ઈશ્વરપ્રત્યભિજ્ઞાકારિકા · અધ્યાય 1.6

અહંપ્રત્યવમર્શો યઃ પ્રકાશાત્માપિ વાગ્વપુઃ
નાસૌ વિકલ્પઃ સ હ્ય્ ઉક્તો દ્વયાક્ષેપી વિનિશ્ચયઃ ॥

ભિન્નયોર્ અવભાસો હિ સ્યાદ્ ઘટાઘટયોર્ દ્વયોઃ
પ્રકાશસ્યેવ નાન્યસ્ય ભેદિનસ્ ત્વ્ અવભાસનમ્ ॥

તદતત્પ્રતિભાભાજા માત્રૈવાતદ્વ્યપોહનાત્
તન્નિશ્ચયનમુક્તો હિ વિકલ્પો ઘટ ઇત્ય્ અયમ્ ॥

ચિત્તત્ત્વં માયયા હિત્વા ભિન્ન એવાવભાતિ યઃ
દેહે બુદ્ધાવ્ અથ પ્રાણે કલ્પિતે નભસીવ વા ॥

પ્રમાતૃત્વેનાહમ્ ઇતિ વિમર્શો ઽન્યવ્યપોહનાત્
વિકલ્પ એવ સ પર પ્રતિયોગ્ય્ અવભાસજઃ ॥

કાદાચિત્કાવભાસે યા પૂર્વાભાસાદિયોજના
સંસ્કારાત્ કલ્પના પ્રોક્તા સાપિ ભિન્નાવભાસિનિ ॥

તદ્ એવં વ્યવહારે ઽપિ પ્રભુર્ દેહાદિમ્ આવિશન્
ભાન્તમ્ એવાન્ત અર્થૌઘમ્ ઇચ્છયા ભાસયેદ્ બહિઃ ॥

એવં સ્મૃતૌ વિકલ્પે વાપ્ય્ અપોહનપરાયણે
જ્ઞાને વાપ્ય્ અન્તરાભાસઃ સ્થિત એવેતિ નિશ્ચિતમ્ ॥

કિં તુ નૈસર્ગિકો જ્ઞાને બહિરાભાસનાત્મનિ
પૂર્વાનુભવરૂપસ્ તુ સ્થિતઃ સ સ્મરણાદિષુ ॥

સ નૈસર્ગિક એવાસ્તિ વિકલ્પે સ્વૈરચારિણિ
યથાભિમતસંસ્થાના -ભાસનાદ્ બુદ્ધિગોચરે ॥

અત એવ યથાભીષ્ટ સમુલ્લેખાવભાસનાત્
જ્ઞાનક્રિયે સ્ફુટે એવ સિદ્ધે સર્વસ્ય જીવતઃ ॥