ગીતગોવિન્દ (અન્ય આવૃત્તિ) · અધ્યાય 6

ઇતિ શ્રી-ગીત-ગોવિન્દેઽભિસારિકા-વર્ણને સાકાઙ્ક્ષ-પુણ્ડરીકાક્સો નામ
પઞ્ચમઃ સર્ગઃ
॥5॥
(6)
ષષ્ઠઃ સર્ગઃ
સોત્કણ્ઠ-વૈકુણ્ઠઃ
નોતે: {ધન્ય-વૈકુણ્ઠ-કુઙ્કુમઃ ઇતિ ક્વચિત્ દૃશ્યતે }
અથ તાં ગન્તુમ્ અશક્તાં ચિરમ્ અનુરક્તાં લતા-ગૃહે દૃષ્ટ્વા ।
તચ્-ચરિતં ગોવિન્દે મનસિજ-મન્દે સખી પ્રાહ

॥ પ્રબન્ધઃ 12 ॥
ગુણકરી-રાગેન રૂપક-તાલેન ગીયતે ।
પશ્યતિ દિશિ દિશિ રહસિ ભવન્તમ્ ।
તદ્-અધર-મધુર-મધૂનિ પિબન્તમ્

નાથ હરે સીદતિ રાધા વાસ-ગૃહે ॥ ધ્રુ. ॥
ત્વદ્-અભિસરણ-રભસેન વલન્તી ।
પતતિ પદાનિ કિયન્તી ચલન્તી

વિહિત-વિશદ-બિસ-કિશલય-વલયા ।
જીવતિ પરમ્ ઇહ તવ રતિ-કલયા

મુહુર્ અવલોકિત-મણ્ડન-લીલા ।
મધુ-રિપુર્ અહમ્ ઇતિ ભાવન-શીલા

ત્વરિતમ્ ઉપૈતિ ન કથમ્ અભિસારમ્ ।
હરિર્ ઇતિ વદતિ સખીમ્ અનુવારમ્

શ્લિષ્યતિ ચુમ્બતિ જલ-ધર-કલ્પમ્ ।
હરિર્ ઉપગત ઇતિ તિમિરમ્ અનલ્પમ્

ભવતિ વિલમ્બિનિ વિગલિત-લજ્જા ।
વિલપતિ રોદિતિ વાસક-સજ્જા

શ્રી-જયદેવ-કવેર્ ઇદમ્ ઉદિતમ્ ।
રસિક-જનં તનુતામ્ અતિમુદિતમ્

* * * * *
વિપુલ-પુલક-પાલિઃ સ્ફીત-સીત્-કારમ્ અન્તર્-જનિત-જડિમમ્-કાકુ-વ્યાકુલં વ્યાહરન્તી ।
તવ કિતવ વિધાયામન્દ-કન્દર્પ-ચિન્તાં રસ-જલ-નિધિ-મગ્ના ધ્યાન-લગ્ના મૃગક્ષી

અઙ્ગેષ્વ્ આભરણં કરોતિ બહુશઃ પત્રેઽપિ સઞ્ચારિણી પ્રાપ્તં ત્વાં પરિશઙ્કતે વિતનુતે શય્યાં ચિરં ધ્યાયતિ ।
ઇત્ય્ આકલ્પ-વિકલ્પ-તલ્પ-રચના-સઙ્કલ્પ-લીલા-શત-વ્યાસક્તાપિ વિના ત્વયા વર-તનુર્ નૈષા નિશાં નેષ્યતિ

કિં વિશ્રામ્યસિ કૃષ્ણ-ભોગિ-ભવને ભાણ્ડીર-ભૂમી-રુહિ ભ્રાતર્ યાસિ ન દૃષ્ટિ-ગોચરમ્ ઇતઃ સાનન્દ-નન્દાસ્પદમ્ ।
રાધાયા વચનં તદ્ અધ્વગ-મુખાન્ નન્દાન્તિકે ગોપતો ગોવિન્દસ્ય જયન્તિ સાયમ્ અતિથિ-પ્રાશસ્ત્ય-ગર્ભા ગિરઃ