ગ્રંથ પાઠ

ગીતગોવિન્દ · અધ્યાય 9

9.1

તામ્ અથ મન્મથ-ખિન્નામ્ રતિ-રસ-ભિન્નામ્ વિષાદ-સમ્પન્નામ્ ।
અનુચિન્તિત-હરિ-ચરિતામ્ કલહ-અન્તર્-ઇતામ્ ઉવાચ સખી ॥

9.2

હરિઃ અભિસરતિ વહતિ મધુ-પવને ।
કિમ્ અપરમ્ અધિક-સુખમ્ સખિ ભવને ॥
માધવે મા કુરુ માનિનિ માનમ્ અયે ॥

9.3

તાલ-ફલાત્ અપિ ગુરુમ્ અતિસરસમ્ ।
કિમ્ વિફલીકુરુષે કુચ-કલશમ્ ॥
માધવે મા કુરુ માનિનિ માનમ્ અયે ॥

9.4

કતિ ન કથિતમ્ ઇદમ્ અનુપદમ્ અચિરમ્ ।
મા પરિહર હરિમ્ અતિશય-રુચિરમ્ ॥
માધવે મા કુરુ માનિનિ માનમ્ અયે ॥

9.5

કિમ્ ઇતિ વિષીદસિ રોદિષિ વિકલા ।
વિહસતિ યુવતિ-સભા તવ સકલા ॥
માધવે મા કુરુ માનિનિ માનમ્ અયે ॥

9.6

સજલ-નલિની-દલ-શીતલ-શયને ।
હરિમ્ અવલોકય સફલય નયને ॥
માધવે મા કુરુ માનિનિ માનમ્ અયે ॥

9.7

જનયસિ મનસિ કિમ્ ઇતિ ગુરુ-ખેદમ્ ।
શૃણુ મમ વચનમ્ અનીહિત-ભેદમ્ ॥
માધવે મા કુરુ માનિનિ માનમ્ અયે ॥

9.8

હરિઃ ઉપયાતુ વદતુ બહુ-મધુરમ્ ।
કિમ્ ઇતિ કરોષિ હૃદયમ્ અતિવિધુરમ્ ॥
માધવે મા કુરુ માનિનિ માનમ્ અયે ॥

9.9

શ્રીજયદેવ-ભણિતમ્ અતિલલિતમ્ ।
સુખયતુ રસિક-જનમ્ હરિ-ચરિતમ્ ॥
માધવે મા કુરુ માનિનિ માનમ્ અયે ॥

9.10

સ્નિગ્ધે યત્ પરુષા અસિ યત્ પ્રણમતિ સ્તબ્ધા અસિ યત્ રાગિણિ
દ્વેષ-સ્થા અસિ યત્ ઉન્મુખે વિમુખતામ્ યાતા અસિ તસ્મિન્ પ્રિયે ।
યુક્તમ્ તત્ વિપરીત-કારિણિ તવ શ્રીખણ્ડ-ચર્ચા વિષમ્
શીતાંશુઃ તપનઃ હિમમ્ હુતવહઃ ક્રીડા-મુદઃ યાતનાઃ ॥

મૂળ પાઠ: Gītagovinda · Edition: Barbara Stoler-Miller (New York 1977), with occasional amendments. · Data entry Jakub Cejka · GRETIL (Göttingen) · CC BY-NC-SA 4.0