ગીતગોવિન્દ · અધ્યાય 8

અથ કથમ્ અપિ યામિનીમ્ વિનીય સ્મર-શર-જર્જરિતા અપિ સા પ્રભાતે ।
અનુનય-વચનમ્ વદન્તમ્ અગ્રે પ્રણતમ્ અપિ પ્રિયમ્ આહ સાભ્યસૂયમ્ ॥

રજનિ-જનિત-ગુરુ-જાગર-રાગ-કષાયિતમ્ અલસ-નિવેશમ્ ।
વહતિ નયનમ્ અનુરાગમ્ ઇવ સ્ફુટમ્ ઉદિત-રસ-અભિનિવેશમ્ ॥
હરિહરિ યાહિ માધવ યાહિ કેશવ મા વદ કૈતવ-વાદમ્
તામ્ અનુસર સરસીરુહ-લોચન યા તવ હરતિ વિષાદમ્ ॥

કજ્જલ-મલિન-વિલોચન-ચુમ્બન-વિરચિત-નીલિમ-રૂપમ્ ।
દશન-વસનમ્ અરુણમ્ તવ કૃષ્ણ તનોતિ તનોઃ અનુરૂપમ્ ॥
હરિહરિ યાહિ માધવ યાહિ કેશવ મા વદ કૈતવ-વાદમ્
તામ્ અનુસર સરસીરુહ-લોચન યા તવ હરતિ વિષાદમ્ ॥

વપુઃ અનુહરતિ તવ સ્મર-સઙ્ગર-ખર-નખર-ક્ષત-રેખમ્ ।
મરકત-શકલ-કલિત-કલધૌત-લિપેઃ ઇવ રતિ-જય-લેખમ્ ॥
હરિહરિ યાહિ માધવ યાહિ કેશવ મા વદ કૈતવ-વાદમ્
તામ્ અનુસર સરસીરુહ-લોચન યા તવ હરતિ વિષાદમ્ ॥

ચરણ-કમલ-ગલત્-અલક્તક-સિક્તમ્ ઇદમ્ તવ હૃદયમ્ ઉદારમ્ ।
દર્શયતિ ઇવ બહિઃ મદન-દ્રુમ-નવ-કિસલય-પરિવારમ્ ॥
હરિહરિ યાહિ માધવ યાહિ કેશવ મા વદ કૈતવ-વાદમ્
તામ્ અનુસર સરસીરુહ-લોચન યા તવ હરતિ વિષાદમ્ ॥

દશન-પદમ્ ભવત્-અધર-ગતમ્ મમ જનયતિ ચેતસિ ખેદમ્ ।
કથયતિ કથમ્ અધુના અપિ મયા સહ તવ વપુઃ એતત્ અભેદમ્ ॥
હરિહરિ યાહિ માધવ યાહિ કેશવ મા વદ કૈતવ-વાદમ્
તામ્ અનુસર સરસીરુહ-લોચન યા તવ હરતિ વિષાદમ્ ॥

બહિઃ ઇવ મલિનતરમ્ તવ કૃષ્ણ મનઃ અપિ ભવિષ્યતિ નૂનમ્ ।
કથમ્ અથ વઞ્ચયસે જનમ્ અનુગતમ્ અસમશર-જ્વર-દૂનમ્ ॥
હરિહરિ યાહિ માધવ યાહિ કેશવ મા વદ કૈતવ-વાદમ્
તામ્ અનુસર સરસીરુહ-લોચન યા તવ હરતિ વિષાદમ્ ॥

ભ્રમતિ ભવાન્ અબલા-કવલાય વનેષુ કિમ્ અત્ર વિચિત્રમ્ ।
પ્રથયતિ પૂતનિકા એવ વધૂ-વધ-નિર્દય-બાલ-ચરિત્રમ્ ॥
હરિહરિ યાહિ માધવ યાહિ કેશવ મા વદ કૈતવ-વાદમ્
તામ્ અનુસર સરસીરુહ-લોચન યા તવ હરતિ વિષાદમ્ ॥

શ્રીજયદેવ-ભણિત-રતિ-વઞ્ચિત-ખણ્ડિત-યુવતિ-વિલાપમ્ ।
શૃણુત સુધા-મધુરમ્ વિબુધાઃ વિબુધ-આલયતઃ અપિ દુરાપમ્ ॥
હરિહરિ યાહિ માધવ યાહિ કેશવ મા વદ કૈતવ-વાદમ્
તામ્ અનુસર સરસીરુહ-લોચન યા તવ હરતિ વિષાદમ્ ॥

તવ ઇદમ્ પશ્યન્ત્યાઃ પ્રસરત્ અનુરાગમ્ બહિઃ ઇવ
પ્રિયા-પાદ-અલક્ત-છુરિતમ્ અરુણ-છાય-હૃદયમ્ ।
મમ અદ્ય પ્રખ્યાત-પ્રણય-ભર-ભઙ્ગેન કિતવ
ત્વત્-આલોકઃ શોકાત્ અપિ કિમ્ અપિ લજ્જામ્ જનયતિ ॥