ગીતગોવિન્દ · અધ્યાય 10
અત્ર અન્તરે મસૃણ-રોષ-વશામ્ અસીમ-
નિઃશ્વાસ-નિઃસહ-મુખીમ્ સુમુખીમ્ ઉપેત્ય ।
સવ્રીડમ્ ઈક્ષિત-સખી-વદનામ્ દિનાન્તે
સાનન્દ-ગદ્ગદ-પદમ્ હરિઃ ઇતિ ઉવાચ ॥
વદસિ યદિ કિંચિત્ અપિ દન્ત-રુચિ-કૌમુદી
હરતિ દર-તિમિરમ્ અતિઘોરમ્ ।
સ્ફુરત્-અધર-સીધવે તવ વદન-ચન્દ્રમાઃ
રોચયતુ લોચન-ચકોરમ્ ॥
પ્રિયે ચારુ-શીલે મુઞ્ચ મયિ માનમ્ અનિદાનમ્
સપદિ મદન-અનલઃ દહતિ મમ માનસમ્
દેહિ મુખ-કમલ-મધુ-પાનમ્ ॥
સત્યમ્ એવ અસિ યદિ સુદતિ મયિ કોપિની
દેહિ ખર-નખર-શર-ઘાતમ્ ।
ઘટય ભુજ-બન્ધનમ્ જનય રદ-ખણ્ડનમ્
યેન વા ભવતિ સુખ-જાતમ્ ॥
પ્રિયે ચારુ-શીલે મુઞ્ચ મયિ માનમ્ અનિદાનમ્
સપદિ મદન-અનલઃ દહતિ મમ માનસમ્
દેહિ મુખ-કમલ-મધુ-પાનમ્ ॥
ત્વમ્ અસિ મમ ભૂષણમ્ ત્વમ્ અસિ મમ જીવનમ્
ત્વમ્ અસિ મમ ભવ-જલધિ-રત્નમ્ ।
ભવતુ ભવતી ઇહ મયિ સતતમ્ અનુરોધિની
તત્ર મમ હૃદયમ્ અતિયત્નમ્ ॥
પ્રિયે ચારુ-શીલે મુઞ્ચ મયિ માનમ્ અનિદાનમ્
સપદિ મદન-અનલઃ દહતિ મમ માનસમ્
દેહિ મુખ-કમલ-મધુ-પાનમ્ ॥
નીલ-નલિન-આભમ્ અપિ તન્વિ તવ લોચનમ્
ધારયતિ કોક-નદ-રૂપમ્ ।
કુસુમશર-બાણ-ભાવેન યદિ રઞ્જયસિ
કૃષ્ણમ્ ઇદમ્ એતત્ અનુરૂપમ્ ॥
પ્રિયે ચારુ-શીલે મુઞ્ચ મયિ માનમ્ અનિદાનમ્
સપદિ મદન-અનલઃ દહતિ મમ માનસમ્
દેહિ મુખ-કમલ-મધુ-પાનમ્ ॥
સ્ફુરતુ કુચ-કુમ્ભયોઃ ઉપરિ મણિ-મઞ્જરી
રઞ્જયતુ તવ હૃદય-દેશમ્ ।
રસતુ રશના અપિ તવ ઘન-જઘન-મણ્ડલે
ઘોષયતુ મન્મથ-નિદેશમ્ ॥
પ્રિયે ચારુ-શીલે મુઞ્ચ મયિ માનમ્ અનિદાનમ્
સપદિ મદન-અનલઃ દહતિ મમ માનસમ્
દેહિ મુખ-કમલ-મધુ-પાનમ્ ॥
સ્થલ-કમલ-ગઞ્જનમ્ મમ હૃદય-રઞ્જનમ્
જનિત-રતિ-રઙ્ગ-પરભાગમ્ ।
ભણ મસૃણ-વાણિ કરવાણિ પદ-પઙ્કજમ્
સરસ-લસત્-અલક્તક-રાગમ્ ॥
પ્રિયે ચારુ-શીલે મુઞ્ચ મયિ માનમ્ અનિદાનમ્
સપદિ મદન-અનલઃ દહતિ મમ માનસમ્
દેહિ મુખ-કમલ-મધુ-પાનમ્ ॥
સ્મર-ગરલ-ખણ્ડનમ્ મમ શિરસિ મણ્ડનમ્
દેહિ પદ-પલ્લવમ્ ઉદારમ્ ।
જ્વલતિ મયિ દારુણઃ મદન-કદન-અરુણઃ
હરતુ તત્-ઉપાહિત-વિકારમ્ ॥
પ્રિયે ચારુ-શીલે મુઞ્ચ મયિ માનમ્ અનિદાનમ્
સપદિ મદન-અનલઃ દહતિ મમ માનસમ્
દેહિ મુખ-કમલ-મધુ-પાનમ્ ॥
ઇતિ ચટુલ-ચાટુ-પટુ-ચારુ મુરવૈરિણઃ
રાધિકામ્ અધિ વચન-જાતમ્ ।
જયતિ પદ્માવતી-રમણ-જયદેવ-કવિ-
ભારતી-ભણિતમ્ અતિશાતમ્ ॥
પ્રિયે ચારુ-શીલે મુઞ્ચ મયિ માનમ્ અનિદાનમ્
સપદિ મદન-અનલઃ દહતિ મમ માનસમ્
દેહિ મુખ-કમલ-મધુ-પાનમ્ ॥
પરિહર કૃત-આતઙ્કે શઙ્કામ્ ત્વયા સતતમ્ ઘન-
સ્તન-જઘનયા આક્રાન્તે સ્વાન્તે પર-અનવકાશિનિ ।
વિશતિ વિતનોઃ અન્યઃ ધન્યઃ ન કઃ અપિ મમ-અન્તરમ્
સ્તન-ભર-પરીરમ્ભ-આરમ્ભે વિધેહિ વિધેયતામ્ ॥
મુગ્ધે વિધેહિ મયિ નિર્દય-દન્ત-દંશ-
દોઃ-વલ્લિ-બન્ધ-નિબિડ-સ્તન-પીડનાનિ ।
ચણ્ડિ ત્વમ્ એવ મુદમ્ અઞ્ચ ન પઞ્ચબાણ-
ચણ્ડાલ-કાણ્ડ-દલનાત્ અસવઃ પ્રયાન્તુ ॥
વ્યથયતિ વૃથા મૌનમ્ તન્વિ પ્રપઞ્ચય પઞ્ચમમ્
તરુણિ મધુર-આલાપૈઃ તાપમ્ વિનોદય દૃષ્ટિભિઃ ।
સુમુખિ વિમુખી-ભાવમ્ તાવત્ વિમુઞ્ચ ન મુઞ્ચ મામ્
સ્વયમ્ અતિશય-સ્નિગ્ધઃ મુગ્ધે પ્રિયઃ અહમ્ ઉપસ્થિતઃ ॥
બન્ધૂક-દ્યુતિ-બાન્ધવઃ અયમ્ અધરઃ સ્નિગ્ધઃ મધૂક-છવિઃ
ગણ્ડઃ ચણ્ડિ ચકાસ્તિ નીલ-નલિન-શ્રી-મોચનમ્ લોચનમ્ ।
નાસા અભ્યેતિ તિલ-પ્રસૂન-પદવીમ્ કુન્દ-આભ-દન્તિ પ્રિયે
પ્રાયઃ ત્વત્-મુખ-સેવયા વિજયતે વિશ્વમ્ સઃ પુષ્પાયુધઃ ॥
દૃશૌ તવ મદ-આલસે વદનમ્ ઇન્દુ-સંદીપકમ્
ગતિઃ જન-મનોરમા વિધુત-રમ્ભમ્ ઊરુ-દ્વયમ્ ।
રતિઃ તવ કલાવતી રુચિર-ચિત્ર-લેખે ભ્રુવૌ
અહો વિબુધ-યૌવતમ્ વહસિ તન્વિ પૃથ્વી-ગતા ॥
મૂળ પાઠ: Gītagovinda · Edition: Barbara Stoler-Miller (New York 1977), with occasional amendments. · Data entry Jakub Cejka · GRETIL (Göttingen) · CC BY-NC-SA 4.0