ્ય બલં ષડિન્દોઃ સૌરારયોઃ સાયકરૂપસઙ્ખ્યા

અથ ગ્રહાણાં તાત્કાલિક-મૈત્રીવિનારઃ ।
અન્યોન્યતઃ સોદરલાભમાનપાતાલવિત્તવ્યયરાશિસંસ્થાઃ ।
તત્કાલમિત્રાણિ સ્વગા ભવન્તિ તદન્યયાતા યદિ શત્રવસ્તે

અથ સૂર્યાદીનાં નૈસર્ગિકાઃ શત્રુમિત્રોદાસીનાઃ ।
મિત્રાણિ ભાનોઃ કુજચન્દ્રજીવાઃ શત્રૂ સિતાર્કી શશિજઃ સમાનઃ ।
ચન્દ્રસ્ય મિત્રે દિનનાયકજ્ઞે સમા ગુરુક્ષ્માજસિતાસિતાઃ સ્યુઃ

આરસ્ય મિત્રાણિ રવીન્દુજીવાશ્ચાન્દ્રી રિપુઃ શુક્રશની સમાનૌ ।
સૂર્યાસુરેજ્યૌ બુધસ્ય સમાઃ શનીજ્યાવનિજાસ્ત્વરીણ્દુઃ

સૂર્યારચન્દ્રાઃ સુહૃદસ્તુ સૂરેઃ શત્રૂ સિતજ્ઞૌ રવિજઃ સમાનઃ ।
મિત્રે શનિજ્ઞૌ ભૃગુન્દનસ્યેન્દ્વનાવરી જીવકુજૌ સમાનૌ

મન્દસ્ય સૂર્યેન્દુકુજાશ્ચ શત્રવઃ સમઃ સુરેજ્યઃ સુહૃદૌ સિતેન્દુજૌ ॥ ૧।૨॥
અથ સૂર્યાદિભ્યઃ ફલવિશેષચિન્તા ।
સૂર્યાદાત્મપિતૃપ્રભાવનિરુજાશક્તિશ્રિયશ્ચિન્તયેત્
ચેતોબુદ્ધિનૃપપ્રસાદજનનીસમ્પત્કરશ્ચન્દ્રમાઃ ।
સત્ત્વં રોગગુણાનુજાવનિસુતજ્ઞાતીર્ધરાસૂનુના
વિદ્યાબન્ધુવિવેકમાતુલસુહૃત્ત્વક્કર્મકૃદ્ધોધનઃ

પ્ર્જ્ઞાનિત્યશરીરપુષ્ટિતનયજ્ઞાનાનિ વાગીશ્વરાત્
પત્નીવાહનભૂષણનિ મદનવ્યઆપારસૌમ્ખ્યં ભૃગોઃ ।
આયુર્જીવનમૃત્યુકારણવિપત્સમ્પત્પ્રદાતા શનિઃ
સર્પેણૈવ પિતામહં તુ શિખિના માતામહં ચિન્તયેત્

અથ ગ્રહાણાં ભાવકારકત્વમ્ ।
દ્યુમણિરમરમ્ન્ત્રી ભૂસુતઃ સોમસૌમ્યૌ ગુરુરિનતનયારૌ ભાર્ગવો ભાનુપુત્રઃ ।
દિનકરદિવિજેજ્યૌ જીવભાનુજ્ઞમન્દાઃ સુરગુરુરિનસૂનુઃ કારકાઃ સ્યુર્વિલગ્નાત્

અથ ગ્રહાણાં સ્થાનનવિશેષે શુભાશુભપ્રદતા ।
કામાવનીનન્દનરાશિયાતાઃ સિતેન્દુપુત્રામરવન્દ્યમાનાઃ ।
અરિષ્ટ્દાસ્તેઽખિલજાતકેષુ સદાઽષ્ટમસ્થઃ શનિરિષ્ટદઃ સ્યાત્

અથ સૂર્યાદીનાં સ્વરૂપાણિ ।
પ્રતાપશાલી ચતુરસ્રદેહઃ શ્યામારુણાઙ્ગો મધુપિઙ્ગલાક્ષઃ ।
પિત્તાત્મકઃ સ્વલ્પકચાભિરામો દેવાકરઃ સત્ત્વગુણપ્રધાનઃ

સઙ્જારશીલો મૃદુવાગ્વિવેકી શુભેક્ષણશ્ચારુતરસ્થિરાઙ્ગઃ ।
સદૈવ ધીમાંસ્થનુવૃત્તકાયઃ કફાનિલાત્મા ચ સુધાકરઃ સ્યાત્

ક્રૂરેક્ષણસ્તરૂણમૂર્ત્તિરુદારશીલઃ પિત્તાત્મકઃ સુચપલઃ કૃશમધ્યદેશઃ ।
સંરક્તગૌરરુચિરાવયવઃ પ્રતાપી કામી તમોગુણરતસ્તુ ધરાકુમારઃ

દૂર્વાદલદ્યુતિતનુઃ સ્ફુટવાક્ કૃશાઙ્ગઃ સ્વામી રજોગુણવતામતિહાસ્યલોલઃ ।
હાનિપ્રિયો વિપુલપિત્તકફાનિલાત્મા સદ્યઃ પ્રતાપવિભવઃ શશિજશ્ચ વિદ્વાન્

બૃહદુદરશરીરઃ પીતવર્ણઃ કફાત્મા સકલગુણસમેતઃ સર્વશાસ્ત્રાધિકારી ।
કપિલરુચિકચાક્ષઃ સાત્ત્વિકોઽતિવ ધીમાન્ અલધુનૃપતિચિહ્નઃ શ્રીધરો દેવમન્ત્રી

અસિતકુટિલકેશઃ શ્યામસૌન્દર્યશાલી સમતતરુચિરાઙ્ગઃ સૌમ્યદૃક્ કામશીલઃ ।
અતિપવનકફાત્મા રાજસઃ શ્રીનિધાનઃ સુખબલસુગુણાનામાકરશ્ચાસુરેજ્યઃ

કાઠીન્યરોમાવયવઃ કૃશાત્મા દૂર્વાસિતાઙ્ગઃ કફમારુતાત્મા ।
પીનદ્વિજશ્ચારુપિશઙ્ગદૃષ્ટિઃ સૌરિસ્તમો બુદ્ધિરતોઽલસઃ સ્યાત્

ઇતરયોગે ગ્રહાણાં વૃદ્ધિમત્તા ।
અર્કેણ મન્દઃ, શનિના મહિસુતઃ, કુજેન જીવો ગુરુણા નિશાકરઃ ।
સોમેન શુક્રોઽસુરમન્ત્રિણા બુધો બુધેન ચન્દ્રઃ ખલુ વર્દ્ધતે સદા

અથ ગ્રહાણાં સ્થાનબલવિશેષઃ ।
સ્વોચ્ચસ્વકીયભવનસ્વદૃગાણદ્દોરાવારાંશકોદગયનેષુ દિન્સ્ય મધ્યે ।
રાશિપ્રવેશસમયે સુહૃદંશકાદૌ મેષૂરણે દિનમણિર્બલવાનજસ્રમ્

ચન્દ્રઃ કર્કિણિ ગોપતૌ નિજદિનદ્રેક્કાણહોરાંશકે
રાશ્યન્તે શુભવીક્ષણે નિશિ સુખે યામ્યાયને વીર્યવાન્ ।
ઇન્દુઃ સર્વકલાધરો યદિ બલી સર્વત્ર સન્ધિ વિના
સર્વવ્યોમચરેક્ષિતસ્તુ કુરુતે ભૂપાલયોગં નૃણામ્

આરઃ સ્વવારનવભાગદૃગાણવર્ગે મીનાલિકન્ભમૃગસુન્બુરુયામિનીષુ ।
વક્રે ચ યામ્યદિશે રાશિમુખે બલાઢ્યો મીને કુલિરભવને ચ દદાતિ

અન્યાનૃયુગ્મભવને નિજવારવર્ગે ચાપે વિના રવિમહુર્નિશમિન્દુસૂનુઃ ।
સૌમ્યાયને ચ બલવાનપિ રાશિમધ્યે લગ્ને સદા યદિ યશોબલવૃદ્ધિદઃ સ્યાત્

મીનાલિચાપકટકે નિજવર્ગવારે મધ્યન્દિનોદગયને યદિ રાશિમધ્યે ।
કુમ્ભે ચ નીચભવનેઽપિ બલી સુરેજ્યો લગ્ને સુખે ચ દશમે બહુવિત્તદઃ સ્યાત્

સ્વોચ્ચસ્વવર્ગદિવસે યદિ રાશિમધ્યે શત્રુવ્યયાનુજગૃહે હિબુકેઽપરાહ્ણ ।
યુદ્ધે ચ શીતકરસઙ્ગમવક્રચારે શુકોઽરુણસ્ય પુરતો યદિ શોભનઃ સ્યાત્

મન્દસ્તુલામકરકુમ્ભગૃહે કલત્રે યામ્યાયને નિજદૃગાણદિને દશાયામ્ ।
અન્તે ગૃહસ્ય સમરે કૃષ્ણપક્ષે વક્રઃ સમસ્તભવનેષુ બલાધિકઃ સ્યાત્

મેષાલિકુમ્ભતરુણિવૃષકર્કટેષુ મેષૂરણે ચ બલવાનુરગાધિપઃ યાત્ ।
કન્યાવસાનવૃષચાપધરે નિશાયામુત્પાતકેતુજનને ચ શિખી બલી સ્યાત્

પ્રોક્તપ્રકારપ્રબલાન્વિતા યે મૂલં વિબલા ભવન્તિ ।
ભાવેષુ યોગેષુ દશાકલષુ ન સમ્યગુક્તાનિ ફલાનિ સન્તિ

અથ ગ્રહાણામધિમુખત્વાદિ ।
અધોમુખા દિનેશસ્ય પૂર્વષટ્કસ્થિતા ગ્રહાઃ ।
અપરાર્દ્ધસ્થિતાઃ ભાનોરૂર્ધ્વાસ્યાઃ સુખવિત્તદાઃ

ભાનામવસ્થાનગતાઃ ક્રમેણ મદાર્યભૌમાર્કિસિતજ્ઞચન્દ્રાઃ ।
તેષામધઃસ્થાનગતો બલીયાન્ રાહુર્ભહીમણ્ડલમૂર્ધિ સંસ્થઃ

સ્થાનવિશેષે સ્થિતિક્રમવિશેષે ચ ગ્રહાણાં વિફલતા ।
સભાનુરિન્ધુઃ શશિજશ્ચતુર્થે ગુરુઃ સુતે ભૂમિસુતઃ કુતુમ્બે ।
ભૃગુઃ સપત્ને રવિજઃ કલત્રે વિલગ્નતસ્તે વિફલા ભવન્તિ

અથ દોષાપહરણમ્ ।
રાહુદોષમ્બુધો હન્યાદુભયોસ્તુ શનૈશ્ચરઃ ।
ત્રયાણાં ભૂમિજો હન્તિ ચતુર્ણા દાનવાર્ચિતઃ

પઙ્ચાનાં દેવમન્ત્રી ચ ષણ્ણાં દોષં તુ ચન્દ્રમાઃ ।
સપ્તદોષં રવિર્હન્યાદ્વિશેષાદુત્તરાયણે

અથ ગ્રહાણાં પીડાકરણપ્રકારઃ ।
સદાઽગ્નિરોગજ્વરવૃદ્ધિદીપનક્ષયાતિસાગદિકરોગસઙ્કુલમ્ ।
નૃપાલદેવાવનિદેવકિઙ્કરૈઃ કરોતિ ચિત્તવ્યસનં દેવાકરઃ

પાણ્ડુદોષજલદોષકામલાપીનસાદિરમણીકૃતામયૈઃ ।
કાલિકાસુરસુવાસિનીગણૈરાકુલં ચ કુરુતે તુ ચન્દ્રમાઃ

પીનબીજકફશાસ્ત્રપાવકગ્રન્થિરુગ્વ્રણદરિદ્રજામયૈઃ ।
વીરશૈવગણભૈરવાદિભિર્ભીતિમાશુ કુરુતે ધરાસુતઃ

ગુહ્યોદરાદૃશ્યસમીરકુષ્ઠમન્દાગ્નિશૂલગ્રહણીરુગાદ્યૈઃ ।
બુધાદિવિષ્ણુપ્રિયદાસભૂતૈરતીવ દુઃખં શશિજઃ કરોતિ

આચાર્યદેવગુરુભૂસુરશાપદોષૈઃ શોકં ચ ગુલ્મરુજમિન્દ્રગુરુઃ કરોતિ ।
અન્તાવિકારજનિમેહરુજા સુરાદ્યૈઃ સ્વેષ્ટાઙ્ગનાજનકૃતૈર્ભયમાસુરેજ્યઃ

દારિદ્યદોષનિજકર્મપિશાચચૌરેઃ ક્લેશં કરોતિ રવિજઃ સહ સન્ધિરોગૈઃ ।
કણ્ડૂમસૂરિરોપુકૃત્રિમકર્મરોગૈઃ સ્વાચારહીનલઘુજાતિગણૈશ્ચ કેતુઃ

કરોત્યપસ્મારમસૂરિરજ્જૂક્ષુદ્દૃક્કૃમિપ્રેતપિશાચભૂતૈઃ ।
ઉદ્વન્ઘનેનારુચિકુષ્ઠરોગૈર્વિધુન્તુદશ્ચાતિભયં નરાણામ્

અથ રાશૌ ગ્રહફલપરિપાકકાલઃ ।
આદ્યન્તમધ્યભવનોપગતા નભોગાશ્ચાદિત્યભૂમિતનયૌ શનિશીતરશ્મી ।
જીવાસુરેન્દ્રસચિવૌ ફલદાઃક્રમેણ તારાસુતઃ સકલકાલફલપ્રદઃ સ્યાત્

અથ ધાતુજરોગે ધાતુનાથોપાસના ।
યદ્ધાતુકોપજનિતાખિલરોગશાન્ત્યૈ તન્નાથમાશુ ઉપતર્પણહોમદાનૈઃ ।
સમ્પૂજ્ય રોગભયશોકવિમુક્તચિત્તાઃ સર્વે નરાઃ સુખયશોબલશાલિનઃ સ્યુઃ

અથ ગ્રહાણાં બાલ્યાદ્યવસ્થાનિરૂપણમ્ ।
બાલઃ કુમારોઽથ યુવા ચ વૃદ્ધો મૃતશ્ચ રાશાવયુજિ ક્રમેણ ।
ત્રિંશલ્જવૈર્ષ્યત્યયતઃ સમે સ્યુરેકૈકશોઽશાઃ પુનરેવ કાર્યાઃ

અથ જાગ્રદાદ્યાવસ્થાઃ ।
ઉચ્ચાંશે સ્વનવાંશે ચ જાગરૂકં વદન્તિ હિ ।
સુહૃન્નવાંશકં સ્વપ્નં સુપ્તં નાચારિભાંશકમ્

અથ ગ્રહાણાં ફલદાનકાલઃ ।
શીર્ષોદયગતઃ ખેટઃ પાકાદૌ ફલદો ભવેત્ ।
પૃષ્ઠોદયસ્થઃ પાકાન્તે સદા ચોભયરાશિગઃ

સમસ્તહોરાફલસારસાન્દ્રવિરાજિતે જાતકપારિજાતે ।
ગ્રહક્રિયારૂપગુણપ્રભેદઃ સઙ્કીર્ર્તિતઃ ખેટકૃપાકટાક્ષાત્

ઇતિ નવગ્રહકૃપયા વૈદ્યનાથવિરચિતે જાતકપારિજાતે
ગ્રહનામસ્વરૂપગુણમેદાધ્યાયઃ