ઈશ્વરપ્રત્યભિજ્ઞાકારિકા · અધ્યાય 2.2

ક્રિયાસંબન્ધસામાન્ય દ્રવ્યદિક્કાલબુદ્ધયઃ
સત્યાઃ સ્થૈર્યોપયોગાભ્યામ્ એકાનેકાશ્રયા મતાઃ ॥

તત્રૈકમ્ આન્તરં તત્ત્વં તદ્ એવેન્દ્રિયવેદ્યતામ્
સંપ્રાપ્યાનેકતાં યાતિ દેશકાલસ્વભાવતઃ ॥

તદ્દ્વયાલમ્બના એતા મનો ઽનુવ્યવસાયિ સત્
કરોતિ માતૃવ્યાપાર મયીઃ કર્માદિકલ્પનાઃ ॥

સ્વાત્મનિષ્ઠા વિવિક્તાભા ભાવા એકપ્રમાતરિ
અન્યોન્યાન્વયરૂપૈક્ય યુજઃ સંબન્ધધીપદમ્ ॥

જાતિદ્રવ્યાવભાસાનામ્ બહિર્ અપ્ય્ એકરૂપતામ્
વ્યક્ત્યેકદેશભેદં ચાપ્ય્ આલમ્બન્તે વિકલ્પનાઃ ॥

ક્રિયાવિમર્શવિષયઃ કારકાણાં સમન્વયઃ
અવધ્યવધિમદ્ભાવા -ન્વયાલમ્બા દિગાદિધીઃ ॥

એવમ્ એવર્થસિદ્ધિઃ સ્યાન્ માતુર્ અર્થક્રિયાર્થિનઃ
ભેદાભેદવતાર્થેન તેન ન ભ્રાન્તિર્ ઈદૃશી ॥