ઈશ્વરપ્રત્યભિજ્ઞાવિમર્શિની · અધ્યાય 3.1

એવમન્તર્બહિર્વૃત્તિઃ ક્રિયા કાલક્રમાનુગા ।
માતુરેવ તદન્યોન્યાવિયુક્તે જ્ઞાનકર્મણી ॥

કિંત્વાન્તરદશોદ્રેકાત્સાદાખ્યં તત્ત્વમાદિતઃ ।
બહિર્ભાવપરત્વે તુ , પરતઃ પારમેશ્વરમ્ ॥

ઈશ્વરો બહિરુન્મેષો , નિમેષોઽન્તઃ સદાશિવઃ ।
સામાનાધિકરણ્યંચ , સદ્વિદ્યાહમિદંધિયોઃ ॥

ઇદંભાવોપપન્નાનાં વેદ્યભૂમિમુપેયુષામ્ ।
ભાવાનાં બોધસારત્વાદ્યથાવસ્ત્વવલોકનાત્ ॥

અત્રાપરત્વં ભાવાનામ્ અનાત્મત્વેન ભાસનાત્ ।
પરતાહન્તયાચ્છાદાત્પરાપરદશા હિ સા ॥

ભેદધીર્ એવ ભાવેષુ કર્તુર્બોધાત્મનોઽપિ યા ।
માયાશક્ત્યેવ સા વિદ્યેત્યન્યે વિદ્યેશ્વરા યથા ॥

તસ્યૈશ્વર્યસ્વભાવસ્ય પશુભાવે પ્રકાશિકા ।
વિદ્યાશક્તિઃ ...................................... ॥

ભેદે ત્વેકરસે ભાતેઽહંતયાનાત્મનીક્ષિતે ।
શૂન્યે બુદ્ધે શરીરે વા માયાશક્તિર્વિજૃમ્ભતે ॥

યશ્ ચ પ્રમાતા શૂન્યાદિઃ પ્રમેયે વ્યતિરેકિણિ ।
માતા સ મેયઃ સન્ કાલાદિકપઞ્ચકવેષ્ટિતઃ ॥

ત્રયોવિંશતિધા મેયં યત્કાર્યકરણાત્મકમ્ ।
તસ્યાવિભાગરૂપ્યેકં પ્રધાનં મૂલકારણમ્ ॥

ત્રયોદશવિધા ચાત્ર બાહ્યાન્તઃકરણાવલી ।
કાર્યવર્ગશ્ચ દશધા સ્થૂલસૂક્ષ્મત્વભેદતઃ ॥