ગીતગોવિન્દ (અન્ય આવૃત્તિ) · અધ્યાય 8

ઇતિ શ્રી-ગીત-ગોવિન્દ-મહાકાવ્યે વિપ્રલબ્ધા-વર્ણને
નાગર-નારાયણો નામ
સપ્તમઃ સર્ગઃ
॥7॥
(8)
અષ્ટમઃ સર્ગઃ
વિલક્ષ-લક્ષ્મીપતિઃ
અથ કથમ્ અપિ યામિનીં વિનીય સ્મર-શર-જર્જરિતાપિ સા પ્રભાતે ।
અનુનય-વચનં વદન્તમ્ અગ્રે પ્રણતમ્ અપિ પ્રિયં આહ સાભ્યસૂયમ્

॥ પ્રબન્ધઃ 17 ॥
ભૈરવિ-રાગ-યતિ-તાલાભ્યાં ગીયતે ।
રજનિ-જનિત-ગુરુ-જાગર-રાગ-કષાયિતમ્ અલસ-નિમેષમ્ ।
વહતિ નયનમ્ અનુરાગમ્ ઇવ સ્ફુટમ્ ઉદિત-રસાભિનિવેશમ્

હરિ હરિ યાહિ માધવ યાહિ કેશવ મા વદ કૈતવ-વાદમ્ ।
તામ્ અનુસર સરસીરુહ-લોચન યા તવ હરતિ વિષાદમ્ ॥ ધ્રુ. ॥
કજ્જલ-મલિન-વિલોચન-ચુમ્બન-વિરચિત-નીલિમ-રૂપમ્ ।
દશન-વસનમ્ અરુણ્ અં તવ ક્ર્સ્ણ તનોતિ તનોર્ અનુરૂપમ્

વપુર્ અનુહરતિ તવ સ્મર-સઙ્ગર-ખર-નખર-ક્ષત-રેખમ્ ।
મરકત-શકલ-કલિત-કલ-ધૌત-લિપેર્ ઇવ રતિ-જય-લેખમ્

ચરણ-કમલ-ગલદ્-અલક્તક-સિક્તમ્ ઇદં તવ હૃદયમ્ ઉદારમ્ ।
દર્સયતીવ બહિર્ મદન-દ્રુમ-નવ-કિશલય-પરિવારમ્

દશન-પદં ભવદ્-અધર-ગતં મમ જનયતિ ચેતસિ ખેદમ્ ।
કથયતિ કથમ્ અધુનાપિ મયા સહ તવ વપુર્ એતદ્ અભેદમ્

બહિર્ ઇવ મલિનતરં તવ કૃષ્ણ મનોઽપિ ભવિષ્યતિ નૂનમ્ ।
કથમ્ અથ વઞ્ચયસે જનમ્ અનુગતમ્ અસમ-શર-જ્વર-દૂનમ્

ભ્રમતિ ભવાન્ અબલા-કવલાય વનેષુ કિમ્ અત્ર વિચિત્રમ્ ।
પ્રથયતિ પૂતનિકૈવ વધૂ-વધ-નિર્દય-બાલ-ચરિત્રમ્

શ્રી-જયદેવ-ભણિત-રતિ-વઞ્ચિત-ખણ્ડિત-યુવતિ-વિલાપમ્ ।
શૃણુત સુધા-મધુરં વિબુધા વિબુધાલયતોઽપિ દુરાપમ્

* * * * *
તવેદં પશ્યન્ત્યાઃ પ્રસરદ્-અનુરાગં બહિર્ ઇવ પ્રિયા-પાદાલક્ત-ચ્છુરિતમ્ અરુણ-ચ્છાય-હૃદયમ્ ।
નોતે: {દ્યોતિ-}
મમાદ્ય પ્રખ્યાત-પ્રણય-ભર-ભઙ્ગેન કિતવ ત્વદ્-આલોકઃ શોકાદ્ અપિ કિમ્ અપિ લજ્જાં જનયતિ

અન્તર્-મોહન-મૌલિ-ઘૂર્ણન-ચલન્-મન્દાર-વિસ્રંશન-સ્તમ્ભાકર્ષણ-દૃષ્ટિ-હર્ષણ-મહા-મન્ત્રઃ કુરઙ્ગી-દૃશામ્ ।
નોતે: {વિભ્રંશન}
નોતે: {દૃપ્તિ}
દૃપ્યદ્-દાનવ-દૂયમાન-દિવિષદ્-દુર્વાર-દુઃખાપદાં ભ્રંશઃ કંસ-રિપોર્ વ્યપોહયતુ વઃ શ્રેયાંસિ વંશી-રવઃ